Foz
O Concello de Foz, a través da Concellería de Sanidade, organiza durante o mes de novembro un novo ciclo de charlas médicas, unha iniciativa que ten como obxectivo achegar á veciñanza información de interese sobre diferentes cuestións relacionadas coa saúde, o benestar físico e emocional e a prevención, anuncia a concelleira de Sanidade de Foz, Kathy Navarro.
As charlas terán lugar na Casa da Cultura de Foz ás 20:00 horas e contarán coa participación de profesionais e especialistas que compartirán os seus coñecementos e experiencias sobre temas de actualidade.
A primeira cita será o mércores 4 de novembro, coa charla titulada As emocións e a aceptación tras a perda dun ser querido, que será impartida por Sonia Arias López, autora da curtametraxe Mudanza. “Esta produción foi recoñecida con...
leer más
Este sábado, 24 de outubro, elixirase a raíña ou rei do Entroido 2027 de Foz nun acto que se celebrará na Sala Bahía ás 20.00 horas.
A concelleira de Cultura, Inés López Couto, anuncia que “o evento iniciarase co monólogo de Marcos Pereiro, coñecido polo seu papel de Nucha (das pandeireiteiras de Ardebullo) e por outros moitos no mundo cultural galego. A continuación coñeceremos as candidaturas presentadas a esta elección que nos contarán porque queren ser a maior representación do noso Entroido e despois da votación coñecerase quen será a raíña ou rei do Entroido 2027. Por suposto, contaremos con música, da orquestra Dinastía e Dj”.
“Agardamos que as veciñas e veciños nos acompañen neste evento tan especial no que se escolle a quen representará nos vindeiros meses ao Entroido de Foz, unha das festas máis...
leer más
Este sábado, día 24 de outubro, o hotel Leytón, de Foz, acollerá ás 14:00 horas unha comida baile a beneficio da loita contra o cancro, que contará tamén cun sorteo de agasallos.
A organización deste evento explica que a entrada custa 40 euros, dos cales 15 euros se destinan á doazón.
As reservas poden realizarse ata este xoves, 22 de outubro, no propio hotel ou no teléfono 646.545.388.
Os días 23 e 24 de outubro, venres e sábado, celebrarase en Foz unha nova edición da Oktober Fest, que organiza AciaFozCCA. Na cita participarán dez locais hostaleiros: A Farola, A Funcional, Augas Santas, Bar 78, Cafetería Leytón, Dandy, Happy Days, Marexada, Namarinos e O Muelle Bar.
O presidente de AciaFozCCA, José Carlos Paleo, explicou que “a cervexa será a protagonista en Foz os días 23 e 24 de outubro. Nos negocios participantes poderemos atopar moitas variedades desde as clásicas ata as artesás e de autor e tamén tapas especiais para celebrar a Oktober Fest e para acompañar ás cervexas”.
Paleo subliñou que “o obxectivo é dinamizar a hostalería local e darlle a benvida ao frío, que acaba de chegar, e tamén ao outono”.
A Oktober Fest foi presentada polo presidente de AciaFozCCA e...
leer más
O Concello de Foz preparou para este outono unha programación cultural que ocupa todas as fins de semana dos meses de outubro e novembro. Está centrada no teatro e no cine.
“A finalización do verán non foi un punto e a parte para a nosa programación, foi un punto e seguido. Cambiamos os espazos exteriores polos interiores e houbo unha moi boa aceptación do público do programa de teatro afeccionado, que se levou a cabo por Pico do Castro e Fegatea, e o novo ciclo Domingos de cine en Foz, que organiza o concello coa colaboración da Vicepresidencia da Deputación de Lugo e da Academia Galega do Audiovisual”, explica a concelleira de Cultura, Inés López Couto, que engade: “outubro comezou co mellor teatro galego, coa obra Reconversión, de Ibuprofeno Teatro, e continuamos este venres 9 ás 20.30 horas na Sala Bahía con As Gardiás...
leer más
A asociación Os Sendeiros, de Foz, fará o día 4 de outubro, domingo, a ruta Camiño Vello de Aldosende, no municipio lucense de Paradela. A saída desde Foz será ás 07:00 horas e ás 07:15 horas desde Ferreira do Valadouro.
Os prezos desta actividade, incluído o xantar, son: 60 euros para socios federados, 65 euros para socios non federados e 70 euros para socios temporais.
O prazo para anotarse remata este domingo, 27 de setembro, e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
A FCAM (A Mariña Federación) organiza este xoves, 24 de setembro, unha mesa redonda para facer balance turístico do verán. O evento terá lugar ás 12:00 da mañá no Cenima, en Foz.
A presidenta da FCAM, Carmen Cruzado, explica: “queremos pulsar a opinión de persoas e de empresas que están a pé de rúa en contacto cos milleiros de turistas que ano tras ano pasan por esta comarca durante o verán e entre todos facer unha reflexión. Esta será a segunda edición desta mesa redonda na que faremos balance do verán que despedimos hoxe”.
Cruzado Iglesias indica tamén que “é importante saber o que pensa o sector do que está a acontecer na Mariña, onde cada vez recibimos máis visitantes. Somos refuxio climático e iso vai a máis. Hai moitas preguntas no aire ¿estamos preparados? ¿hai que poñerlle freo dalgún xeito? ¿que impacto...
leer más
A Vicepresidencia da Deputación de Lugo anuncia que colabora un ano máis co proxecto de intercambio cultural a través do teatro Camiño Escena Norte, que programa representacións de 18 compañías de Galiza, Asturias, Cantabria, Euskadi, Nafarroa e La Rioja polo norte peninsular. O apoio da área de Cultura ao proxecto trae este ciclo teatral, titulado Itinerario Constelacións, a escenarios lucenses. A Sala Bahía, de Foz, e o Auditorio Hernán Naval de Ribadeo acollerán cadansúa representación os días 26 de setembro e 25 de outubro respectivamente.
Nueve Lunas Teatro, da Rioxa, levará a Foz a obra Juana I de Castilla, unha peza que aborda con humor, música e ironía a violencia sufrida polas mulleres e a saúde mental. E Ribadeo acollerá dúas función do espectáculo de ilusionismo inmersivo titulado 3 elementos da...
leer más
Foz acollerá este sábado, día 19 de setembro, a última cita de XOGAL 2026, o ciclo de escape rooms ao aire libre que percorreu este verán dez concellos galegos. Baixo o título Coñece Foz a través dos seus murais, a proposta “converterá o paseo marítimo nun gran taboleiro de xogo no que as persoas participantes descubrirán os murais, as esculturas e a memoria mariñeira do municipio mentres resolven enigmas e superan retos. A actividade arrancará ás 11:00 horas no mural Rente ao Mar”, explica a organización deste evento, que engade que “o fío condutor da aventura son as propias figuras do paseo: as que levan anos contando quen é Foz quedaron sen voz, e os equipos deberán devolverlla da man de Kei, a mascota que guía todos os circuítos de XOGAL. O percorrido é circular, de preto de 2,4 quilómetros e trece probas”.
Tamén indican que “...
leer más
Dentro do ciclo de cinema galego Mestre Mateo 2026 serán proxectadas na Casa da Cultura de Foz catro curtas de animación galegas: Lucus, Nuno, O corpo de Cristo e O mesmo. Será este domingo, día 13 de setembro, desde as 18:30 horas.
Anúnciao o Concello de Foz: “este domingo temos unha nova cita co cinema galego cunha sesión dedicada ás curtametraxes de animación. Unha nova oportunidade para achegarnos e desfrutar do talento do noso audiovisual”.