Eventos
Todo está listo en Burela para a celebración da Romaría do Monte Castelo, que organizan a Asociación Amigos do Monte Castelo e o Concello de Burela, coa colaboración de Absa, Ledicia e a Mancomunidade de Montes. A cita terá lugar do 21 ao 23 de xullo.
O presidente da Asociación de Amigos do Monte Castelo, Marcos Vázquez, agradece “o apoio do Concello de Burela, que está a axudar en todos os preparativos, ao igual que a asociación de montes e o resto de entidades. Temos xa todo perfilado para arrincar coa montaxe”.
O venres, 21 de xullo, haberá misa na Igrexa da Vila do Medio ás 20 horas e despois ás 21 horas chicharrada no Monte Castelo aberta aos romeiros e romeiras alí acampados e tamén ao resto da xente que se queira achegar. A continuación actuación do grupo Tapyoca e un dj. O sábado está prevista unha festa...
leer más
A festa da parroquia de Sargadelos na honra de Santiago Apóstol arrincará o 24 de xullo cunha espetada moura ás 20:00 horas; seguida dunha gran verbena amenizada pola orquestra Trébol e a Disco Móbil Conxuro.
O día grande, o martes 25 de xullo, ás 13:00 horas terá lugar a misa solemne seguida de procesión. A continuación será a sesión vermú e o "tardeo" da man novamente de Disco Móbil Conxuro. Serviranse racións de churrasco e chourizo a mediodía.
A festa está organizada polo Concello de Cervo e a Asociación Amigos da Troula. Os organizadores insisten en animarse a desfrutar destes festexos nunha contorna excepcional como é o Conxunto Histórico Artístico de Sargadelos.
Ribadeo ofrece visitas guiadas polo seu pasado ilustrado, indiano e antigo. Este verán tamén volven as Xeorutas. A programación foi presentada polas concelleiras de Turismo e Cultura, Marta Saiz e Begoña Sanjurjo.
A responsable de Turismo contou que “a Concellería de Turismo ofrece un ano máis durante a tempada estival as súas visitas guiadas. Estas distribúense ó longo de toda a semana e ofrécense de forma gratuíta a todas as persoas interesadas, tanto residentes como visitantes. Para poder formar parte delas só se require inscrición previa, que se pode realizar a través da páxina turismo.ribadeo.gal”.
Marta Saiz explicou que “as visitas divídense en dous grupos, dependendo da ubicación do percorrido: as que discorren polo casco histórico e as xeolóxicas polo litoral, mais coñecidas como Xeorutas. Entre as...
leer más
A Asociación Bágoas da Terra está a preparar a edición número 43 da Mostra Folklórica Internacional de Viveiro, que este ano se celebrara entre o 1 e o 7 de agosto. O lugar dos eventos será principalmente, como outros anos, a Praza Maior de Viveiro.
Esta edición incluirá a Mostra Infantil, un concerto de música folk, o desfile das nacións, a recepción cas autoridades e unha exposición de indumentaria tradicional das zonas do Camiño de Santiago francés. Tamén, existirá a oportunidade de acudir a actuacións de grupos nacionais nos Xardíns Noriega Varela ou incluso a espectáculos musicais polas rúas. Así pois, destacan algúns pratos fortes como un espectáculo especial o sábado 5 á noite e a Gran Gala Internacional do domingo 6 de agosto.
Tras 43 edicións celebrándose de maneira...
leer más
Tras o éxito das anteriores entregas, este Mércores de Natureza, 19 de xullo, propón o percorrido de 20 kms seguindo o itinerario do Camiño Natural do Cantábrico, sempre pegado á costa. Poderán visualizarse as zonas da praia das Catedrais, Rinlo e Ribadeo. Sen embargo, realizarase en sentido contrario ao habitual para aproveitar a marea baixa da mañá e poder disfrutar da praia das Catedrais.
A ruta durará todo o día xa que a saída está prevista para ás 10 horas en tren dende O Vicedo, para iniciar a ruta ás 11 e así regresar no tren que sae de Ribadeo ás 18.40 horas. Para anotarse á actividade debe facerse no teléfono 982.59.01.95 ou no correo electrónico omix@concellodovicedo.org
A axenda do Concello de Burela para o mes de xullo inclúe actividades deportivas, festivas e gastronómicas.
