Foz
A basílica de San Martiño acollerá este sábado, día 17, a décimo primeira edición do encontro internacional de corais Villa de Foz, que organiza a coral polifónica focense e que conta co patrocinio do Concello.
A partir das 19:30 horas a Coral Polifónica de Foz actuará xunto ás agrupacións Coral Erreniega, de Cendea de Cizur (Navarra) e Grupo Coral David de Sousa, de Figueira da Foz (Portugal).
Cada unha das tres corais interpretará cinco cancións e ao final do encontro as tres formacións cantarán conxuntamente O Voso Galo, peza que dirixirá a titular da coral de Foz, Carmen Alonso.
A 4ª Festa Vintage, que organiza o Centro Comercial Aberto, terá lugar os días 23 e 24 de xuño. Nesta ocasión estará dedicada aos anos 80. Durante toda a fin de semana haberá moitas actividades, descontos especiais no comercio, tapas e menús vintage e o sorteo presencial de 1.000 euros en vales de compra.
Un total de 15 locais hostaleiros ofrecerán durante as dúas xornadas tapas vintage a 1,50 euros e menús vintage por 15 euros. Os participantes son: A Funcional, A Viela, Aroma, Anduriña, Mayros, Costumes do Mar, Fraggle Rock, Marexada, O Carro, Portovello, Dandy, Fina, Xoyma, Tangarte Mariñeiro e Tangarte Mesón.
O sábado, 24 de xuño, na carpa que estará instalada diante do Concello actuará a partir das 20 horas o grupo Sons Varadero y ás 20:45 horas dará comezo o sorteo presencial de 1.000 euros en vales de...
leer más
A décima edición do Campus de Verán de Patinaxe Artística en Foz, que se celebrará do 26 ao 30 deste mes foi presentado hoxe. No acto participaron a concelleira focense de Xuventude e Deportes, Mercedes González; o presidente da asociación Escolas do Deporte, Ibán García; e a directora do campus, Rebeca Díaz.
O campus, que está organizado polo Concello de Foz e Escolas do Deporte, é de iniciación e perfeccionamento e está dirixido a maiores de 4 anos de idade. A organización explica que esta iniciativa “ofrece, ademais dos aspectos específicos da patinaxe artística, actividades complementarias lúdico-recreativas para que os participantes, ao mesmo tempo de formarse, gocen das praias, de actividades na natureza e de animación e de excursións culturais”.
O prazo de inscrición está aberto ata este domingo, día 18, e...
leer más
O Deputado de Deportes, Pablo Rivera Capón, presentou a 55 edición da Travesía de Foz, que terá lugar o vindeiro domingo 18 de xuño e que reunirá a preto de 500 palistas chegados de toda a xeografía galega e de Asturias. Fíxoo acompañado do Presidente da Federación Galega de Piragüismo, Alfredo Bea García, e o Presidente do Club Kayak Foz, Nacho Romillo, entre outras autoridades.
O Goberno da Deputación achega 7.000 euros para a celebración da Travesía de Foz, a terceira proba deste tipo máis lonxeva de España e a segunda de Galicia, posto que se organizou por primeira vez no ano 1962 e, dende entón,veuse disputando de maneira ininterrompida ata a actualidade.
Rivera Capón destacou que “un ano máis a Deputación de Lugo é a principal patrocinadora desta Travesía, renovando deste xeito a nosa aposta pola proba...
leer más
Este domingo, 18 de xuño, celebrarase a tradicional feira anual de gando que ten lugar na Espiñeira, lugar da parroquia focense de Vilaronte. Neste evento, organizado polo Concello de Foz, haberá actuacións de grupos folclóricos, sesión vermú, concurso de andadura de trotóns e premios ás mellores cabezas de gando.
O concelleiro de Medio Rural, Pedro Fernández Manín, anunciou hoxe que “un ano máis o Concello de Foz vai levar a cabo o próximo domingo 18 a feira que todos os anos se celebra no barrio da Espiñeira, na parroquia de Vilaronte”.
