Cursos
A asociación de veciñ@s San Román do Vicedo organiza un obradoiro de coiro para este sábado, 25 de novembro. Será na Escola do Vilar, en San Román do Val, desde as 10:00 horas. Impartirao Rubén, artesán galego que ten a firma Obradoiro do Coiro.
Os organizadores explican: “na asociación de veciños San Román do Vicedo tentamos realizar actividades que fomenten a unión entre todxs nós. Procuramos, ademais, acadar a maior riqueza en termos económicos e de benestar; entendendo esta riqueza no seu concepto máis amplo, tanto material como intanxible, tentando contribuír así ao desenvolvemento, de non soamente a nosa parroquia, senón tamén da zona. Fomentamos a realización e promoción de actividades innovadoras con novas técnicas e materiais, dar pé á utilización de produtos da zona para combinar e realizar pezas orixinais. Froito do convenio...
leer más
O Grupo de Participación Adolescente e a aula de educación medioambiental Gaia, de Burela, celebran o mes da ciencia en galego nas bibliotecas cuns obradoiros de experimentos científicos. Terán lugar o vindeiro martes, día 21 de novembro, na sala de usos múltiples da Biblioteca de Burela. Serán ás 17:00 horas para o grupo de 3 a 7 anos e ás 18:00 horas para o grupo de 8 a 12 anos.
As prazas son limitadas, sendo necesaria a inscrición previa na Casa da Xuventude de Burela de 9:00 a 14:00 horas ou no número de teléfono 982.58.11.41.
Ribadeo acollerá do 13 ao 17 de novembro unha xuntanza do proxecto europeo de robótica no que participa Apaga. Ao encontro asistirán vinte profesores e alumnos chegados de Turquía, Polonia e Italia, que ademais visitarán centros de ensino e empresas e coñecerán a comarca e outras cidades como Lugo, Santiago e Avilés.
O presidente de Apaga, Álvaro Doural, contou que “esta é a última xuntanza deste proxecto europeo, que reúne a centros educativos de Turquía, Polonia e Italia. Nesta parte final hai un apartado dedicado á actividade cultural e visitas a empresas. Empezaremos o día 13, cando teremos un acto de acollida no local de Apaga. E despois, ás 10 da mañá, haberá unha recepción no Concello de Ribadeo, na que estará o alcalde. A continuación actuará un grupo de gaitas ribadense e pola tarde faremos unha visita cultural guiada polo casco...
leer más
O Concello do Valadouro organiza desde o 9 de novembro un programa de apoio e formación para familiares que coidan dos seus maiores, denominado Coidarte.
Serán oito sesións totalmente de balde ata completar aforo (10 persoas coidadoras). Desenvolveranse os xoves de 16:00 a 18:00 horas na Casa da Cultura do Valadouro.
Os organizadores explican que os participantes adquirirán coñecementos, técnicas e habilidades coas que desenvolver e mellorar o benestar e a calidade de vida da persoa maior, sen descoidar o benestar físico, emocional e social do coidador.
Para máis información e inscricións os interesados deben dirixirse ao departamento de Servizos Sociais do Concello do Valadouro ou contactar cos teléfonos 982.57.40.00 ou 644.032.222.
A Aula Universitaria da UNED de Foz vén de inaugurar unha nova sección denominada UNED Foz mes a mes, na que se expón a programación da aula para cada mensualidade. Así o anunciaron a concelleira da Aula Universitaria, Elena Martínez Pena, e a coordinadora da mesma, Marta Muiña Rodríguez. Para este mes de novembro deron a coñecer tres actividades: unha exposición e dous cursos de extensión universitaria.
A exposición do CEIDA, que leva por título O coidado do noso mar, estará ubicada na sala de exposicións do CENIMA do 6 ao 30 deste mes.
