Eventos
A parroquia de Vilameá, no concello da Pontenova, celebrará a súa Festa das Flores este sábado, 18 de maio, no Campo da Igrexa.
As actividades empezarán ás 19:00 horas con misa solemne e despois procesión. Ás 21:00 horas haberá sesión tardeo amenizada pola cantante Verónica Cambón e ás 22:00 comezará a cea de veciños, familiares e amigos. E rematará a xornada festiva cunha verbena na que actuarán Verónica Cambón e DJ Bombardero.
Este sábado, 18 de maio, a partir das 17 horas no centro social Xebra, na rúa Leandro Cucurny 19, de Burela, haberá un obradoiro de baile tradicional e foliada aberta.
Iria Fernández Moscoso, integrante da asociación Fervenza, é a encargada de impartir o obradoiro, que servirá como primeiro achegamento para quen entra no baile por vez primeira e quere perderlle o medo ás foliadas.
A organización anuncia tamén que “despois da clase práctica celebrarase unha foliada aberta no local, no que estarán presentes algunhas das agrupacións musicais da bisbarra”.
Desde o centro social Xebra “convidan a todas as persoas que gosten da música de raíz a se achegar para desfrutar dunha velada chea de música, baile e petiscos”.
A Delegación de Cultura do Concello do Valadouro presenta a programación deste venres 17 de maio, Día das Letras Galegas, que inclúe a lectura dramatizada de textos de Luísa Villalta, homenaxeada este ano 2024, e de Rosalía de Castro. Este acto será levado a escena por Trémola Teatro a partir das 20:00 horas na Casa da Cultura.
De seguido no mesmo escenario será o momento do recital "Cantando as nosas letras" a cargo do cantautor Xoán Curiel con poemas e cantigas musicados de autores/as homenaxeados/as nas Letras Galegas como a propia Luísa Villalta, Antonio Fraguas, Carvalho Calero, Xela Arias ou Florencio Delgado Gurriarán. Tamén están presentes outras/os autoras/es das letras galegas como Rosalía de Castro, Álvaro Cunqueiro, Alfonso X e trobadores da lírica medieval galego portuguesa...
A vixésimo sexta edición da Feira de Gando Cabalar de Lago, parroquia do concello de Xove, celebrarase este domingo, 19 de maio, a partir das 09:30 horas no recinto feiral. Foi presentada con un acto no que participou o alcalde de Xove, Demetrio Salgueiro.
A feira está organizada pola Asociación Equina A Medela e desde as 11 da mañá haberá carreiras e outras probas. Ás 20:00 horas farase a entrega de premios e sortearase un xato.
El vídeo podcast Terra UP Arte de Terra Branca acaba de cumplir 2 años. 25 han sido las entrevistas, de diferentes disciplinas artísticas, realizadas hasta el momento. La tercera temporada está en marcha.
El 16 de febrero del 2022 la Galería Terra Branca de Ribadeo inauguró un vídeo podcast con el objetivo de entrevistar a personas relacionadas con el mundo del arte. Cada temporada está compuesta por diez episodios y ya va por la tercera. Los capítulos, grabados en la Galería Terra Branca están dirigidos y presentados por José Ramón Leal, dueño del establecimiento: “mi padre fue locutor de Radio Juventud y, aunque yo disfruto más tras la cámara, me enseñó a amar la comunicación”.
Por este espacio han pasado escritores, pintores, actores, tatuadores, ilustradores, cantantes, etc… José Ramón Leal cuenta que “nos interesa el...
leer más
As festas de Canedo, no concello de Lourenzá, celebraranse deste este venres 17 de maio ata o domingo 19.
Empezarán as actividades o venres a partir das 21:00 horas con pulpada e churrascada. E despois haberá verbena coa orquestra Los Players e o grupo Origen.
O sábado celebrarase misa solemne ás 13:00 horas, seguida de procesión e sesión vermú amenizada pola orquestra Acordes, que tamén actuará na verbena xunto a Fania Blanco Show.
E o domingo haberá misa solemne ás 13:30 horas, seguida de procesión e sesión vermú coa orquestra Fania Blanco Show.
A organización dos festexos destaca que dispoñen de carpa e amplos aparcamentos.
Os días 17, 18 e 25 de maio seguen as actividades de xeoturismo organizadas pola Mancomunidade de Concellos da Mariña. Será coa xeoruta das Minas, na Pontenova, a xeoruta ao Monumento Natural da Praia das Catedrais, en Ribadeo e a xeoruta de Cerrochán, en Trabada.
A xeoruta da Pontenova partirá da Praza dos Fornos ás 10 da mañá este venres, 17 de maio. Os asistentes poderán coñecer os materiais de idade paleozoica que compoñen sinclinal de Vilaoudriz e a orixe do ferro que se explotou nas minas Consuelo e Boulloso desde concello. Esta ruta será conducida por Fran Canosa.
A xeoruta da praia das Catedrais dará comezo ás 17 da tarde deste sábado, 18 de maio, no punto de información do areal. Os participantes coñecerán a orixe dos materiais que forman estes acantilados e de que xeito foron deformados e fracturados...
leer más
Esta fin de semana, sábado e domingo, celebrarase na Ponte de Arante a romaxe das Cruces, festa de interese turístico galego. Haberá pregón, actuacións musicais, xantar e o tradicional bandeo do pendón e a reverencia das cruces, entre outras actividades.
O alcalde de Ribadeo, Dani Vega, destacou na presentación que “toda esta organización, a recreación da batalla ou xa a cuarta comida que se vén celebrando aquí, que é ese punto de encontro que fai máis grande este lugar, que se xunten todos os peregrinos en torno a un prato para degustalo e desfrutalo entre todos. E despois tamén hai esa actividade musical que é importante. Pero o domingo, que é o día grande, queremos todos recordar ese encontro das sete parroquias e o bandeo do pendón, que iso é o que nos diferenza. Realmente a festa de interese turístico autonómico é polo bandeo, é polo...
leer más
Foz prepárase para celebrar a romería do Bispo Santo, que contará un ano máis co apoio da Vicepresidencia da Deputación de Lugo. A deputada de Cultura Iria Castro e o deputado de Rural Mar e Mocidade Daniel García reuníronse con integrantes da Asociación Cívico Cultural Bispo Santo de Foz, que impulsan a organización desta romería popular con 385 anos de historia.
Durante o encontro, incidiuse na vontade da asociación organizadora de manter o carácter popular e familiar desta romería, incluíndo na programación actuacións para público infantil e que procuran a interacción co público para soster o ambiente festivo durante o día a carón da ermida de San Gonzalo.
Nesa liña, encádrase a colaboración da área de Cultura da Vicepresidencia da Deputación de Lugo nos tres últimos anos que, nesta edicion, se concreta no...
leer más
O Concello de Cervo, en colaboración con diferentes asociacións, programa unha serie de actividades culturais para conmemorar o Día das Letras Galegas, que este ano están dedicadas á escritora Luísa Villalta.
O programa foi presentado pola rexedora, Dolores García Caramés, e por representantes de Airiños do Xunco, Cordenaia, As Espalladoras e a asociación de veciños de San Román, que organizan varias das actividades previstas, coa colaboración da Administración local.
A primeira das citas terá lugar o xoves, 16 de maio na Casa da Cultura. Será unha actuación infantil a cargo de Cristina Collazo baixo o título “Procúrase Pepa a Loba”. Na Casa da Cultura, ás 19:30 horas.
Xa o propio Día das Letras Galega, o venres, 17 de maio, ás 12:00 horas, na Praza do Souto, terá lugar unha particular...
leer más