San Ciprián
Trátase dunha mostra formada por 15 ilustracións, promovida pola Secretaría Xeral de Igualdade, que a edil de Muller e Igualdade do Concello de Cervo, Pilar Armada, conseguiu traer a este municipio.
Pretende establecer un paralelismo entre o mundo romántico das primeiras relacións de parella e a crueldade que, ás veces, vai asociada a elas. Deste xeito podemos ver os traballos de dous premios nacionais de ilustración, Miguel Calatayud, e de cómic, Paco Roca; así como de diferentes figuras galegas, como Patricia Castelao, Pirusca ou David Pintor, entre outros moitos; que plasman nunha imaxe situacións ou momentos que consideraron violentos entre adolescentes, co obxectivo de mudar esas actitudes por outras nas que prime o respecto á parella.
É unha mostra que convida a reflexionar, a escoitar o que os corazón din,...
leer más
O Concello de Cervo acollerá o sábado 23 de decembro, véspera de Noiteboa, o X Campionato de Nadal de Nihon Taijitsu, nas modalidades de Kata e Combate, neste útimo caso na categoría adulto.
O evento foi presentado polo rexedor cervense, Alfonso Villares, o edil de Deportes, José Ramón Soto, e o presidente da Escola de Artes Marciais de Cervo e director do departamento de Taijitsu da Federación Galega de Kárate, Miguel Ángel Rojo, veciño tamén do municipio.
O escenario da competición, que comezará ás 17:00 horas, será o Pavillón da Veiga de San Ciprián,
Xa confirmaron a súa asistencia os campións galegos de todas as categorías; así estímase que serán medio cento os participantes, entre nenos e adultos, os que competirán no tatami instalado para a ocasión no Pavillón da Veiga; dos cales o...
leer más
O Concello de Cervo, coa colaboración da Asociación Anxuela, organiza a III Carreira San Silvestre que sairá da Praza dos Campos o 31 de decembro, día de fin de ano; como é tradicional.
Así o anunciou o edil de Deportes do Concello de Cervo, José Ramón Soto, na presentación do evento, que tivo lugar na Praza dos Campos de San Ciprián; na que estivo acompañado polas edís de Xuventude e Servizos Sociais, e os rapaces que colaboran na organización da cita deportiva.
A saída está prevista para as 11:30 horas da Praza dos Campos. As inscricións anticipadas pódense formalizar ata o día 30; chamando ou enviando un whatsapp ao número de teléfono 691.65.66.00 ou un correo electrónico a sansilvestre@gmail.com. Os participantes poderán anotarse tamén ese mesmo día, na Praza dos...
leer más
A Festa de San Andrés terá lugar en San Ciprián o xoves, 30 novembro.
Ás 12:30 haberá misa cantada pola Coral do C.I.T; ás 14:30 horas xantar no Restaurante Buenavista, e á tarde haberá baile na Casa do Mar da man da orquestra Alma Latina.
Os interesados poden adquirir o seu tícket no propio Restaurante.
A cita está organizada pola Asociación de Mulleres de San Ciprián, coa colaboración do Concello de Cervo e o CIT.
Na presentación estiveron presentes o alcalde de Cervo, Alfonso Villares, a edil de Servizos Sociais, Pilar Armada; e representantes da Asociación Mulleres de San Ciprián e CIT.
A Casa do Mar de San Ciprián acollerá o vindeiro venres, 3 de novembro, a VI Larpeirada de Ourizo de Outono
Na programación figura un concurso gastronómico de postres de castañas. Os participantes deberán entregar os seus postres ás 16:30 horas, ás 17:00 horas será a degustación por parte do xurado; e xa ás 18:00 horas está prevista a entrega de premios.
Ás 18:30 horas haberá unha actuación dedicada ao público infantil.
A continuación, collerá o testigo o Magosto Popular, organizado pola Asociación Clan, en colaboración co Concello de Cervo. Será a partir das 19:00 horas; e haberá castañas asadas, e tapas de xamón cocido, chourizo e patacas; e orella.
O evento estará amenizado con música tradicional; e ao remate do magosto haberá un concerto con música en directo...
leer más
A Asociación de Xubilados Terra-Mar, coa colaboración do Concello de Cervo, organiza para o 26 de setembro, a Festa na Honra de San Ciprián.