En Extensión Universitaria anúnciase unha formación en francés básico, en concreto no Nivel A2 do MCERL, do 3 ao 16 de novembro; e outra centrada na vulnerabilidade da infancia denominada Análise do maltrato físico, psíquico e emocional da infancia (Desenvolvemento da Lei 8/2021...
leer más
O Concello do Valadouro organiza un obradoiro creativo de manualidades, que será impartido no Local Social Concepción Arenal (Antigo Matadoiro) a partir do 7 de novembro ás 16:00 horas.
A duración das actividades está prevista dende o 7 de novembro de 2023 ata o 28 de xuño de 2024. O prazo de solicitude iníciase este luns, 30 de outubro.
As solicitudes realizaranse nas Oficinas Municipais en horario de atención ao público de 09:00 a 14:30 ou na Casa da Cultura do Concello do Valadouro tamén en horario de atención ao público de 09:00 a 20:30.
As persoas interesadas poden atopar aquí as bases de participación e o modelo de inscrición.
leer más
O vindeiro luns, 30 de outubro, arrinca unha nova edición de Preto de ti, un conxunto de actividades organizadas para dinamizar as parroquias ribadenses. O programación foi presentada polo alcalde, Dani Vega, e pola concelleira de Benestar Social, Elena Sierra.
O rexedor explicou que “bota a andar Preto de Ti, un conxunto de actividades que queremos acercar a todas as parroquias, a todos os lugares”.
Vega dixo: “eu en primeiro lugar quero felicitar aos técnicos municipais da Concellería de Benestar Social por todo o traballo que están a realizar; isto é grazas a eles. Tamén ás traballadoras que van levar a cabo todo o traballo en Preto de ti. E ademais á concelleira Elena Sierra, que grazas ao seu empeño e á súa dedicación Preto de ti é unha realidade”.
O alcalde indicou que “este...
leer más
A Reserva da Biosfera Terras do Miño, que xestiona a Deputación de Lugo, en colaboración co Grupo de Desenvolvemento Rural Terras de Miranda e co Concello de Alfoz, realizará un curso de recolección e cultivo de setas en Alfoz. Será na Escola Chao de Pereiro do 6 ao 10 de novembro de 16:00 a 21:00 horas.
Hai 12 prazas e a inscrición pode facerse a través do correo electrónico terrasmiranda@gmail.com ou no teléfono 982.507.111.
Estes cursos ofrécense de forma gratuíta, co fin de dar unha oferta lúdica e formativa e promover os valores naturais e medioambientais da Reserva da Biosfera.
A Concellería de Cultura do Valadouro presenta o luns 23 de outubro ás 18:00 horas na Casa da Cultura Manuel Lourenzo a actividade denominada ‘Terroríficas’. É un obradoiro de Andrea Barreira que combina a lectura e a escritura de relatos de terror.
A través dunha perspectiva de xénero, crítica e creativa, quen participe viaxará a través de distintas autoras (Cris Pavón, Uxía Casal, Paula Carballeira, Mary Shelley, Shirley Jackson, Pilar Pedraza...) pola literatura do medo e o misterio, o que lles permitirá construír o seu propio relato terrorífico. Esta actuación está inserida no programa Ler Conta Moito, da Rede de Bibliotecas Públicas de Galicia, promovido pola Xunta de Galicia. É unha actividade especialmente indicada para nenos/as a partir de 10 anos.
A Casa da Xuventude do Concello de Burela albergará desde este venres, 20 de outubro, o ciclo de obradoiros ‘Ciencia á feira’, que teñen como obxectivo achegar temas de interese científico á sociedade.
Os obradoiros que se van a desenvolver no ciclo serán os de ‘Enfermidades transmitidas por carrachas’ entre outubro e decembro, ‘Xestión sustentable da auga’ entre xaneiro e marzo, e ‘Propagación vexetal e as súas implicacións’ entre abril e xuño.
A primeira sesión, como parte do obradoiro de ‘Enfermidades transmitidas por carrachas’, terá lugar ás 12:00 horas do venres 20 de outubro. Cada sesión comporase dunha charla de 30 minutos e dun obradoiro de hora e media de duración.
As actividades realizaranse coincidindo coa feira municipal, que ten lugar os venres, e instalarase un posto no mercado de Burela, onde se...