Eventos
A Asociación As San Lucas, organizadora das Feiras e Festas máis antigas de Galicia, xunto á alcaldesa da localidade, Elena Candia, avanzan algunha das actividades que inclúe o programa de As Lucas 2018, entre as que se atopa a celebración dun dos principais espectáculos de doma nocturna, o primeiro que se alberga en Galicia.
O presidente da Asociación, Miguel Souto, destaca que este espectáculo desenvolverase “na feira máis antiga de Galicia e no marco incomparable da Praza da Catedral, en fronte do monumento declarado Patrimonio da Humanidade pola Unesco”. Souto defíneo como “un espectáculo único”, que chega da man do domador JavierSimon, encargado da parte relativa aos leds, equifire e á alta escola de fantasía e na que participarán oito cabalos. Ademais, esta maxestosa actuación contará coa exhibición de doma en liberdade de...
leer más
Este venres, 24 de agosto, terá lugar a Feira do San Bartolo en San Isidoro de Monte, no sitio coñecido como Penasagudas, no concello de Xove.
O programa dará comezo ás 10:00 horas coa recepción do gando no campo da Feira. Ás 13:00 horas haberá misa solemne na igrexa parroquial de San Isidoro, ás 13:30 h. sesión vermú e ás 17:30 horas verbena co grupo Vivarium.
No concurso gandeiro haberá dúas modalidades, para o maior número de reses vacunas e maior número de reses cabalares. Os premios en ambos casos serán de 90 euros para o 1º, 70€ o 2º, 50 euros o 3º, 40€ o 4º, 30 euros o 5º, e 20 €o 6º. Todos os participantes neste concurso deberán aportar a carta de saneamento no caso de gando vacún e microchip e libro o gando cabalar.
A partires das 17:30 horas haberá Concurso de Marcha nas...
leer más
Todo está listo en Foz para a celebración dunha nova edición da Festa Normanda. Este venres, 24 de agosto, a partires das 21:00 horas, terá lugar a representación do Milagre de San Gonzalo na Festa Normanda de Foz.
Como cada ano, un grupo de veciños de San Martiño sobe ao alto da Grela, durante a Festa Normanda, e representa o famoso milagre de San Gonzalo, o Bispo Santo, afundindo aos barcos normandos para salvar aos galaicos.
Nesta ocasión a representación céntrase no milagre que a lenda atribúe a San Gonzalo, para crear a famosa Fonte da Zapata, ao carón da Basílica de San Martiño.
Ademais este ano o pregoeiro da Festa Normanda será o home de teatro e impulsor da cultura en Foz, José Ramón Vila.
Acisa e o Concello de Ribadeo colaboran coa comisión do Entroido na organización do Guateque dos anos 60 e 70 que se celebrará o vindeiro sábado, 25 de agosto, a partir das 20 horas no parque de San Francisco.
Haberá tortilla, empanada, bolos preñados e doces caseiros. A cita estará amenizada con música dos anos 60 e 70. Francisco Iriarte, o presidente de Acisa, considera que “é unha boa forma de despedir practicamente o mes de agosto en Ribadeo. O Guateque é unha cita moi bonita pola que hai moita xente agardando. E ademais é unha maneira de colaborar co Entroido ribadense”.
A asociación cervense de Airiños do Xunco organiza unha Semana Cultural na Praza do Souto de Cervo para todos os veciños e visitantes que se queiranachegarao lugar.
As actividades comezaron este luns con debuxo infantil para os máis pequenos. Este martes 21 haberá hinchables, o mércores 22 xogos populares, o xoves 23 festa da auga e o venres 24 rematará a programación co concurso Master Chef Cervo.
Para inscribirse no concurso de Master Chef hai que faceloao longo da semana ben no número 600968344 ou ben nas propias actividades.
