Xornadas
O Concello de Mondoñedo anuncia que os días 13, 14 e 15 de decembro Mondoñedo ten a súa cita habitual coa arqueoloxía.
“Mondoñedo retoma a actividade divulgativa coa habitual cita arqueolóxica que se ven celebrando en decembro dende fai máis de vinte anos. Son as Xornadas Mindonienses de arqueoloxía que, neste 2024, chegan á súa edición número 24. A cita, que combina charlas e visitas, terá lugar os días 13, 14 e 15 de decembro na Sala de Conferencias do Pazo Santomé, na rúa Julia Pardo Montenegro, e será unha edición monográfica sobre a Cova do Rei Cintolo a raíz de todas as investigacións que se estiveron e está a realizar nela dende o ano 2018. Nesta edición, o Concello conta coa colaboración da Federación Galega de Espeleoloxía para achegar esta temática. A edición deste ano, dirixida polo arqueólogo municipal Abel Vigo, conta coa...
leer más
AMODO, Conversas arredor da gastronomía na Mariña é un encontro vinculado á gastronomía, organizado pola Mancomunidade de Concellos da Mariña Lucense coa colaboración, na secretaría técnica, de Jorge Guitián e Anna Mayer -profesionais no ámbito de proxectos gastronómicos- e do Colectivo de Gastronomía da Mariña.
Este evento nace do Plan Director de Turismo Gastronómico da Mariña, presentado o pasado mes de xuño en Viveiro, no contexto do Plan de Sostibilidade Turística na Mariña Lucense que xestiona a Mancomunidade, e que está cofinanciado entre esta entidade, a Xunta de Galicia e a Secretaría de Estado de Turismo.
A presidenta da Mancomunidade de Concellos da Mariña, Rocío López, subliñou que “o obxectivo desta convocatoria é posicionar ao territorio da Mariña como un espazo creativo e innovador que reflexiona...
leer más
O Concello de Viveiro, coa colaboración da Federación Española de Actividades Subacuáticas (FEDAS), organiza as VIII Xornadas Cidade de Viveiro de Historia e Arqueoloxía Marítima, que se celebrarán os días 15, 16 e 17 de novembro. Na presentación das xornadas participaron a alcaldesa de Viveiro, María Loureiro; Jesús Fernández, concelleiro do Mar, e Antón López, delegado da FEDAS no noroeste de España.
María Loureiro destacou que se trata dunha cita consolidada a nivel nacional e internacional, perfecta para "dar a coñecer unha parte moi importante da nosa historia e patrimonio a través de grandes expertos".
A rexedora subliñou que "estas xornadas son o primeiro proxecto español de divulgación incluído no Catálogo de Boas Prácticas da Confederación Mundial de Actividades Subacuáticas, celebrada en Roma en 2023...
leer más
A quinta edición das Xornadas da Terra de Miranda, que son encontros de debate sobre o medio rural, celebraranse os días 18, 19 e 26 de outubro con actividades na Pontenova, A Ribeira de Piquín, Meira e Riotorto.
Haberá actividades como relatorios, mesas redondas, proxeccións e visitas para analizar “que se estuda?, que se planta no monte e cal é o futuro da nosa terra?”.
É unha iniciativa organizada polos colectivos Muíño de Barxa e Nova Escola Galega.
Mañá arrincan en Ribadeo as XIX Xornadas Mar por Medio. Ata o domingo haberá conferencias, mesa redonda, exposicións, documental e actuacións musicais.
A concelleira de Cultura, Begoña Sanjurjo, explicou que “esta fin de semana terán lugar en Ribadeo as Xornadas Mar por Medio na súa edición número 19. Comezarán ás 10:15 horas do venres co acto inaugural presidido polo conselleiro de Cultura, José López Campos. A continuación, a conferencia inaugural será impartida por don Francisco José Prieto Fernández, arcebispo de Santiago de Compostela, co título Os Camiños de Santiago e a Igrexa. Esta conferencia está enmarcada no título xenérico Os Camiños de Santiago, itinerarios de espiritualidade, tradición e cultura”.
