Eventos
Mañá, 28 de abril, abrirá ao público o Castelo de Castrodouro e a Oficina de Información Turística de Alfoz. Os horarios serán: venres, sábados, domingos e festivos de 11:00 a 14:00 horas polas mañás e de 16:00 a 20:00 horas polas tardes. O día 1 de maio, así coma o 17 Día das Letras Galegas permanecerá aberto nos horarios sinalados.
Poderase visitar o Castelo e desfrutar das impoñentes vistas desde o alto da torre, tamén ver as distintas exposicións: Antigas Escolas, Pinturas de Hipólito Xeada ou fotografías de Alfoz en primavera.
Tamén dispón de audioguías ficcionadas para realizar o percorrido polo Castelo da man do grupo de teatro Chévere e coñecer a historia e Lenda do Mariscal Pardo de Cela.
O vindeiro sábado, 29 de abril, terá lugar en Ribadeo o Día da Xuventude. Será de 16 a 21 horas no parque de San Francisco. En caso de choiva a xornada trasladarase ao pavillón municipal.
Esta programación estaba prevista para o pasado 1 de abril, pero adiouse por mor dos tres días de loito oficial decretados polo Concello tras o accidente de tráfico rexistrado en Xove no que perderon a vida catro mozas e mozos de Ribadeo.
O Día da Xuventude está organizado pola Xunta de Galicia, a través da Consellería de Política Social e Xuventude, conta co financiamento do Ministerio de Igualdade en desenvolvemento do Plan Corresponsables e coa colaboración do Concello de Ribadeo.
Os mozos e mozas participantes poderán gozar dun amplo abano de actividades totalmente gratuítas:
Gastronomía...
O Concello de Viveiro convida á veciñanza a acompañar ao xornalista viveirense Ramón Pernas o próximo mércores, 3 de maio, no acto de entrega do Premio José Luís Alvite que lle concede a Asociación de Periodistas de Galicia (APG).
A cita, que terá lugar no Teatro Pastor Díaz ás 19:00 horas, contará coa presenza do Conselleiro de Cultura, Educación, Formación Profesional e Universidade, Román Rodríguez González, da alcaldesa, María Loureiro, xunto á presidenta da APG, María Méndez, e directivos da entidade.
A entrega destes prestixiosos galardóns, que alcanzan a súa oitava edición, será conducida pola xornalista Juana Carrera.
O xurado do Premio José Luis Alvite concedeu ao periodista, escritor e crítico literario Ramón Pernas esta distinción “pola súa longa e brillante traxectoria como...
leer más
Trátase dunha actividade guiada "De Cosme Barreiros a Salvador Lorenzana" na que se unen os concellos de Barreiros e Lourenzá. É unha ruta de 9 kms dende Vilamartín Grande ata Lourenzá polo Camiño Norte.
E haberá unha posterior visita guiada na Casa do Concello con Manuel Román Ramos e José Manuel García.
A ruta foi presentada polas alcaldesas, Rocío López e Ana Ermida, e por representantes da Mesa don Paco. Colabora a Deputación Provincial de Lugo.
Haberá servizo de autobús para as persoas inscritas desde Lourenzá (ida) e San Cosme de Barreiros (ida e volta)
Imprescindible inscrición previa ata o 4 de maio nos teléfonos: Barreiros (982.124.106) e Lourenzá (982.121.006 - 634.898.133).
Usuarios e usuarias da Asociación de Saúde Mental da Mariña, de Cervo, e a Asociación de Mulleres A Casiña, de Lugo, participan esta semana no programa de viaxes da Deputación de Lugo Coñece a túa provincia. Arredor de 50 persoas coñecerán entre hoxe, martes, e o mércores o territorio da provincia a través deste programa destinado a entidades sen ánimo de lucro co obxectivo de fomentar o turismo de proximidade.
