Eventos
O mércores 17 de maio, Día das Letras Galegas, ten lugar en Alfoz unha homenaxe ao escritor ao que se dedica este ano, Carlos Casares.
Os actos comezan ás 17:30 horas no salón de actos do Centro Sociocultural de Alfoz cunha conferencia de Lionel Rexes. Despois haberá un gran xogo sobre as Letras Galegas dentro do programa Ler conta moito e a actuación do Coro Virxe das Dores de Ferreira do Valadouro.
O programa continúa cunha representación teatral do grupo Bule-Bule tártaro fusión (Trangalleiros de Lourenzá e Raiolas de Alfoz) estreando a obra Xente con xente. Finalmente terá lugar a entrega de premios Trulasqui.
O Concello de Viveiro organiza unha serie de actividades con motivo da celebración do Día das Letras Galegas. O mesmo mércores 17, ás 12:00 horas, ofrece unha actuación a Coral Alborada de Viveiro e o Grupo de Gaitas Brisas do Landro na praza da Fontenova. Ademais nos stands de libros das librerías Porta da Vila e Neira Brochs haberá recital de obras de Carlos Casares, escritor ao que se dedica este ano o Día das Letras Galegas.
As actividades continúan o sábado 20 de maio, ás 12:00 horas, cun encontro interxeneracional de Contacontos na Biblioteca Pública de Viveiro onde residentes de Geriatros presentan A disparatada e alaranxada historia dun limpeiro en Viveiro, unha adaptación de Carlos Casares para público infantil. A entrada é gratuíta (previa recollida de entradas).
O domingo 21 de maio, ás 12:30 horas,...
leer más
A Concellería de Cultura do Concello de O Valadouro celebra o Día das Letras Galegas con diversos actos en torno á figura de Carlos Casares, os días 16 e 17 de maio.
O martes 16 ás 12:00 horas, Solle Felloza fará unha Viaxe ao mundo de Carlos Casares. Ás 15:30 horas terá lugar a entrega de diplomas do Certame de Narración e Debuxo Infantil O Valadouro 2017.
O mércores 17, Día das Letras Galegas, ás 20:00 horas Lionel Rexes falará da Vida e Obra de Carlos Casares, ademais a Asociación Cultural Amado Lar interpretará cantigas populares galegas co grupo de cantareiras. Tamén o grupo A Adala Infantil de Fazouro representará a obra de teatro A rá que se quedo usen charco.
Todos estes actos desenvolveranse no salón de actos do Centro Socio-Cultural, Xuvenil e da Terceira Idade Manuel Lourenzo...
leer más
A asociación de veciños Burgo de Trasbar organiza unha excursión a Taramundi o 20 de maio. O prezo por persoa é de 20 euros para os socios, 25€ para os non socios e 10 euros para nen@s. Inclúe microbús e xantar.
Esta asociación cumpre o primeiro ano de existencia e con tal motivo organiza unha andaina que terá lugar o sábado 27 de maio. A saída será do local social ás 10:00 horas cara a Cervo e Sargadelos.
O domingo 28 de maio terá lugar o tradicional xantar de aniversario para o que é preciso anotarse antes do día 21.
Esta asociación anuncia que o día 27 de maio comeza o prazo para o pagamento das cotas de socias/os que rematará o 10 de xuño. As persoas que non actualicen a cota nese período serán dadas de baixa de xeito automático. O pagamento pode facerse no local social no local...
leer más
O ilusionista Martín Camiña chegará a Barreiros con A maxia de Carlos Casares. A representación terá lugar este domingo a partir das 19:00 horas no centro sociocultural Manuel Díaz Sampedro.
O mago Martín Camiña ten recibido diversos premios entre os que se atopan o Nacional de Maxia e o da Asociación Portuguesa de Ilusionismo. Nesta ocasión dedica o seu espectáculo a Carlos Casares, escritor homenaxeado este ano no Día das Letras Galegas.
A actividade inclúese no programa Cultura no Camiño 2017 da Xunta de Galicia, coa que colabora o Concello de Barreiros a través da Concellería de Cultura e a Oficina de Información Xuvenil.
