Lourenzá
07/11/2016
A asociación Pasada das Cabras de Burela xunto coa de Terras de Lourenzá realizarán a 11ª e penúltima etapa do Camiño Norte de Santiago entre Arzúa e O Pedrouzo, o sábado 12 de novembro.
A etapa ten unha lonxitude de 19 quilómetros e a saída ás 7:30 horas é da Estación de Autobuses de Burela. O prezo é de 20 euros para os socios e 25 euros para os non socios, inclúe autobús, comida e seguro.
Para poder participar nesta etapa é imprescindible anotarse en Gráficas Arfe ou ben no número de teléfono 982 580 504 antes do 10 de novembro ás 20:00 horas.
24/10/2016
O Concello de Lourenzá organiza un ciclo de teatro con tres representacións durante o vindeiro mes de novembro. Esta iniciativa foi presentada hoxe.
A alcaldesa, Rocío López, anunciou que “o ciclo de teatro arrancará o sábado día 5 de novembro coa representación da obra Xubilando a cargo do grupo O Bordelo, de Cervo. O domingo 13 será o grupo A Rabela Teatro de Baralla o encargado de poñer o toque de humor coa obra Balbina a adiviña. E xa para rematar, o domingo día 20 terá lugar a representación da obra Concerto Bucólico, da man do grupo Yázabro. Todas as actuacións serán no salón de actos do Concello ás 20:00 horas”.
A rexedora municipal rematou comentando que “están actuacións...
leer más 21/10/2016
A biblioteca municipal Juana de Ibarbourou, de Lourenzá, acollerá o vindeiro luns, día 24, un obradoiro a cargo de Caxoto Contacontos, que presentará a iniciativa A Trastenda dos Contos. Esta actividade, que se celebra para conmemorar o Día da Biblioteca, leva por título A miña biblo mola!
A alcaldesa laurentina, Rocío López, anunciou hoxe que “esta iniciativa ten como obxectivo que os usuarios e usuarias habituais poidan presumir de biblioteca. Haberá un obradoiro de A Trastenda dos Contos, a cargo de Caxoto Contacontos, da Coruña, que finalizará cun videoclip lúdico. Terá lugar nas instalacións da biblioteca municipal o luns 24 de outubro de 11 a 13 horas e nel van participar os alumnos e alumnas de 4º, 5º e 6º de Primaria do CEIP Juan Rey, de Lourenzá”.
17/10/2016
A asociación de sendeirismo Terras de Lourenzá organiza a ruta do mes de outubro polo Azúmara o domingo 23.
Un percorrido de 9 quilómetros e dificultade baixa que dará comezo no Castro de Viladonga onde os participantes antes de comezar a camiñar poderán gozar dun dos tesouros arqueolóxicos da provincia, o conxunto formado polo xacemento do Castro e o Museo. Unha vez rematada a visita disporanse a facer a ruta que irá dende o castro ata Castro de Rei, onde xantarán nun restaurante da localidade.
A saída para esta andaina o 23 de outubro será desde o Cantón de Vilanova de Lourenzá ás 9:30 horas. O prezo é de 20 euros para socios e de 25 euros para non socios, inclúe o transporte en autobús e a comida. O prazo para anotarse remata o xoves...
leer más 14/10/2016
O Concello de Lourenzá organiza o segundo campionato de parchís por parellas para adultos. O prazo de inscrición está aberto ata o día 28 deste mes.
A alcaldesa, Rocío López, anunciou que “tras o éxito do primeiro campionato de parchís, o Concello de Lourenzá abre o prazo de inscricións para a segunda edición. As persoas interesadas en participar poderán anotarse ato o 28 de outubro na biblioteca municipal en horario de cinco a oito da tarde. A primeira edición tivo moi boa acollida por parte dos veciños e foron varias as parellas que participaron. Así as persoas que xogaron o campionato anterior afirman que neste volverán facelo. Esperamos que nesta ocasión o resto da xente se anime e a participación siga en aumento”.
