Curso

Está aberto ata o vindeiro 5 de xullo o prazo de inscrición para participar no curso de verán que organizan a Mancomunidade de Concellos da Mariña e a Universidade da Coruña. O título é Emprender no sector turístico na Mariña Lucense e terá lugar do 6 ao 9 de xullo de 16 a 21 horas na antiga escola de San Cosme de Barreiros. Esta acción formativa, dirixida tanto ao alumnado universitario, como ao público en xeral e profesional, ten como obxectivo achegar coñecemento, habilidades e competencias profesionais interesantes de cara ao emprendemento.

A presidenta da Mancomunidade, Rocío López, explicou que “a través de obradoiros e diferentes dinámicas con profesionais do sector, traballarase en temas tan interesantes como a análise de competencia, o modelo de negocio, o descubrimento de clientes, a avaliación financeira, a estratexia e...

A Escola de Música e Danza (EMMeD) celebrará o vindeiro luns, 22 de xuño, unha xornada de portas abertas co obxectivo de dar a coñecer as súas instalacións e a súa oferta educativa. O evento terá lugar entre as 16:00 e 18:00 horas.

Durante esta xornada, o profesorado do centro explicará polo miúdo as distintas disciplinas que se imparten na escola. Ademais, as persoas interesadas poderán participar nunha pequena clase práctica de balde, o que supón unha oportunidade única para probar as diferentes materias antes de formalizar a matrícula no centro.

Actividades por idades
Para facilitar a organización e adaptarse ao nivel pedagóxico, as actividades estarán divididas segundo as seguintes franxas de idade:
-Música e movemento: nenas e nenos nados entre os anos 2019 e 2022.
-Práctica instrumental:...

Lourenzá e Muimenta acollerán do 8 ao 10 de maio a sétima edición do Curso de Formación sobre Patrimonio Lúdico, organizado polo Observatorio do Patrimonio Lúdico Galego, Nova Escola Galega, Xotramu, O Recuncho das Argalladas de Lourenzá e Iberia Ludens. Anunciouno a Vicepresidencia da Deputación de Lugo, que explica: “relatorios, mesas redondas, práctica de xogos tradicionais e visitas a museos da contorna conforman o programa destas xornadas, convocadas baixo o lema Xogo, sustentabilidade e inclusión, que incide na necesidade de dar un paso máis na posta en valor dos xogos de sempre ofrecendo respostas ás necesidades da sociedade actual”. 

O curso, que se presentou este xoves, 16 de abril, no Pazo de San Marcos coa presenza de membros dos colectivos organizadores, da deputada de Cultura, Iria Castro; da concelleira de Cultura de...

Desde o día 13 ata o 17 de abril de 11:30 a 13:00 horas desenvolverase un curso gratuíto de destrezas dixitais para maiores de 65 anos no Centro de Día A Concordia de Ribadeo.

Esta actividade foi anunciada polo Concello de Ribadeo, que explica: “é unha oportunidade para aprender a usar mellor o móbil, facer trámites online ou manexar a banca e outros servizos dixitais con máis facilidade. Se tes máis de 65 anos, anímate e inscríbete antes de que se completen as prazas. Un curso pensado para gañar autonomía no mundo dixital e aprender dun xeito sinxelo e práctico”.