A edil ribadense seguiu a relatar que “outras ponencias versarán sobre as asociacións xacobeas, as...
leer más
Do 4 ao 6 de outubro terá lugar en Ribadeo a décimo novena edición das Xornadas Mar por Medio, que organiza a Academia Xacobea coa colaboración do Concello de Ribadeo, a Xunta de Galicia, a Deputación de Lugo e as Universidades de Santiago e de Oviedo.
O título elixido para este 2024 é o de Os Camiños de Santiago: itinerarios de espiritualidade, tradición e cultura. Ademais de conferencias e mesas redondas o programa inclúe a exposición As frechas amarelas na Oficina de Turismo, a actuación da Coral Polifónica de Ribadeo na igrexa parroquial e o concerto de Manoele de Felisa, músico, compositor e cantante.
Entre os poñentes destaca a presenza en Ribadeo do Arcebispo de Santiago de Compostela, Francisco José Prieto Fernández.
O alcalde, Dani Vega, destacou que “as Xornadas Mar por...
leer más
Desde Terras da Faladora sinalan que “pouco a pouco, a cita coas Xornadas Memoria dun Tempo” vense achegando. Pero ollo, nesta ocasión o primeiro acto das devanditas ten un algo especial, un algo distinto, e un algo que nos da azos para seguir traballando a prol da memoria da nosa terra. Para o primeiro día do programa das Xornadas organizamos a descuberta dunha placa en honra de Jesús Castaño Galdo, alcalde do Concello de Mañón dende o 16 de marzo de 1936 ata a súa destitución polas forzas golpistas. Ten de especial o acto que vai ser fronte a casa familiar do propio alcalde contando coa participación das súas netas, do alcalde de Mañón, Alfredo Dovale, do historiador e catedrático da USC Emilio Grandío, e coa intervención musical do gaiteiro e profesor do Conservatorio de Viveiro, David Bellas”.
E indican que “é distinto a outros actos...
leer más
A asociación cultural A Pomba do Arco organiza na Casa da Cultura Poeta Manuel María, de Foz, a XXVII edición das xornadas de historia do municipio. As conferencias desenvolveranse entre o 29 de xullo e o 1 de agosto ás 20:30 horas.
O luns 29 de xullo Rafael Quintía falará sobre “A medicina popular na Mariña”, o 30 de xullo a charla de Antonio Múñoz tratará sobre os mariñáns vítimas do nazismo, o 31 de xullo Antón Meilán abordará “A loita de Pardo de Cela” e o 1 de agosto Antonio Rodríguez Baixeras falará sobre “A Mariña romana”.
A directiva da agrupación Cultural Francisco Lanza informa que do xoves 18 ao sábado 20 de xullo celebraranse as XXII Xornadas de Historia Local. Esta edición estará dedicada á actividade no Porto de Porcillán, abordando tarefas tanto a nivel tecnolóxico, coa construción de navíos, como a nivel comercial, coa intensa actividade mercantil desenvolvida polos nosos barcos no norte de Europa.
O presidente da agrupación, Farruco Graña, explicou que “contaremos coa presenza de dous conferenciantes: Joam Carmona Badia, catedrático de Historia e Institucións Económicas da USC e Alberto Paraje, veciño de Ribadeo e gran coñecedor da nosa historia que xa colaborou en anteriores Xornadas de Historia Local”.
Os eventos terán lugar no Salón de Actos da Casa do Mar, en horario de 20:30 a 22:30.
Graña...
leer más
Mondoñedo acollerá desde o xoves 30 de maio ata o sábado 1 de xuño unhas xornadas tituladas “Os Camiños de Santiago en Galicia. O seu coñecemento e divulgación”. Están organizadas pola Federación Galega de Asociacións de Amigos do Camiño de Santiago (FEGAC).
As actividades comezarán o xoves 30 ás 20:00 horas no auditorio municipal Pascual Veiga cun saúda institucional. A continuación terá lugar a proxección do documental “Elías Valiña, o inventor das frechas amarelas”, de Aser Álvarez, e despois haberá un coloquio. E para as 21:00 horas está programado un concerto da Banda de Música Pascual Veiga, de Mondoñedo.
O venres 31 haberá un roteiro pola variante marítima do Camiño Norte de Santiago, que sairá da Alameda dos Remedios, de Mondoñedo, ás 09:30 horas.
E o sábado 1 de xuño as...
leer más