Ribadeo

Faro Norte Comunicación celebrará o seu dezaoito aniversario este sábado, 7 de marzo, cun parladoiro feminino denominado Experiencias de vida, que terá lugar ás 19 horas no Salón dos Alcaldes do Concello de Ribadeo. 

Desde Faro Norte explican que “quixemos celebrar o noso aniversario, a nosa maioría de idade, arredor do 8M co obxectivo de renderlle homenaxe á muller compartindo experiencias de vida das 18 mulleres que participarán no parladoiro feminino. Contaremos con autónomas, traballadoras por conta allea, xubiladas, empresarias, docentes, políticas en activo e outras que o foron hai máis de trinta anos, inmigrantes ou emigrantes retornadas”.

E engaden: “as convidadas a esta cita falarán da súa vida profesional, da conciliación familiar e laboral e das súas referentes”. Participarán: Carmela López, presidenta...

O pavillón municipal de deportes acollerá este sábado, 7 de marzo, o XVIII Torneo de Ximnasia Rítmica Concello de Ribadeo, que reunirá a 700 participantes. O evento está organizado polo club local Escola Porta Norte e polo Concello, e conta coa colaboración de Acisa, Gadis, Deporte Galego, Xunta de Galicia, Deputación de Lugo e Construcciones Metálicas Cotarelo. 

Nelly Bouso, directora técnica da Escola Porta Norte, comentou que “na cita contaremos coa participación de 700 ximnastas, todas procedentes da provincia de Lugo, así como un club convidado que ven de Pontevedra. A competición pola mañá dará comezo ás 10 e pola tarde ás 16:30 horas”. 

O concelleiro de Deportes, Francisco José Silvent subliñou que “vai ser un sábado moi importante para Ribadeo no ámbito deportivo e para a súa dinamización hostaleira e...

A escritora Yolanda Penas Varela ofrecerá un espectáculo de contacontos na biblioteca municipal de Ribadeo este venres, día 6 de marzo, ás 17:30 horas.

“A Biblioteca de Ribadeo convértese este venres 6 de marzo nun espazo para gozar da literatura en familia, cunha tarde chea de historias e emocións. Ás 17:30 horas terá lugar o contacontos titulado El corazón sensible. Da man de Yolanda Penas Varela, con ilustracións de Bernardo Koiti Tan, achegarémonos a un conto tenro e cheo de valores pensado para o público infantil e familiar. Unha actividade perfecta para descubrir o poder das emocións a través da lectura”, anuncia o Concello de Ribadeo.

Acisa Ribadeo ven de aprobar, na súa asemblea anual, por primeira vez un calendario  unificado para o sector comercial. Trátase dunha recomendación que contou co respaldo maioritario dos asistentes. 

Carmen Cruzado, presidenta de Acisa, explicou que “na asemblea ordinaria, que tivemos onte, aprobouse o primeiro calendario unificado de aperturas e peches para o comercio da nosa entidade. Trátase dun calendario que nace como orientación e coma unha recomendación xeneralizada, coa que Acisa promocionará os días que se fixaron de apertura e que busca que todo o comercio da vila abra e peche de forma unánime en cada ocasión. Non é unha medida obrigatoria, pero gustaríanos que a maior parte do comercio a asuma como propia. Todos os socios e socias coñecen xa o calendario aprobado, e o que buscamos é evitar esa confusión que soe haber cada dia...