Lourenzá
12/02/2017
A asociación de sendeirismo Terras de Lourenzá organiza unha andaina por Taramundi o 18 de febreiro.
Trátase da Ruta da Auga (PR-AS17) cun percorrido circular que dará a oportunidade de visitar conxuntos etnográficos, pequenas aldeas restauradas e ata unha fervenza agochada entre árbores autóctonas. Ten unha distancia de 14 quilómetros cunha dificultade media-baixa. Os organizadores recomendan levar botas, bastóns e chubasqueiro.
A saída será ás 8:00 horas do Cantón de Vilanova e o xantar será no Restaurante Casa Paulino de Taramundi.
As inscricións deben facerse antes das 14:00 horas do xoves 16 de febreiro, por correo electrónico en terraslourenza@gmail.com, ou por teléfono no 647 06 70 54 (Javier) e no 686 77 11 13 (Emilio Celeirao). Os...
leer más 29/01/2017
Apaga dentro do seu proceso de internacionalización, no marco do programa Erasmus+ e como apoio ao sector primario, vai traer á Mariña ao produtor de agricultura ecolóxica Jean Pacheco, que visitará a comarca do 3 o 6 de febreiro.
Segundo explica o presidente da Asociación de Profesores de Automoción de Galicia, Álvaro Doural, “realizaremos un programa de seminarios de traballo en colaboración cos Concellos de Ribadeo, Lourenzá e Mondoñedo. O día 3 a xornada realizarase en Ribadeo e en Tapia, na Fundación Edes; o día 4 será en Mondoñedo pola maña e pola tarde en Lourenzá”. Doural subliña que “poderán participar nos seminarios tanto produtores como consumidores”.
Jean Pacheco é...
leer más 22/01/2017
O Pazo de Tovar acollerá os días 27 e 28 deste mes, venres e sábado, as primeiras Xornadas de Historia Local de Lourenzá, que están organizadas polo Concello. Foron presentadas na propia fortaleza pola alcaldesa, Rocío López; o concelleiro de Cultura, Manuel Arango; a técnico municipal de Cultura, María José López; o dono do Pazo de Tovar, José Ventoso; e o veciño de Lourenzá Miguel Gavín.
A rexedora municipal anunciou que “este fermoso lugar foi o escollido para facer este percorrido que nos levará anos atrás na historia do noso pobo. Dende o Concello facemos extensible esta invitación a todos os laurentinos e a outras xentes de comarcas limítrofes. Dende aquí invitámolos a participar nestas xornadas que, sen dúbida, nos remontarán ós inicios que foron dando...
leer más 26/12/2016
A Asociación de Comerciantes, Industriais e Autónomos de Lourenzá (ACIAL) organiza na noite do día 31 de decembro ao 1 de xaneiro, a partir da unha da madrugada, unha festa de fin de ano que terá lugar no recinto feiral e coa que colabora o Concello. A ACIAL engalanará para a ocasión as naves do mercado recreando como era antiga discoteca El Recreo.
O presidente da ACIAL, Javier Huertas, explicou hoxe que para a noite de fin de ano “aínda que realmente será o día 1, porque vai ser despois das doce da noite, concretamente a partir da unha da madrugada, vaise abrir o recinto feiral para facer unha festa. Ás dúas da mañá imos dar as badaladas, como fan nas Illas Azores, que é unha das zonas nas que son a esa hora. Imos dalas unha muller, que será unha sorpresa, e máis eu. Tamén vai haber un DJ con música e a partir das...
leer más 23/12/2016
O Concello de Lourenzá instalou un belén no antigo quiosco da música, situado na Praza do Conde Santo.
A alcaldesa, Rocío López, anunciou hoxe que “o Concello de Lourenzá preparou para estas datas de Nadal un belén de figuriñas, que está instalado no antigo quiosco da música, sito na Praza do Conde Santo. Está composto por pezas de madeira que representan as escenas do nacemento de Xesús e que se iluminan de noite xunto co alumeado de Nadal que loce nas rúas da localidade”.
