Lourenzá
Este xoves, dá 19 de outubro, terá lugar unha merenda solidaria no Centro Social Torreón dos Frades ás 18:00 horas con motivo do Día mundial contra o cancro de mama. Está organizada pola Concellería de Servizos Sociais.
Na merenda solidaria haberá mantecadas e chocolate para todos os asistentes e os donativos serán entregados a Asociación Española Contra o Cancro. O Concello de Lourenzá agradece a colaboración de Pastelería Cabaleiros, que contribúe aportando as mantecadas para a merenda.
A alcaldesa, Rocío López, e a concelleira de Servizos Sociais, Mercedes Dengra, fan un chamamento a todos os veciños e veciñas de Lourenzá para que participen “neste acto solidario, en apoio a todas aquelas persoas que padecen e loitan por superar esta enfermidade. Por segundo ano consecutivo decidimos organizar esta cita, dada a boa...
A Asociación de Sendeirismo Terras de Lourenzá organiza os días 27, 28 e 29 de outubro un fin de semana de sendeirismo con dúas camiñatas polas terras asturianas de Somiedo.
A saída está prevista para o venres, día 27, ás 19:30 horas dende o Cantón de Vilanova. O sábado 28 realizarase a ruta Foces e Brañas de Saliencia dunha lonxitude de 15 quilómetros e dificultade media-alta. Para as persoas que o desexen existe a posibilidade de reducir esta camiñata e facer unha variante denominada Ruta Brañas de Saliencia de 7,5 quilómetros e dificultade media-baixa. A comida será durante o desenrolo da propia ruta e unha vez rematada o punto de destino será Valle de Lago onde será a cea, o aloxamento e a comida do domingo.
O domingo 29 a camiñata escollida é a Ruta Braña de Sobrepena cun percorrido duns 9 quilómetros e...
leer más
A Deputada Provincial pola Comarca da Mariña, Mayra García Bermúdez, a Alcaldesa de Lourenzá, Rocío López García, e o Concelleiro de Deportes, Francisco Dasilva Rivas, xunto a outras autoridades, presentaron este xoves a VIII Carreira Popular Val das Fabas, que terá lugar o vindeiro domingo 1 de outubro.
O organismo provincial colabora co Concello de Lourenzá na organización desta cita cunha achega de 8.000 euros, coa que tamén contribúe á celebración doutros eventos deportivos no municipio como o XXI Día da Bici, a Marcha Cicloturista ou aMilla Popular Concello de Lourenzá.
García Bermúdez subliñou que “unha vez máis colaboramos co Concello de Lourenzá na celebración dun evento deportivo que, polas súas características, logra reunir a toda a veciñanza do municipio e da contorna. De feito, nestes momentos xa hai...
leer más
O Deputado de Deportes, Pablo Rivera Capón, xunto á Alcaldesa de Lourenzá, Rocío López García, e o Concelleiro de Deportes, Francisco Dasilva Rivas, presentou este luns a II Gala do Deporte de Lourenzá, que terá lugar o vindeiro venres 22 de setembro, a partir das 20:00 horas,no Pavillón Municipal do Concellomariñán. No evento premiarase aos mellores equipos e deportistas laurentinos da tempada 2016/2017.
O organismo provincial colabora co Concello de Lourenzá na organización desta cita cunha achega de 8.000 euros, coa que tamén contribúe á celebración doutros eventos deportivos no municipio como o XXI Día da Bici, a VIII Carreira Val das Fabas 2017, a Marcha Cicloturista ou aMilla Popular Concello de Lourenzá.
Rivera Capón subliñou que “falar de Lourenzá é, sen dúbida, falar de deporte. Ao longo do ano...
leer más
A Deputada de Economía,Mayra García Bermudez, a alcaldesa de Lourenzá, Rocío López García, o Concelleiro de Cultura, Manuel Arango Ron e o autor do cartel da festa, Ignacio Castro “Nachok”, presentaron este martes no Salón de Plenos da vila a XXVII Edición da Festa da Faba de Lourenzá, un produto de primeira categoría e que conta con IXP, que se celebrará dende o 29 de setembro ata o 1 de outubro. O Goberno da Deputación colabora con esta cita con preto de 5.000 euros.
García Bermudez avanzou que o Goberno da Deputación contribúe á promoción dafaba de Lourenzá no marco do seu Plan Estratéxico de Turismo da provincia, que define a promoción dos produtos autóctonos dos Concellos lugueses, como un factor de singularidade turística, capaz de atraer visitantese xerar riqueza na provincia.