A programación arrincou o pasado día 10 con balonmán e seguiron onte co IX Torneo de Tenis Memorial José Luis Yebra. A partires do luns, día 17, terá lugar un campus de fútbol da SD Burela. Tamén o luns volverá o balonmán para rapazas e rapaces de 6 a 16 anos e dará comezo o Verán na Praia, que se prolongará ata o 1 de setembro.
Do 21 ao 23 terá lugar a Romaría do Monte Castelo. O 25 de xullo Burela celebrará o Día de Galicia cunha pancetada e co concerto de DeVacas. Entre os días 27 e 30 haberá un tapeo na hostalaría local que terá ao bonito como protagonista. Será a antesala da Feira do Bonito, prevista para a primeira fin de semana de agosto.
O día 20 haberá Cine na Rúa. Será...
leer más
O Concello de Viveiro organiza unha nova edición da Ruada de Contos, un evento xa consolidado no verán para a cativada viveirense.
Con esta iniciativa, o Concello busca, en palabras da concelleira Lara Fernández Fernández-Noriega, "poñer en valor un sitio tan emblemático e tan bonito como é o parque Pernas Peón", onde terán lugar os contacontos. En caso de choiva, serán na Sala Multiusos do Concello.
A Ruada de Contos desenvolverase ao longo de tres xornadas, sempre no parque Pernas Peón. A primeira será o xoves 20 de xullo ás 19:30, na que Inventi Teatro representará 'As palabras perdidas'.
A segunda xornada será á semana seguinte, o xoves 27 de xullo, tamén ás 19:30. Será a quenda de 'RillaRilla', a cargo de Xarope Tulú. Finalmente, a Ruada de Contos rematará o xoves 10 de agosto ás 19:...
leer más
Festivais, cine, teatro, exposicións, Letras no Campo ou actividades para o público familiar son algunhas das propostas da axenda cultural de Ribadeo para este verán, que hoxe foron presentadas pola concelleira de Cultura, Begoña Sanjurjo.
A edil ribadense dixo que “a programación de verán do noso concello comezou co Ribadeo Indiano, un fin de semana cheo de cultura e historia que vimos de pasar. Moitas das actividades que vamos presentarvos están organizadas por diferentes asociacións ribadenses, a maioría de xente moza, ás que quero agradecer as súas ideas e o seu traballo, e coas que desde o Concello colaboramos gustosamente. Por exemplo, o Vendaval Fest que terá lugar xa o 22 de xullo, organizado pola asociación Catro Caños, e o Xara Fest que será o 2 de setembro, en plenas festas patronais, ten como motor outro grupo de mozos...
leer más
presentouse na área recreativa da Veiga, en Muras, a sexta edición do Trail das Bestas, que se celebrará o vindeiro sábado 15 de xullo e que conta coa colaboración do Concello de Muras a través do Plan Único da Deputación de Lugo.
265 persoas anotáronse para facer a proba, que ofrece catro modalidades de participación: unha maratón de 43 quilómetros, un percorrido de 27 quilómetros, outro de 14 quilómetros e unha andaina, cunha distancia tamén de 14 quilómetros.
O escenario -a Serra do Xistral- é o elemento diferenciador desta carreira de montaña, que é unha referencia no calendario galego. Nesta edición, os percorridos das probas de distancias menores deseñáronse co obxectivo de poñer en valor ese espazo natural emblemático.
A loxística da proba concentrarase na contorna da área...
leer más
A concelleira de Turismo, Marta Saiz, subliñou que o tren turístico-cultural enxalza o enorme potencial que ten Ribadeo. A nova tempada, que comezou hai unhas semanas, prolongarase ata o 10 de setembro.
A edil ribadense declarou: “un ano máis presentamos o tren turístico que desde hai varias semanas percorre o ámbito urbano da nosa vila. Ribadeo segue a ter un gran tirón turístico, son moitos os turistas e as persoas que recibimos cada ano, non só en verán, senón que se estende a outras épocas do ano e realmente esta actividade é un servizo moi demandado”.
Saiz dixo que “quen se anime a subir a este tren turístico-cultural, podemos chamalo así, porque visita o Ribadeo cultural, natural, o casco histórico, a nosa arquitectura, o centro da vila, … polo que tamén percorre o sector servizos e en consecuencia o noso...
leer más