Xove
Os Reis Magos en Xove visitarán a residencia da Terceira Idade antes de comezar a cabalgata ás 19:00 horas. A comitiva real sairá da nave-almacén que o Concello ten nas inmediacións do Campo de Fútbol Municipal e continuará pola rúa Acceso Grupo Escolar, a avenida Deputación, rúa Doutor Baamonde Illade e Camiño Real ata chegar ao Pavillón dos Deportes. Despois os Reis estarán cos nenos e nenas recollendo cartas e sacándose fotos. Rematará a tarde cunha festa infantil no pavillón coa Discoteca Móbil Decibelios.
Se por cuestións meteorolóxicas non pode realizarse a Cabalgata, trasladarase toda a actividade ao Pavillón dos Deportes onde terá lugar o encontro dos Reis Magos con todos os nenos e nenas.
O Concello editou un novo calendario este ano no que se recollen lugares significativos de Xove. A base do calendario son fotografías que recorren todo o término municipal: costa, interior, monte…
Para elaboración do calendario contouse cunha serie de fotografías realizadas por fotógrafos de Xove e de fóra de Xove. Por iso, dende o Concello, queremos darlles as grazas a todos eles por todas estas aportacións.
Pois ben, a presentación deste calendario realizouse coa presenza do alcalde Demetrio Salgueiro, a concelleira de cultura Dolores Meitín e a encargada da elaboración do calendario Lucía Sánchez.
Como ven sendo tradicional, o Concello realiza unha distribución do mesmo polas casas de tódolos veciños.
O Concello de Xove celebra a inauguración do Nadal o xoves, 21 de decembro, ás 19:00 horas, recibindo na Praza a Papa Noel quen estará no Centro Cívico das 19:00 ás 20:00 horas.
O venres 22, ás 21:30 horas, no pavillón de deportes terá lugar o VII Concurso de Karaoke. O sábado 23, ás 20:00 horas, no pavillón de deportes, Saíñas volve representar, dado o seu éxito, o espectáculo Identidade. O luns 25, ás 18:00 horas, no salón de actos do Centro Cívico, Dani Ríos presentará Danceplay de Nadal. Haberá chocolatada gratuíta.
Esta programación tamén inclúe a celebración da Semana Lecer Blanco que terá lugar do martes 26 ao venres 29 de decembro, con actividades de cociña, manualidades, música, experimentos, xogos, xincanas e educación emocional entre outras. Está organizada pola ANPA Pedro Caselles Rollán.
... leer más
Dentro do Programa de Nadal deste ano, un dos seus pratos fortes vai ser o CONCURSO DE KARAOKE, que este ano celebra a súa VII edición o VENRES, 22 DE DECEMBRO.
Este Concurso presenta tres categorías: PEQUES para menores de 12 anos; IUNIOR de 12 anos ou máis e menores de 18; VETERANOS para maiores de 18 anos. As BASES, FICHA DE INSCRICIÓN e a RELACIÓN DE CANCIÓNS para participar pódense consultar nas Oficinas Xerais do Concello, no Departamento de Cultura o na Web do Concello. Tamén podemos enviar toda esta documentación por email (Bases, Ficha de Inscrición e Relación de Cancións), se así nolo solicitan.
A inscrición neste Concurso é de carácter totalmente gratuita. Pois ben, a inscrición xa está aberta. A mesma pódese facer de varias maneiras, ben presencialemente nas oficinas do Concello, máis concretamente...
leer más
A S.D. Xove F.S. xunto coa Cervecería-Pizzería Onde Sempre de Xove están a organizar a I MARATÓN DE TUTE “ONDE SEMPRE XOVE FS”, cita que se vai a desenvolver o vindeiro 8 de decembro a partires das 11:00 horas no pavillón municipal de deportes de Xove.
A inscrición vai a costar 80 € por parella; a mesma xa está aberta e pódese facer no seguinte contacto: CARLOS (CARRETE): 605 791 777 O límite para inscribirse é o mércores 6 de decembro (incluído). A inscrición inclúe a comida para tódolos/as participantes, que se vai realizar ás 14:30 horas no propio Pavillón.
A previsión é que haxa 128 parellas; no caso de que a organización non consiga esas 128 parellas, o premio verase reducido proporcionalmente.
Ademáis dos importantes premios previstos para Maratón, a organización vai a realizar sorteos especiais...