Os primeiros en facer a visita este martes son a Asociación de Saúde Mental da Mariña, de Cervo. Visitarán o Centro de Interpretación Terras do Miño, de titularidade provincial, e, posteriormente, achegaranse aos concellos de Guitiriz e Friol, onde coñecerán a ponte e igrexa de San Alberte, a fonte de Pardiñas e visitarán unha panificadora en Guitiriz. Tamén percorrerán o Museo de San Paio de Narla, de titularidade provincial, e o...
leer más
As rapazas e rapaces do Grupo de Participación Xuvenil de Viveiro, coa colaboración do Concello de Viveiro e da Branque Asociación Cultural organizan este venres, 28 de abril, a primeira edición da Andaina Solidaria con motivo do Día Internacional de Deporte polo Desenvolvemento e a Paz que se conmemorou este mes.
O obxectivo desta iniciativa é por en valor a importancia da Saúde Mental entre as máis novas e novos.
“Todos os involucrados nesta Andaina Solidaria consideramos que é unha iniciativa marabillosa por parte dos integrantes do Grupo de Participación Xuvenil de Viveiro. Estamos convencidos de que suporá un punto de partida no proceso de eliminación de prexuízos e estigmas en relación aos problemas de Saúde Mental, especialmente nas mais pequenas e pequenos”, afirma a Concelleira de Benestar Social,...
leer más
A XXXVII edición do Día do Xubilado, que organiza o Concello de Cervo, celebrarase o 1 de maio. A sesión vermú, o xantar e o baile serán nunha carpa instalada na Praza dos Campos.
Os actos empezarán ás 11:30 horas cunha misa na igrexa parroquial de Lieiro, cantada pola coral Terra Mar, de San Ciprián. Ás 12:30 no auditorio da Casa da Cultura haberá unha actuación de Acordeonistas da Mariña.
A partir das 13:30 horas os actos trasladaranse á Praza dos Campos, onde haberá sesión vermú, xantar e baile. A música correrá a cargo da orquestra Trébol.
O 20 de maio celebrarase en Burela o XIII Encontro de Palilleiras, que organizan a asociación cultural e artesanal As Encaixeiras e o Concello. O evento foi presentado hoxe.
O alcalde, Alfredo Llano, explicou que “se celebrará a décimo terceira edición do Encontro de Palilleiras o día 20 de maio e van participar, segundo dixo a presidenta, máis de 600 persoas, polo que vai ser moi numerosa, como en anos anteriores. E hai unha cuestión moi curiosa, que vai participar palillando unha señora que ten 105 anos. Isto é algo singular e rechamante e indica o importante que é este tipo de arte para moita xente”.
O rexedor contou que “vai haber exposicións, obradoiros e actos importantes e singulares na nave de redes. Queremos motivar a todo o mundo para que acuda ese día a visitar o que organizan As Encaixeiras e desde...
leer más
Trátase do segundo mercadiño estacional que lle da continuidade ao Mercadiño no Nadal celebrado o pasado 11 de decembro.
será na Praza do Concello. O horario de apertura será de 11 da mañá a 8 da tarde.
Desde a organización indican que “neste mercadiño poderás atopar produtos de calidade e proximidade en máis de 20 postos que encherán a praza de vida. Durante estas semanas iremos contándovos quen nos vai acompañar nesta ocasión”.
E engaden que “para comezar, deixamos a info sobre as actuacións, financiadas con fondos propios e pola Vicepresidencia da Deputación de Lugo, que amenizarán este evento: ás 12:00 actuación do grupo folclórico local O Arco da Vella, ás 13:00 actuación de The Lioness Treasure Band (versións), degustación de cerveza artesá Augas Santas Brew e ás 18:00 horas...
leer más
O salón de plenos do Concello de Burela acollerá o vindeiro 27 de abril a presentación da XIX Feira Náutico Pesqueira Expomar, que se celebrará do 10 ao 13 de maio.
O presidente da Fundación Expomar e alcalde de Burela, Alfredo Llano, manifestou: “estamos xa a piques de rematar a organización dos últimos detalles da Feira Expomar, que chega á décimo novena edición este ano e vaise celebrar no porto de Burela, concretamente na nave que temos para facer este evento, do 10 ao 13 de maio”.
O rexedor comentou: “vamos facer unha presentación informativa para toda aquela xente que teña interese, para facer que esta feira resalte e teña un gran protagonismo porque queremos que sexa unha boa edición. Estamos xa conformando todo o que é necesario para que sexa unha edición exemplar e que sirva para que durante eses 4 días...
leer más