Alfoz
A Asociación Cultural e Xuvenil O Castelo, de Alfoz, organiza unha cea baile para o 16 de marzo, sábado, desde as 21:00 horas. Será no pavillón de Alfoz e estará amenizada polo grupo Lume.
O menú estará composto por cecina, empanada, croquetas, codillo, sobremesa, café, chupito e viños Rioja e Albariño. O prezo para os socios do colectivo organizador é de 25 euros, mentres que outras persoas que queiran participar deben pagar 27 euros.
Para as reservas os interesados poden contactar nos seguintes números de teléfono (mellor por WhatsApp): 603.89.57.53 (Borja) ou 617.29.97.98 (Daniel). O prazo para apuntarse remata o 12 de marzo.
A aula OMIX do Centro Sociocultural de Alfoz acolle unha charla informativa sobre control e xestión da dor o 16 de febreiro, venres, ás
10:30 horas.
Durante esta actividade proporcionaranse habilidades e coñecementos necesarios para mellorar a calidade de vida das persoas que presentan dor aguda e crónica, así como información sobre diferentes alternativas para a avaliación e tratamento da dor.
As persoas interesadas en inscribirse na actividade poden facelo ata o 9 de febreiro, presencialmente no Concello de Alfoz ou no teléfono 982.55.80. 01.
Será impartida por Enrique del Arco Herrero e realízase en colaboración coa Escola Galega de Saúde.
Alfoz celebra unha festa de Entroido o luns 12 de febreiro no pavillón municipal. Está organizada pola Asociación Cultural e Xuvenil O Castelo, que conta coa colaboración do Concello.
Estará amenizada pola discomóvil Eventec e haberá novos premios na categoría de comparsas e charangas.
A organización anuncia: “o luns 12 de febreiro tedes unha cita no pavillón de Alfoz. Ás 19:30 horas abrimos inscricións e ás 21:00 comeza o desfile. Non o podes perder! Se queres participar nel, podes consultar as bases no seguinte enlace:
https://drive.google.com/.../1QARtsK9WX7xE2xvocTi.../view... Contaremos con bocadillos quentes, para quen queira encher o bandullo!”.
O obradoiro Control e xestión da dor terá lugar o vindeiro día 16 de febreiro ás 10:30 horas na aula Omix do Centro Sociocultural de Alfoz.
Durante o obradoiro proporcionaranse habilidades e coñecementos necesarios para mellorar a calidade de vida das persoas que presentan dor aguda e crónica, así como información sobre diferentes alternativas para a avaliación e tratamento da dor.
As persoas interesadas en inscribirse na actividade poden facelo ata o 9 de febreiro, presencialmente no Concello de Alfoz ou no teléfono 982 55 80 01.
O obradoiro, impartido por Enrique del Arco Herrero, realízase en colaboración coa Escola Galega de Saúde.
A parroquia de Carballido, no concello de Alfoz, celebrará a súa festa na honra de San Sebastián os días 20 e 21 de xaneiro, sábado e domingo. Haberá carpa climatizada.
As actividades empezarán o sábado ás 13:00 horas con misa solemne, procesión e sesión vermú co dúo Sensación. E pola noite haberá verbena co dúo Sensación, All Stars, o dj Marcos Peón e Conxuro Discomóvil.
E o domingo a partir das 13:00 horas celebrarase misa, procesión e sesión vermú con Belinda.
A Asociación Cultural Xuvenil O Castelo organiza cabalgata dos Reis Magos en Alfoz na que haberá inchables, chocolate e biscoitos este venres, 5 de xaneiro.
Os Reis Magos farán un percorrido que empezará na Casa da Cultura ás 16:00 horas e inclúe paradas nas Oiras, no Pereiro, na Pinguela, en Reirado, en Bacoi, en Carballido, en Adelán e en Castro, “atendendo as peticións dos máis pequenos e pequenas da casa. Logo visitarán o pavillón municipal de Alfoz, onde estará o buzón real, no que os nenos e nenas poderán depositar as súas cartas”, explica a organización, que tamén anuncia que “haberá chocolate e biscoito para os asistentes, así como inchables para pasar unha tarde ben divertida”.
Trátase de "Textos e contextos da emigración do Valadouro en Cuba" escrito polo historiador Prudencio Viveiro Mogo.
A presentación será o 12 de xaneiro ás 20 horas na Casa da Cultura de Alfoz.
Ofrece unha panorámica xeral da emigración do Valadouro e de Alfoz en Cuba, que xunta unha colección de textos fundamentais para documentar a presenza dos valadourenses na Habana.
O Caderno nº 13 xa foi presentado o pasado 29 de decembro no Valadouro.
Colabora a Concellerías de Cultura do Valadouro e de Alfoz.
A Área de Cultura do Concello de Alfoz, organiza para despedir o ano e desfrutar das vacacións de Nadal, unha festa infantil-xuvenil os días 29 e 30 de decembro no Pavillón Municipal.
“De 17:30h a 20:30 horas teremos inchables, xogos, o 29 Touro Mecánico e o 30 Láser Tac para todos, de xeito totalmente gratuíto e sen inscrición previa”, explican desde Cultura.
Está organizada pola Asociación de Pescadores Amigos do Ouro en colaboración co Concello de Alfoz.
Terá lugar o 23 de decembro ás 10:00 da mañá na Casa da Cultura de Alfoz.
Será impartida por Julio Seijas e combinará parte teórica con práctica.
Os contidos son:
1.- "O RÍO, UN ECOSISTEMA VIVO" para identificar os insectos acuáticos e terrestres dos que se alimentan as troitas, as súas fases e estados. Comportamento das troitas, hábitat, cómo atopalas. A visión da troita.
2.-"MONTAXE". Iniciación ao montaxe de moscas, ferramentas, materiais,..(podes traer o teu equipo pero se non tés, non te preocupes, nós facilitámoscho).
3.-LANCE. Iniciación ao lance con cola de rata. Equipo (canas, carretes, liñas, baixos..).
Para inscricións, gratis, e máis...
leer más
O atrio de San Pedro, en Alfoz, acolle un Mercado de Nadal este venres, 8 de decembro, de 10:00 a 20:00 horas. Está organizado pola Asociación Cultural e Xuvenil O Castelo e pola Asociación Veciñal de Mor.
Haberá postos de comida, artesanía, adornos de Nadal, bebidas, accesorios, etcétera. De 12:00 a 17:00 horas desenvolverase un obradoiro gratuíto para xs máis pequenxs sobre creación de adornos de Nadal. E ás 19:00 horas acenderanse as luces de Nadal, con actuación musical.
“Se aínda non tés os adornos de Nadal ou che falta algún agasallo que mercar, xa sabes a onde vir. Haberá carpa climatizada, chocolate, viño quente, ... para pasar o día na mellor compañía. Esperámosvos!”, din os organizadores.