Música
A Escola Municipal de Música e Danza (EMMeD) de Ribadeo celebra o sábado, 15 de xuño, ás 11:30 e ás 18:00 horas, no Auditorio Municipal Hernán Naval o seu tradicional festival de Fin de Curso, dentro dos actos do 30 aniversario do centro. Na sesión da mañá será o alumnado máis pequeno o que participe. Xa na sesión da tarde serán as grandes agrupacións das diferentes especialidades instrumentais e de danza.
Hugo García, o responsable da EMMeD, salientou que o festival será “un ano máis unha caixa de sorpresas. Este ano decidimos romper coa idea dun festival temático, porque cremos que a ocasión o merece e que os 30 anos da Escola había que celebralos con actuacións especiais, con presenza de xente que pasou polo centro durante este tempo”.
E subliñou que “será, unha vez máis, un festival que non deixará a ninguén...
leer más
O Concello de Burela acollerá este sábado 15 de xuño, na Casa da Cultura, unha actuación de Uxía Lambona e a Banda Molona, dirixida a un público familiar.
O concerto desta banda de música infantil en galego será gratuíto, e servirá para celebrar a fin do curso e pechar a tempada de actuacións organizadas polo Concello no primeiro semestre do ano.
“Este evento será o último deste semestre contratado a través do convenio coa Rede Galega de Teatros e Auditorios da AGADIC”, explica a concelleira de Cultura, Lina Gómez.
“Dende o Concello xa estamos a preparar a programación do seguinte semestre, que de seguro estará chea de espectáculos tan destacados como o deste sábado”, engade Gómez.
O concerto terá lugar ás 18:00 do día 15 de xuño no auditorio da Casa da Cultura...
leer más
O quinto Baile da Travesía, organizado pola Asociación Cultural A Tribo da Travesía e MOV, terá lugar no Círculo Habanero da Devesa, no concello de Ribadeo, este venres, 14 de xuño, a partir das 20:30 horas.
Neste evento musical participarán grupos das asociacións ACM Arume, de Burela; AC A Chocolateira, da Pontenova, e Tarabeleir@s Amigos da Gaita, de Ribadeo.
Nesta actividade colabora o Círculo Habanero da Devesa e a Vicepresidencia da Deputación de Lugo.
A Unidade de Música do Cuartel Xeral de Apoio á Manobra do Exército de Terra ofrecerá un concerto o vindeiro sábado, 15 de xuño, no Cine Teatro.
A concelleira de Cultura, Begoña Sanjurjo, contou que “o próximo sábado, día 15 de xuño, ás 20:30 horas no Cine Teatro, estamos invitados ó concerto do Día das Forzas Armadas”.
A edil ribadense explicou que “será a Unidade de Música do Cuartel Xeral de Apoio á Manobra do Exército de Terra, a que nos deleite cun concerto, con música de diferentes estilos, non só música militar. Para poder asistir hai que recoller a invitación, de balde, na Casa do Viejo Pancho en horario de 9:00 a 14:00 horas. Vémonos no Teatro”.
A décimo quinta edición do Encontro Internacional de Corais Vila de Foz, que é o primeiro memorial Carmen Alonso, celebrarase o sábado 15 de xuño ás 19:30 horas na basílica de San Martiño.
Ademais da Coral Polifónica de Foz, que é a organizadora deste evento musical, actuarán a Coral Polifónica Bembibrense, de Bembibre (Léon) e o Orfeao de Vila Praia de Ancora (Portugal).
Esta actividade está patrocinada polo Concello de Foz.
O Parque de San Francisco acollerá o 15 de xuño a partir das 22:00 horas un concerto do grupo ribadense Kornucopia.
Kornucopia naceu no ano 2021 da man de Sergio Prieto, Rober Galle e Fillo García, aos que máis tarde se sumarían Pablo Fei e Cherry Fernández.
A concelleira de Turismo, Marta Saiz, sinala que “son uns veteranos do ámbito musical, xa que proceden e forman parte doutras formacións moi coñecidas en Ribadeo. Agora todos xuntos fusionan diferentes tipos de música e estilos, desde o tradicional ata o pop, rock, jazz ou blues”.
A edil ribadense indica que “estes rapaces apostan pola autoproducción e a xestión da súa música, desde a súa creación ata as mesmas gravacións”.
E engade: “as persoas que nos acheguemos o 15 de xuño ao Parque de San Francisco...
leer más
A Fundación Xesús Bal y Gay organiza audicións de música clásica en Foz. Terán lugar no Salón de Actos do Centro de Interpretación da Mariña (CENIMA) o luns 10 e os martes 18 e 25 de xuño. Os tres días serán ás 20:00 horas.
Nesta actividade colabora o Concello de Foz.
A festa presentación da décimo segunda edición do festival Aturuxo será este sábado, día 8 de xuño, desde as 19:00 horas, no Café Bar Cultural A Sacabeira, de Sargadelos (Cervo). O evento celebrarase os días 19 e 20 de xullo en Bravos (Ourol), con entrada e acampada de balde.
Os organizadores anuncian que “o vindeiro 8 de xuño terá lugar a festa presentación do Festival Aturuxo 2024 – XII Edición en A Sacabeira, Sargadelos. Cando algo é bo repítese e por iso é que non queriamos deixar pasar a oportunidade de facer, este ano tamén, a presentación oficial do noso festival coa marabillosa xente deste referente da cultura galega. Para tal ocasión non pode faltar música da boa e para iso contaremos coa actuación de Kedirán, que virán dende Compostela para facernos bailar e gozar a base de ben. Haberá racións de churrasco, opción vegana,...
leer más
O salón de actos do Concello de Xove acollerá a décimo terceira edición do festival folclórico infantil que organiza a asociación cultural Saíñas. Será este sábado, día 8 de xuño, ás 18:00 horas.
Neste evento o grupo infantil Xoaniña, da asociación cultural Saíñas, estará acompañado polo grupo Mistura, de Lieiro (Cervo).
Os organizadores anuncian que “será unha tarde chea de diversión e alegría para todos”.
A Escola Municipal de Música da Pontenova abre o prazo de matrícula para o curso 2024-2025 desde o luns 3 ata o venres 14 de xuño.
As persoas interesadas en obter máis información poden contactar a través do teléfono 650.34.81.23.