A rexedora móstrase “contenta desta iniciativa, xa que son moitas as persoas que ó longo desta semana se acercaron a visitar o Belén e a facerse fotos a carón das figuras. Non deixa de ser un atractivo turístico máis para o noso concello que sen dúbida contribuirá a...
leer más 19/12/2016
O Concello de Lourenzá organiza unha festa infantil de Nadal este venres, día 23, nas naves do mercado comarcal gandeiro a partir das catro da tarde. O evento rematará coa visita de Papá Noel, que tamén irá ao centro de día para maiores.
A alcaldesa, Rocío López, anunciou hoxe que “esta actividade é organizada polo Concello de Lourenzá, a través da Delegación de Cultura, e subvencionada pola Deputación de Lugo. Haberá pintacaras, globoflexia e inchables para que todos os nenos e nenas poidan gozar desta festa. Ó longo da tarde terá lugar tamén a tradicional visita de Papá Noel, que este ano se acercará ata o mercado comarcal gandeiro para repartir caramelos entre todos os nen@s asistentes. Ademais Papá Noel tamén se achegará ao Centro de Día de...
leer más 28/11/2016
A Asociación Pasada das Cabras de Burela xunto con Terras de Lourenzá e Amigos do Patrimonio de Castroverde, organizan unha xuntanza na Fonsagrada o 4 de decembro. Durante esa xornada farán unha pequena ruta de dez quilómetros de dificultade baixa.
O prezo para os socios é de 25 euros e 30 euros para os que non o son, inclúe autobús, xantar a base de cocido con butelo típico da Fonsagrada e máis o seguro. Para participar é imprecindible anotarse en Gráficas Arfe ou ben no número de teléfono 982 580 504 antes do venres 2 de decembro ás 14:00 horas.
A saída dende Burela será ás 8:30 horas da Estación de Autobuses.
22/11/2016
O Concello organiza a primeira edición da Gala do Deporte de Lourenzá, na que serán premiados clubs e deportistas do municipio este venres día 25.
O evento terá lugar no salón de actos da Casa do Concello a partir das 20:00 horas. A alcaldesa, Rocío López, será a encargada de abrir o acto cun discurso de benvida e agradecemento. O acto estará conducido por dous presentadores xoves: Marcos Candia e Claudia Pena. No transcurso da gala iranse proxectando vídeos sobre os deportistas e clubs deportivos galardoados e terá lugar a entrega de premios da man da alcaldesa e do concelleiro de Deportes, Francisco Dasilva.
O edil de Deportes explica que se trata “dun recoñecemento que fai o...
leer más 15/11/2016
A Concellería de Cultura de Lourenzá convoca a segunda edición do concurso infantil para o cartel anunciador da cabalgata dos Reis Magos 2017 e o tradicional certame de poesía de Nadal que organiza a biblioteca pública municipal.
O concurso para o cartel da cabalgata dos Reis Magos “vai dirixido ós escolares de educación Infantil e Primaria do municipio. Os traballos deben ser pintados ou decorados con motivos fagan referencia á festividade dos Reis Magos nunha cartolina tamaño folio A-4 e é recomendable que a cor da cartolina non sexa moi escura. No reverso teñen que figurar os datos do participante: nome e apelidos, enderezo e teléfono. Empregarase a lingua galega”, segundo se explica nas bases.
... leer más 09/11/2016
A Casa da Xuventude de Lourenzá acollerá un curso de cestería de reciclaxe. Esta actividade, que está destinada a persoas adultas, desenvolverase os luns de catro a sete e media da tarde desde o día 14 deste mes de novembro ata o 19 de decembro. A inscrición e gratuíta e o prazo remata este venres, día 11.
Os interesados en participar deben apuntarse nas oficinas da Casa do Concello de Lourenzá ou chamando ao teléfono 982.12.10.06. Para que se celebre o curso é necesario que haxa un mínimo de once persoas inscritas.
Este curso está organizado polo Concello de Lourenzá e a Deputación de Lugo, a través do Centro de Artesanía e Deseño (Centrad).