Fernández Manín sinalou que “haberá actuacións folclóricas, esperemos que bastante gando, un bar onde nos servirán churrasco e pulpo e as carreiras de trotóns cuns premios de 150 euros ao primeiro, 100 euros ao segundo e trofeo ao terceiro. Este ano soamente facemos a carreira de...
leer más
A Festa Normanda de Foz incluirá na edición deste ano un concurso de grupos musicais indie, pop, rock ou folk. O certame, que se celebrará o día 1 de setembro a partir das 20:30 horas, foi presentado por membros da asociación Desembarco Normando xunto con Fabio, de Studios Empyreal, de Viveiro.
O prazo de inscrición comezou hoxe, sábado, e rematará o 1 de agosto. Despois deste período a organización escollerá entre todos os grupos inscritos a 8 participantes para actuar no concurso. O premio será a gravación dunha maqueta de 7 cancións.
O colectivo Os Sendeiros de Foz organiza unha ruta pola costa naviega o 18 de xuño. A saída está prevista para ás 8:15 horas do Concello.
O prezo para os socios federados é 15 euros, para os socios non federados 20€ e para os non socios 25 euros, incluído o xantar. O ingreso debe facerse en conta bancaria e o prazo para anotarse remata o mércores 14 de xuño.
As persoas interesadas poden inscribirse nos números de teléfono 676 561 594 ou 670 369 017, e no e-mail ossendeiros@yahoo.es.
Os organizadores recomendan levar equipo de sendeirismo e informan de que o tramo ten unha dificultade de tipo medio.
A asociación sociocultural A Pomba do Arco, de Foz, organiza o 24 de xuño, un roteiro polo Patrimonio de Cangas.
Nesta visita farase un percorrido pola historia, a etnografía, o patrimonio artístico e os espazos naturais de valor ecolóxico e paisaxístico. A actividade estará guiada por Martín Fernández Vizoso, grande coñecedor da historia de Cangas.
Neste roteiro visitaranse entre outros lugares a bahía de San Pedro, Castro de Cangas, Os Castelos, Porto Baleiro de Cal da Vella, Cova dos Mouros, Casa de Canel, Capelas de Abelairas, Portela e Ribela, e O Lagar.
As persoas interesadas en participar desta actividade deberán inscribirse previamente no correo electrónico da propia asociación apombadoarco@gmail.com, ou ben chamando ao número de...
leer más
O Concello de Foz organiza, a través da súa Concellería de Asuntos Sociais, unha comida para os maiores do municipio, que terá lugar o sábado 17 de xuño. A participación neste evento é gratuíta, pero os que queiran acudir deben retirar as tarxetas no centro social a partir de hoxe.
A concelleira de Asuntos Sociais de Foz, Mercedes González Alonso, explicou: “xa levábamos moito tempo con ganas de facer esta xuntanza. Nesta comida dos maiores queremos obsequialos cun día especial de convivencia no que agardamos que todos se sintan a gusto e que se divirtan. Terá lugar o día 17 de xuño, sábado, ás dúas da tarde na Sala Bahía. É para todos aqueles que teñan cumprido 65 anos e que estean empadroados no Concello de Foz”.
Mercedes González subliña que “a entrada é gratuíta pero previamente deberán retirar a tarxeta no...
leer más
A asociación cultural A Pomba do Arco organiza para este venres, 9 de xuño, a presentación do libro titulado O monte galego e mariñán. Caos ou aproveitamento multifuncional?. O acto ten lugar na Librería Bahía de Foz a partires das 20:30 horas.
O obxectivo desta actividade é promover un debate sobre a situación do sector forestal na Mariña e en Galiza. No acto participarán Alberte Blanco Casal, coordinador do libro e Director Xeral de Montes entre 2005 e 2009, Bernardo Valdés, autor dun dos capítulos e profesor da Universidade de Santiago de Compostela, e Ramón Reimunde Noreña, presidente de Produtores de Madeira de Galiza (PROMAGAL).
A Pomba do Arco quere convidar ao público a participar neste acto no convencemento da importancia que o sector forestal ten para as veciñas de Foz e da Mariña, e da necesidade de...
leer más