A Deputada remarcou a...
leer más
O Concello de Lourenzá, a través da Delegación Municipal de Xuventude, organiza un taller gratuíto de coaching que comezará neste mes de setembro e terá unha duración de 35 horas. O prazo para inscribirse está aberto e rematará o día 18.
Trátase dun taller gratuíto destinado a mozos de 16 a 29 anos de idade no que se impartirán técnicas de motivación para a busca de emprego, comunicación e habilidades.
As inscricións poden facerse de luns a venres de 9 a 14 horas na oficina do técnico de emprego e de 17 a 20 horas na biblioteca municipal.
Esta actividade organizada polo Concello de Lourenzá está subvencionada pola Dirección Xeral de Xuventude, da Xunta de Galicia.
O Deputado de Turismo, Eduardo Vidal Baamonde, e a Alcaldesa de Lourenzá, Rocío López García, xunto ao Concelleiro de Deportes, Francisco Dasilva Rivas, presentaron este mércores a 1ª Marcha Cicloturista deste municipio, que terá lugar este domingo, 10 de setembro. Trátase dunha pioneira cita neste Concello, que agarda consolidarse no calendario da Federación Galega de Ciclismo, ao tempo que promove os recursos naturais e turísticos deste enclave da Mariña.
Consiste nun percorrido en bicicleta de 79 quilómetros entre as montañas que rodean o Val de Lourenzá. Poden participar todos os interesados a partires dos 15 anos de idade, pois tamén hai unha proba cronometrada no treito final, que é de case 4 quilómetros, con premios para os mellores de cada categoría (júnior, sénior, máster...).
Ata o momento, hai preto de...
leer más
O salón de actos do Concello de Lourenzá acolleu hoxe a presentación da iniciativa denominada Trouleando polo Camiño Norte, que organizan os concellos de Vegadeo,Trabada, Lourenzá e Mondoñedo e as asociacións Asturgalaica e Abrindo Camiño. No acto participaron as alcaldesas de Trabada e de Lourenzá, Mayra García Bermúdez e Rocío López García; o alcalde de Vegadeo, César Álvarez Fernández; a concelleira mindoniense Ángeles Rodríguez Rico; os presidentes dos colectivos que están na organización desta actividade, Luis Fernández Ansedes e Manuel Méndez Vázquez, e outros representantes destas asociacións.
A iniciativa consiste nun recorrido a pé “de promoción do histórico e orixinal trazado” desde Salave, en Tapia de Casariego, ata Mondoñedo, pasando por Vegadeo, Trabada e o Val de Lourenzá.
Estes itinerarios...
leer más
O vindeiro 10 de setembro ás 9:30 hora terá lugar a saída da 1º Marcha Cicloturista Concello de Lourenzá. Trátase dunha marcha ciclista de 79 km que recorrerá as montañas que rodean o Val de Lourenzá. A subida a Lindín, á Cadeira, ao Picato e o tramo final cronometrado dende Tovar e novamente á Cadeira farán as delicias dos amantes deste deporte que día a día ve medrar os seus adeptos na comarca Mariña.
O Clube Ciclista Viveiro e a Concellería de Deportes de Lourenzá, xuntan forzas para sacar adiante esta primeira edición dunha marcha que espera consolidarse no calendario da Federación Galega de Ciclismo.
O prezo é de 10 € para os ciclistas con licenza federativa, e de 26 € para os non federados que inclúe a licenza por un día. Ademais por 5 € mais en calquera dos dous casos, a inscrición inclúe un xantar ao final...
leer más
O prazo para inscribirse na primeira edición do certame de teatro afeccionado que convoca o Concello de Lourenzá rematará o día 30 de setembro e xa hai varias compañías que se amosaron interesadas en participar. Así o explicou hoxe o concelleiro de Cultura, Manuel Arango.
As representacións a cargo dos grupos que superen o proceso de selección terán lugar no salón de actos do Concello os sábados e domingos dos mes de novembro deste ano. E o primeiro domingo de decembro celebrarase a entrega de premios nunha gala na que haberá unha representación teatral profesional.
Cada compañía de teatro seleccionada recibirá 300 euros en concepto de participación, desprazamento, montaxe, etcétera. E ademais haberá seis premios: o Conde Santo á mellor representación, dotado con 600 euros e trofeo; e cinco premios que...
leer más