O Concello de Xove, a través das Concellerías de Igualdade e Xuventude e Deportes, e tamén da OMIX, organizou unha serie de actos reivindicativos para conmemorar o Día Contra a Violencia de Xénero:
-Do 20 ao 25 de novembro: ÁRBORE DA IGUALDADE. Instalado na OMIX para todas aquelas persoas que desexen deixar colgadas na árbore as súas mensaxes reivindicativas contra a violencia de xénero.
-Venres, 24 de novembro:
-De 18:00 a 20:00 h.- OBRADOIRO “SEXUALIDADE EN IGUALDADE”. Dirixido a rapaces/as da ESO, vai ser impartido pola sexóloga-psicóloga Raquel Grañan a OMIX.
-Ás 20:00 h.- 3ª ANDAINA CONTRA A VIOLENCIA “Xove camiña pola igualdade”. Saída da Praza do Concello, continuando por: Camiño Real, Avenida Deputación, Rúa Tomás Mariño e cegada novamente á...
leer más
O grupo de sendeirismo da ACD. Xove clausura o ano de Rutas 2017 cun percorrido polo concello de Xove o domingo, 26 de novembro.
A ruta discorrerá pola senda dos ríos Guilán e Rigueira, recentemente acondicionada, e ten unha distancia de 10´5 quilómetros. A saída será dende o Centro Cívico de Xove ás 10:00 horas, e o regreso ao mesmo punto. Despois os participantes que o desexen xuntaranse nunha comida de confraternidade no restaurante do Centro Social de Palmeiro.
O prezo para participar na ruta é de balde para os federados e 2 euros do seguro de accidentes. O prezo da comida é 11€.
Colabora nesta actividade o Concello de Xove.
O Concello de Xove, a través da Concellería de Cultura, pon en marcha unha nova edición do Concurso de Postais. Coma en anos anteriores, o Concurso vai dirixido a nenos/as e rapaces/as de Xove, en especial aos alumnos/as do CEIP Pedro Caselles e do IES Illa de Sarón.
Segundo idade, temos cinco categorías: Preescolar (nenos/as de 3,4 e 5 anos); 1º e 2º de Primaria; 3º e 4º de Primaria; 5º e 6º de primaria e 1º a 4º de ESO. En cada unha destas categorías haberá tres premios, un primeiro, un segundo e un terceiro premio. Os premios consistirán en lotes de libros ou material escolar. O xurado poderá deixar deserto calquera dos premios, se así o considera oportuno.
Unha das postais premiadas poderá ser seleccionada como postal institucional do Concello para as vindeiras festas de Nadal. Neste sentido, este ano...
leer más
Este venres, 10 de novembro, comezan en Xove os Venres de Tapeo.
Os sete locais de hostalaría que participan nesta iniciativa servirán tapas ao prezo de 2 euros todos os venres a partires das 20:00 horas. O último venres de cada mes haberá un sorteo de 100 euros, e un sorteo presencial de 50€ en A Roda ás 23:30 horas. Para participar nos sorteos é preciso retirar as tarxetas nos establecementos participantes.
Os sete locais nos que se poderá degustar as tapas son: A Fuga, A Roda, Bar Cociña, Centro Cívico, O Cabaliño, O Refugio e Onde Sempre. Estes establecementos ofrecerán cada venres unha tapa diferente.
Esta actividade conta coa colaboración do Concello de Xove. Os Venres de Tapeo en novembro serán os días 10, 17 e 24.
Pasado mañá, 5 de novembro, ás 19:00 horas no Salón de Actos do Centro Cívico, imos ter en Xove á familia animada máis famosa de Galicia Os Bolechas co espectáculo “De Chispa a Tatá, imos de Moraña a Zas”.
A actuación vai dirixida a todos os públicos, en especial a tódolos nenos/as.
O espectáculo: Tatá, Sonia, Braulio, Loli, Pili e Carlos están facendo o Camiño de Santiago e paran na pousada de Eustaquio acompañados do seu can Chispa. Eustaquio acepta darlles aloxamento a cambio de que xoguen con el a un peculiar xogo da oca que os obrigará a superar, coa axuda e participación do público, diferentes probas de habilidade física e de coñecementos culturais sobre Galicia adaptados a rapaces de 4 a 10 anos. Cultura, xeografía, gastronomía, tradicións… todo terá cabida nesta divertida iniciativa para que os nenos e...
leer más