A cita foi presentada polo alcalde de Cervo, Alfonso Villares, a edil de Servizos Sociais, Pilar Armada , o presidente do ente organizador, José Luis Sariego, e outros membros da directiva e da Asociación Terra-Mar; no local que teñen cedido na Casa do Mar, para desenvolver as súas actividades ao longo do ano.
ÁS 12:30 horas está programada unha misa solemne cantada pola coral Terra-Mar; ás 14:30 horas terá lugar a comida por un prezo de 15 euros para os socios da Asociación e de 25 euros para os non socios; e xa ás 17:00 horas dará comezo o baile na Casa do Mar.
O Concello de Cervo convida a todos, veciños e visitantes, a que participen da Festa o...
leer más
A cita, organizada pola Asociación Clan, e que conta coa colaboración do Concello de Cervo, foi presentada polo rexedor, Alfonso Villares, a edil de Cultura, Dolores García Caramés e representantes do ente organizador.
O programa comezará o venres ás 17:00 horas cun taller de flauta irlandesa-whistle; e ese mesmo día, ás 22:00 horas, haberá Serán na Praza dos Campos cos grupos A Rebolaxe, de San Ciprián, Airiños do Xunco, de Cervo, Medio Quiñón, de Burela; Ledicia, de Burela; e os alumnos do obradoiro de flauta; e con premios para os mellores bailadores.
Dende as 23:45 horas está programada a actuación da Requinta da Laxeira; e dende a 01:00 horas haberá foliada libre.
O sábado, 2 de setembro, está previsto ás 10:30 horas un taller de corda pulsada; e dende as 12:00 horas haberá Cantos de...
leer más
A exposición Amazigh, sobre o Marrocos Bereber, que está nestes intres na sala de exposicións da Casa da Cultura, de San Ciprián, de Clara Lelarge e Jesús Giz Novo, poderase visitar ata o 9 de setembro.
Trátase dun proxecto que naceu trala viaxe dos autores a Marrocos no 2015, cando percorreron durante días lugares remotos habitados polo pobo Bereber, termo despectivo que substitúe ao propio Amazigh, que significa home libre.
O horario de visita é de 9.00 a 14:00 horas, pola mañá; e de 17:00 a 20:00 horas, pola tarde.
Ese mesmo día 9 de setembro como acto de clausura da exposición haberá unha proxección audiovisual ás 13:00 horas, na propia Casa da Cultura.
A Sala de Exposicións da Casa de Cultura de San Ciprián acolle ata o 15 de agosto a exposición fotográfica do VII concurso fotográfico de medio ambiente Cervo Respecta.
O alcalde de Cervo, Alfonso Villares, e a edil de medio ambiente, Manuela Méndez, visitaron a mostra composta por 32 fotografías inéditas e orixinais, tomadas en diferentes lugares de Galicia.
Recordamos que o primeiro premio recaeu en Pedro Antonio Vicente Canoura, pola fotografía que leva por título Autillo Europeo (Otus scops).
O segundo premio foi para María Elena Fernández Vázquez, coa foto Remuíños e Maruxaina. Trátase dunha vista da Maruxaina no medio das rochas, nun solpor. Foi capturada cun obxectivo “ojo de pez” e acadou o segundo premio tras unha segunda votación ao empatar coa foto “Souto da Retorta”. Ademais,...
leer más
A Casa da Cultura de San Ciprián acolle unha mostra de labores da Asociación de Mulleres Rurais As Espalladoras.
Son os traballos que fixeron ao longo do curso un grupo de 20 mulleres deste colectivo no local municipal de Castelo, baseados fundamentalmente na pintura e na técnica do macramé.
O alcalde de Cervo, Alfonso Villares, xunto a edil de Cultura, Dolores García Caramés, e de Muller e Igualdade, Pilar Armada, acompañaron na inauguración da exposición a unha representación deste colectivo.
A mostra, pódese visitar ata o día 30 de xullo, en horario de 11:00 a 13:00 horas, pola mañá; e de 18:00 a 21:00 horas, pola tarde.
As Espalladoras, da man da súa monitora Fuensanta Alonso, converteron a sala expositiva nunha casa, simulando o salón, os diferentes cuartos...
leer más