San Ciprián
O municipio de Cervo acollerá a celebración do Día do Turista este sábado, día 1 de agosto, evento organizado polo Centro de Iniciativas Turísticas (CIT) de San Ciprián coa colaboración da administración local. Na presentación da xornada participaron a alcaldesa, Dolores García Caramés; a concelleira Mali Méndez; e membros da directiva do CIT, entidade promotora desta cita estival.
O Concello de Cervo anuncia que o evento “ofrecerá un completo programa de actividades dirixidas a públicos de todas as idades, co obxectivo de dinamizar a vila, e favorecer a convivencia entre veciñanza e visitantes. A programación arrancará cunha actividade de castelos na area, na Praia do Torno, cuxa inscrición se pode facer alí mesmo entre as 11:00 e as 11:30 da mañá; seguida dunha comida degustación de salpicón de bonito na sede do CIT, ás 14:30 horas. Xa...
leer más
O Pavillón da Veiga, en San Ciprián, será o escenario este próximo sábado, día 25 de xullo, do VII Torneo Maruxaina de Tenis de Mesa, organizado polo Club Deportivo San Ciprián en colaboración co Concello de Cervo.
A cita foi presentada pola alcaldesa de Cervo, Dolores García Caramés, polo coordinador da sección de Tenis de Mesa do CD San Ciprián, Fernando Fernández, e polo xogador local Estéfano Berruezo.
A competición contará con medio cento de participantes procedentes de diferentes clubs de Galicia, Asturias, Castela a Mancha ou Italia. Está previsto que comece ás 10:00 horas e prolongarase durante toda a xornada do sábado. Haberá trofeos para os catro primeiros clasificados.
A rexedora destacou que para o Concello de Cervo “é un orgullo volver colaborar cun evento que xa se...
leer más
O Concello de Cervo anuncia que San Ciprián volverá render homenaxe á Virxe do Carme cun amplo programa de actividades que se desenvolverá entre os días 11 e 18 de xullo.
As celebracións arrancarán este sábado, día 11 de xullo, coa tradicional Gran Mexillonada Popular, organizada pola Asociación Amigos da Maruxaina, na Praza dos Campos, a partir das 20:00 horas.
O mércores 15, primeiro día grande das festas, haberá sesión vermú coa orquestra Supertop. Pola tarde celebrarase a misa solemne na igrexa parroquial de Lieiro, cantada pola Coral Terramar, á que seguirá a tradicional baixada da Virxe do Carme ata o peirao, organizada pola asociación Mar de San Ciprián, acompañada pola Banda San Inocencio de Burela e polo grupo de gaitas de A Rebolaxe. “Durante este emotivo acto renderase unha homenaxe a Luis Orive López...
leer más
O Concello de Cervo anima á veciñanza e aos visitantes a participar na tradicional Festa de San Xoán de San Ciprián, organizada polo grupo A Rebolaxe, que terá lugar o martes 23 de xuño no aparcadoiro do estanco da Praia do Torno.
“A programación dará comezo ás 19:45 horas coa actuación de Cuarteto Illa Pancha. Ademais, durante a tarde celebrarase o sorteo dunha paleta de porco. A partir das 20:00 horas haberá hamburguesas á grella e bocadillos de touciño e chourizo á venda para todas as persoas asistentes. Xa pola noite, ás 21:30 horas, será o concerto de Mi Rollo es el Rock, e á medianoite (00:00 horas) prenderase a tradicional fogueira de San Xoán, un dos momentos máis agardados da celebración”, anuncia o Concello de Cervo.
A alcaldesa de Cervo, Dolores García Caramés, presentou o evento acompañada do...
leer más
O Concello de Cervo anuncia que este sábado, día 16 de maio, ás 17:00 horas haberá un novo faladoiro de Arruguiñas Charlando. Será no local social da Asociación Terramar, na Casa do Mar.
