Ribadeo
A Sala de Exposicións do Campo de San Francisco, en Ribadeo, acollerá entre os días 1 e 12 de setembro, unha mostra de pirogravados do artista Antonio Martínez “Pimpelo”, baixo a temática do mundo natural.
A exposición amosa unha coidada selección de obras realizadas coa técnica do pirogravado para dar vida a escenas inspiradas no mundo natural.
Os horarios de visita serán de 11:30 a 13:30 horas pola mañá e de 18:00 a 20:30 horas pola tarde.
A mostra ofrece unha oportunidade única para achegarse á obra deste creador e gozar dunha expresión artística enriquecedora.
Acisa organiza unha nova fin de semana do Mercado de Rúa. A cita terá lugar este sábado e domingo, convertendo as rúas de Ribadeo nun gran escaparate comercial aberto a todo o público.
A presidenta de Acisa, Carmen Cruzado, sinalou que “en Acisa Ribadeo organizamos este ano unha nova edición do Mercado de Rúa, unha iniciativa na que os establecementos participantes sacan os seus produtos á rúa para ofrecer aos seus clientes os mellores descontos e promocións especiais, e esta é a última fin de semana. Esta actividade enmarcase dentro da programación de O noso comercio é vida, vive Ribadeo, que forma parte do proxecto da Xunta de Galicia O teu comercio é extraordinario. Esta será unha moi boa ocasión para facerse con artigos de tempada a prezos espectaculares e coas ultimas liquidacións de stock. Tamén será un bo momento para coñecer as...
leer más
Este sábado, 30 de agosto, celébrase en As Anzas (Ribadeo) a XII edición da Malla do Trigo, unha cita que combina tradición, gastronomía e música popular, recuperando un dos labores máis emblemáticos da cultura agraria galega.
A xornada arrincará ás 10:00 horas co asentamento da maquinaria e dos primeiros mollos. Ás 11:00 horas dará comezo a malla, que estará amenizada polo Cuarteto Tradicional Illa Pancha e o Grupo Lume.
Ás 12:30 horas terá lugar o reparto de pan, sardiñas e viño. Ao finalizar a malla, celebrarase unha sesión vermú a cargo do Grupo Lume, seguida da tradicional comida popular.
O menú incluirá paella mixta, costela de porco asada, tarta milfollas, bebidas, pan, café e licores. O prezo será de 25 euros, excepto para os menores de 12 anos que non terán que pagar.
... leer más
A Praza de Abastos de Ribadeo collerá o venres e o sábado (29 e 30 de agosto) as Experiencias de Calidade con catas, degustacións e showcookings. Están enmarcadas nos Días de Sabor da programación especial de Acisa O noso comercio é vida, vive Ribadeo.
A presidenta de Acisa Ribadeo, Carmen Cruzado, contou que “a Praza de Abastos de Ribadeo converterase os días 29 e 30 de agosto no escenario das Experiencias de Calidade, unha iniciativa promovida pola Xunta de Galicia coa colaboración do Concello de Ribadeo e cofinanciada pola Unión Europea, que busca poñer en valor a artesanía alimentaria e os produtos galegos con denominación de orixe, no marco das actividades excepcionais deste mes de agosto impulsadas por Acisa dentro da programación O noso comercio é vida, vive Ribadeo”.
Cruzado Iglesias explicou que “...
leer más
Ribadeo celebrará unha nova edición do Día da Bicicleta este domingo, día 31 de agosto, a partir das 11 horas. A saída será desde a Casa do Concello ata a Illa Pancha e a volta realizarase por Vilaselán e o casco urbano. Ao remate haberá sorteo de agasallos entre os participantes.
O concelleiro de Deportes, Francisco José Silvent, anima “a coller a bici o vindeiro domingo e a pedalear todos xuntos. Será unha maneira divertida e saudable de despedir o mes de agosto en Ribadeo”.
A concentración dos participantes a carón do Pazo de Ibáñez está prevista para as 10:30 horas.
O Día da Bicicleta está organizado polo Concello de Ribadeo, conta co patrocinio de Vegalsa e está promovido por La Voz de Galicia. Colaboran: BeOne, Decathlon, Deportes Docobo, Atleet Ribadeo, Cerezo Bikes, Pillabikes,...
leer más
A vila de Ribadeo acollerá do 29 de agosto ao 8 de setembro as súas Festas Patronais 2025, once días cheos de música, tradición, deporte e actividades para todas as idades.
O venres 29 de agosto abrirase o programa ás 20:30 horas co pregón a cargo de Pepe Rodil, presentado por Daniel Gayoso, acompañado polo pasarrúas da Sorcha Showband unha hora antes. Xa pola noite, o público poderá gozar dunha festa musical con DJ Manu Méndez, TheSound Project e Litainer a partir das 23:30horas.
O sábado 30 será a quenda do Mercadillo na Praza de Abastos de 12:00 a 18:00 horas e da 3ª edición do Xara Fest, no porto deportivo, con artistas como C. Marí, Lua de Santana, L’Haíne, 9Louro, Betty Bunny, Wachu e Baby Romeo. A apertura de portas será ás 20:00 horas.
O domingo 31 celebrarase o tradicional Día da...
leer más
Esta mañá deu comezo en Ribadeo o XIV Fórum de Innovación e Formación sobre Vehículos, organizado por Apaga. Nesta edición, que se prolongará ata o venres, participan ponentes chegados desde Colombia e desde Portugal.
No acto de inauguración interviñeron o alcalde, Dani Vega, o director territorial de Economía e Industria, Gustavo Casasola, e o presidente de Apaga, Álvaro Doural. Máis de 50 persoas procedentes de diferentes puntos da xeografía española asisten a este Fórum no que se abordan cuestións como a diagnose de vehículos híbridos/eléctricos, os incendios nas baterías de vehículos eléctricos ou a internacionalización da asociación Apaga, entre outras. Ademais os asistentes achegaranse á Formación Profesional que se imparte en Colombia ou das mobilidades europeas de alumnos que son acollidos en empresas de Portugal.
... leer más
Este 28 de agosto Ribadeo énchese de música, xogos e descontos co último Xoves Aberto de Acisa. Haberá música na rúa San Francisco e na zona vella, a ruleta da sorte tamén na rúa San Francisco, propostas refrescantes na hostalería local, descontos en tendas e o deslizador xigante de Acisa.
A presidenta de Acisa, Carmen Cruzado, manifestou: “como xa se puido comprobar os pasados xoves, esta iniciativa enche as rúas da vila de música en vivo e permite a veciños e visitantes gozar de descontos e promocións especiais nos comercios adheridos, que contan con horario especial de peche, presentando o multipase da campaña. A actividade forma parte da programación especial O noso comercio é vida, vive Ribadeo. Ademais contaremos tamén con propostas moi refrescantes na hostalería local. Dende Acisa queremos pechar estes Xoves Abertos por todo o alto...
leer más
Ata o 1 de outubro está aberto o prazo de inscrición para participar no primeiro Trail de Ribadeo. Está organizado polo Concello e terá lugar o 5 de outubro.
O obxectivo deste evento é fomentar a práctica do deporte ao aire libre, promover o respecto polo medio natural e dar a coñecer o patrimonio paisaxístico e cultural da zona.
O concelleiro de Deportes, Francisco José Silvent, explicou que “haberá tres modalidades: trail longo (24 quilómetros), trail curto (12 quilómetros) e andaina popular (12 quilómetros). Para participar nos trails será preciso ter cumpridos os 18 anos e para a andaina a partir de 12 anos (menores acompañados dun adulto responsable)”.
As persoas interesadas en participar poden inscribirse en...
leer más