A rexedora...
leer más 11/10/2016
O Concello de Lourenzá organiza unha merenda solidaria para o 19 deste mes, mércores, con motivo do Día Mundial Contra o Cancro de Mama. Será no centro social Torreón dos Frades ás seis da tarde.
A concelleira de Servizos Sociais, Mercedes Dengra, fai un chamamento “á solidariedade coas vítimas desta dura enfermidade e invita a todos os veciños a participar nesta iniciativa. Repartiranse lazos rosas entre todos os asistentes é haberá mantecadas e chocolate para merendar. Colocarase unha hucha de cor rosa onde todos os que queiran poderán deixar un donativo. Todos os fondos recadados serán entregados a Asociación Española Contra o Cancro (AECC)”.
E a alcaldesa, Rocío López, anunciou que “durante as próximas semanas dende o balcón da casa...
leer más 04/10/2016
O curso 2016-2017 do taller de memoria que organiza a Concellería de Servizos Sociais comezará o vindeiro luns, día 10, cunha charla sobre reciclaxe de residuos.
A concelleira de Servizos Sociais, Mercedes Dengra, anunciou hoxe que “todas aquelas persoas que desexen participar neste curso do taller de memoria poderán apuntarse ata o vindeiro luns, día 10 de outubro, nas oficinas do Centro Social do Torreón dos Frades en horario de 10:00 a 13:00 ou ben chamando ao teléfono 982.12.10.36. O curso comezará o próximo luns, día 10 de outubro, ás 17:00 horas no salón de actos do Concello, onde impartirá unha charla que leva por título Separemos ben, reciclaremos mellor e na que se abordarán temas relacionados coa reciclaxe e todos os asistentes recibirán un agasallo pola súa asistencia. Esta...
leer más 03/10/2016
As asociacións Pasada das Cabras de Burela e Terras de Lourenzá organizan para o vindeiro sábado, 8 de outubro, a 10ª etapa do Camiño Norte de Santiago dende O Castro a Arzúa cun percorrido de 17 quilómetros.
A saída será ás 8:00 horas da Estación de Autobuses de Burela e o prezo é de 20 euros para os socios e de 25 euros para os que non o son, inclúe autobús, comida e seguro.
Para participar é imprescindible anotarse en Gráficas Arfe ou no número de teléfono 982 580 504 antes do xoves 6 ás 20:00 horas.
24/09/2016
A feira de produtos ecolóxicos certificados, que contará con 20 empresas participantes, é unha das novidades da XXVI Festa da Faba de Lourenzá. O evento, que empezará o 30 de setembro, rematará o 2 de outubro, domingo, ás 18:30 horas cun encontro folclórico organizado pola asociación cultural Osorio Gutiérrez.
A feira exposición organizada polo Consello Regulador de Agricultura Ecolóxica de Galicia (CRAEGA) celebrarase na praza César Chavarría. A súa directora, More Santiago, explicou que “a produción ecolóxica galega é un dos sectores con maior crecemento en todas as ordes, tanto en superficie como en facturación e en operadores. De feito o crecemento resulta nalgúns aspectos espectacular, se temos en conta, por exemplo, que en só oito anos pasou de 9.600 hectáreas a máis de 20.000 no...
leer más 20/09/2016
A praza de Vilanova de Lourenzá acolleu a presentación do cartel e o programa de actividades para a XXVI Festa da Faba, que se celebrará desde o día 30 deste mes ata o 2 de outubro. Nesta edición haberá novidades, como as feiras de produtos ecolóxicos certificados e de automoción e vehículos agrícolas. No acto participaron a alcaldesa, Rocío López; o primeiro tenente de alcalde, Manuel Arango; o concelleiro de Festexos, Francisco Dasilva; e representantes dalgúns dos colectivos que colaboran no evento: Elena Cabaleiro, da asociación cultural Osorio Gutiérrez; a directora da feira de produtos ecolóxicos certificados do CRAEGA, More Santiago; o presidente da asociación de comerciantes, industriais e autónomos de Lourenzá, Javier Huertas; e o promotor das concentracións de motos Vespa e de coches clásicos,...
leer más