Susana Vázquez Fernández (coach de saúde emocional e facilitadora en procesos de duelo e perda) ofrecerá o faladoiro titulado Xestión do ánimo, “centrado en aprender a relaxarnos, pensar en positivo e coidar a mente para mellorar o noso benestar emocional. Un encontro aberto á veciñanza para compartir, aprender e coidarnos entre todos e todas”.
É unha actividade organizada polo Concello de Cervo co apoio e colaboración da Asociación de Xubilados Terramar.
A asociación Saúde Mental A Mariña organiza unha cea baile benéfica para o día 25 de abril, sábado. Será ás 21:00 horas na Praza dos Campos, de San Ciprián (Cervo) e estará amenizada por Discomóvil Conxuro.
“Xa podes mercar os tickets para acompañarnos neste gran día de celebración. Toma nota de onde o podes facer ata o 21 de abril: Restaurante O Noso Lar, de San Ciprián; Unidade Residencial A Mariña (Cervo); Residencia Resort Saúde Mental Cervo; e nos CRPL de Burela, Viveiro e Ribadeo”, anuncia a asociación organizadora, que tamén indica: “se non podes asistir ao evento pero queres colaborar podes contribuír mediante a Fila Cero”.
Esta actividade conta coa colaboración do Concello de Cervo.
O Concello de Cervo anuncia que se converterá “no epicentro dunha proposta cultural de gran singularidade coa inauguración, este mércores día 1 de abril ás 13:30 horas na Casa da Cultura de San Ciprián, da exposición Baleas a Flote: Arte en Madeira e Mar, de Francisco Martínez-Pin. O acto, aberto ao público, marcará o inicio dunha iniciativa que transcende o ámbito expositivo para se converter nunha auténtica viaxe pola historia, a arte e a defensa do medio mariño”. Esta mostra poderá visitarse durante todo o mes de abril.
“Baleas a Flote constitúe o punto de partida do proxecto Tornaviaxe polo Cantábrico, un percorrido simbólico polos antigos portos baleeiros que unirá Galicia co País Vasco francés, recuperando a memoria colectiva das vilas mariñeiras e poñendo en diálogo o pasado co presente a través da...
leer más
A terceira edición do Festival do Guioncho celébrase na Praza dos Campos, de San Ciprián (Cervo) este mércores, día 1 de abril.
Este evento está organizado pola Comisión de Festas de Lieiro, que anuncia: “xa está aquí o III Festival do Guioncho! O mércores 1 de abril na Praza dos Campos, de San Cibrao (Cervo). Prepárate para unha noite inesquecible con El Combo Dominicano e a xira WAYKAS Survivor Tour, ademais de DJ Pablo Conxuro poñendo o ritmo ata que o corpo aguante!”.
A entrada en venda anticipada ten un prezo de 10 euros e 12 euros en taquilla. A apertura de portas será ás 22:30 horas. Haberá servizo de autobuses e recinto con carpa.
O Concello de Cervo anuncia: “esta Semana Santa temos Guateque de Arruguiñas! O martes 31 de marzo na Casa do Mar, de San Ciprián, ás 19:30 horas. Ademais haberá bingo e chocolate, da man do alumnado de II Bach en colaboración coa Oficina de Voluntariado Xuvenil”.
É unha actividade do Concello de Cervo en colaboración coa Asociación de Xubilados Terramar.
O Concello de Cervo anuncia a representación da obra teatral Aire fresco, a cargo do grupo Ardora, de San Ciprián, que terá lugar este domingo, día 29 de marzo, ás 19:00 horas no Local Social de Lieiro. A entrada será libre ata completar aforo.
A presentación do evento contou coa participación da alcaldesa de Cervo, Dolores García Caramés, da concelleira Mali Méndez, así como de membros da Asociación de Veciños Nosa Señora de Lieiro, que organiza a actividade, e do elenco da obra, e celebrouse no propio local social onde terá lugar a representación.
O Concello de Cervo explica que “Aire fresco é unha comedia que, a través do humor, convida á reflexión sobre cuestións sociais de gran relevancia. A obra aborda como a crise da Covid puxo de manifesto problemas comúns da vida cotiá que a miúdo pasan...
leer más