A Concellaría de Cultura organiza unha actividade para bebés dentro do programa Apego, que se celebrará este xoves, día 11.
Baixo o nome de Movementos con Apego terá lugar esta actividade ao aire libre dirixida a bebés entre 3 e 24 meses. Os participantes xuntaranse ás 17:00 horas no Cantón e irán andando ata o Cargadoiro onde se desenvolverá a partir das 17:30 horas. Desde a Concellaría de Cultura advirten de que “en caso de mal tempo sería no Teatro”.
O número de prazas é limitado polo que é preciso inscribirse para poder asistir. As anotacións poden facerse en culturaribadeo@ribadeo.org, chamando ao número de teléfono 982 131 565 ou acudindo ao Servizo de Normalización Lingüística, sito na rúa Viejo Pancho 12.
O Goberno da Deputación abriu este luns o prazo ata o 21 de maio, para participar na Promoción da Artesanía 2017, a programación coa que o Executivo Provincial, ofrece un total de 71 obradoiros e demostracións en vivo de artesanía aos 67 Concellos da provincia de Lugo, así como a todas as asociacións lucenses. Conta cun orzamento de 35.000 euros para asumir todos os custos da organización e celebración destaS actividades en impulso do sector artesanal da provincia. Na www.deputacionlugo.gal, hai un espazo habilitado, con toda a información, bases e anexos necesarios para presentar as solicitudes, que deberán presentarse no Rexistro Provincial.
Hai unha inscrición para todos os artesáns interesados. Para garantir a igualdade de participación, estes entrarán nunha bolsa á que o organismo provincial...
leer más
O Concello de Foz organiza de novo este novo a campaña denominada Eu coido o Santo, iniciativa que ten como obxectivo sensibilizar aos asistentes á romaría do Bispo Santo sobre a necesidade de deixar limpo o lugar onde se celebra este festexo.
“Reeditamos, despois do éxito do ano pasado, esta campaña que con motivo da celebración da romaría do Bispo Santo, do 12 ao 14 de maio, o Concello de Foz pon en marcha co obxectivo de sensibilizar aos asistentes a este festexo sobre a necesidade de deixar limpos os lugares onde acampen. Entre os participantes nesta iniciativa sortearase unha cea para un máximo de 20 persoas”, anunciaron dende o Concello focense.
Os participantes nesta iniciativa deberán colgar fotografías nas redes sociais nas que ten presenza o Concello de Foz (facebook, twitter e instagram) do antes e...
leer más
Foz acollerá o día 1 de setembro, venres, a primeira edición da Reviravolta Normanda, unha carreira de cinco quilómetros con obstáculos. O evento foi presentado cun acto ao que asistiu o alcalde focense, Javier Jorge Castiñeira.
A carreira constará de dúas categorías, elite e afeccionado, e comezará ás oito da tarde na Praza Conde de Fontao. A entrega de dorsais será a partir das seis da tarde, os participantes na categoría elite sairán ás 20:30 horas e os de afeccionado ás 20:45. Haberá obsequio de camiseta e bolsa para os corredores.
Ademais do alcalde de Foz, á presentación asistiron membros da asociación Desembarco Normando, que é a organizadora do evento, e de Run Foz Run, colectivo que colabora con esta carreira.
A inscrición para participar poderá realizarse a través da páxina web...
leer más
O alcalde, Alfredo Llano, asegura que xa está pechado o programa e todo o que ten que ver coa Feira Náutico Pesqueira Expomar, que terá lugar do 25 ao 28 de maio. Haberá dúas presentacións do evento, unha o día 12 en Santiago e outra o 16 en Burela. O tamén presidente da Fundación Expomar anuncia como novidade que se renderá homenaxe ao Servizo de Busca e Salvamento Marítimo. Será nun acto que se celebrará o día 27 ás 12 do mediodía no recinto feiral.
Llano contou que “onte tivemos a que presumimos que foi a última reunión da comisión organizadora de Expomar 2017 porque xa cerramos todo o programa e está todo o recinto ocupado na nave de redes situada no porto de Burela, está a tope e incluso houbo algunha firma comercial que tivo que quedar fóra por falta de espazo. Isto quere dicir que se está recuperando un pouco o sector náutico...
leer más