A Consellería de Medio Ambiente e Ordenación do Territorio, Ecovidrio e o Concello de Mondoñedo colaborarán para concienciar á poboación sobre a necesidade de reciclar os envases de vidro con motivo da Volta Ciclista a España 2018, que este ano comezará unha das súas etapas desde o municipio lucense.
Baixo o lema Recicla vidro e pedalea, a iniciativa pretende aproveitar o tirón e o reclamo que supón o paso deste evento deportivo por varias localidades de todo o país para sensibilizar no respecto ao medio ambiente a veciños e amantes do ciclismo, e implicalos á vez no obxectivo de incrementar as taxas actuais de recuperación destes residuos.
Así o subliñou a directora xeral de Calidade Ambiental e Cambio Climático, María Cruz Ferreira, que participou esta mañá na presentación da campaña en Mondoñedo xunto á...
leer más
O Cantón de Vilanova de Lourenzá acollerá este mércores, día 22, a partir das 13:00 horas unha actividade infantil de contos, debuxos e degustación gratuíta de produtos da marca Clesa. Anunciouno hoxe o Concello de Lourenzá.
A actividade, denominada Clesacontos, correrá a cargo do colectivo Polo correo do vento e está dirixida “ó publico familiar e ós máis pequenos da casa”. Está previsto desenvolvela no Cantón de Vilanova, pero en caso de mal tempo trasladarase ás instalacións do mercado comarcal.
O colectivo Polo correo do vento ofrecerá un espectáculo de “contacontos ilustrados que rematarán coa realización dun obradoiro de debuxo, no que explicarán o ciclo do leite e a importancia da calidade e trazabilidade en todos os produtos de Clesa”. Os obxectivos son “dar a coñecer a importancia da historia da empresa e...
leer más
A asociación Barreiros Mar e Monte organiza unha ruta aos Lagos de Saliencia en Asturias, que terá lugar o vindeiro xoves, día 23 de agosto. A inscrición péchase o martes.
A presidenta da asociación Barreiros Mar e Monte, Belén Antolín, manifesta que “consiste en una excursión a la ruta de los lagos de Saliencia, que está en el parque natural de Somiedo. Salimos a las ocho de la plaza del Concello. La ruta es de ocho kilómetros y medio, pero es apta para todos porque es circular, por lo que se puede acortar”.
Antolín engade que “tenemos pocas plazas así que si a alguien le interesa que reserve ya. El precio es muy atractivo también porque son 15 euros con el menú y el autobús. Es todo el día y volveremos sobre las ocho. Quien se quiera apuntar puede hacerlo en el teléfono 622 75 80 79, y los tíckets están a la...
leer más
Este luns, 20 de agosto, celébrase o Día do Neno, dentro do programa das festas de San Bartolo, en Xove.
As actividades para esta xornada, festivo local en Xove, darán comezo ás 17:00 horas e terán lugar na praza do Centro Cívico. Haberá inchables e xogos como Tragón, Tigre, Supper Wipe Out, Futbolín Humano, Superbarredora y Deslizador Acuático (para realizar este xogo os nenos e nenas que participen deberán ir provistos dun bañador xa que se realiza nunha rampa con auga e remata nunha pequena piscina).
Ademais ás 22:00 horas no salón de actos do Centro Cívico o director de cine xovense Lázaro Louzao presentará a súa longametraxe Nove de novembro.
As actividades programadas polo Concello de Xove para as festas patronais deste ano continuarán con máis actividades como dúas exposicións, de...
leer más
Este domingo, 19 de agosto, terá lugar unha observación astronómica en Ribadeo.Será ás 22 horas.
A actividade terá lugar na praza de España e está aberta a todo o público. Inicialmente estaba programada para onte, xoves, pero non se puido realizar debido ao estado do ceo.
Enmarcada na campaña Todo Cosmos - A astronomía ao alcance de tod@s estas observacións astronómicas lévanse a cabo coa colaboración do Ministerio de Ciencia, a través da Fundación Española para la Ciencia y la Tecnología, e a Universidade de Santiago.