Eventos
19/06/2016
A Granda de San Pedro acollerá o San Xoán 2016 en Alfoz, que organiza a asociación cultural xuvenil O Castelo coa colaboración do Concello e a Área de Cultura da Deputación de Lugo.
Ás 21 horas dará comezo a cita festiva. Haberá cea popular con sardiñas, chourizos, panceta e pan, que será gratis para os socios e a prezos populares para os non socios.
No San Xoán 2016 non faltará a música, a cargo do cuarteto Xaramolo e terá lugar tamén a cuarta edición do Concurso de Caleiras.
17/06/2016
A alcaldesa de Mondoñedo, a popular Elena Candia, deu a coñecer hoxe o programa que conforma as I Xornadas de Historia Local ‘Enrique Cal Pardo’ que organiza o Concello e que se desenvolverán os días 5, 6, 7 e 8 de xullo na cidade.
As actividades, de carácter gratuíto, desenvolveranse na Casa da Xuventude e están pensadas para todos os públicos. Ademais de varios relatorios, haberá un obradoiro para nenos e nenas para que coñezan máis de preto a historia de Mondoñedo, así como unha visita guiada cultural e literaria pola cidade.
5 de xullo
O día 5 de xullo ás 20:30 horas Xulio Pardo de Neira ofrecerá un...
leer más 17/06/2016
A asociación cultural Irmandade Augas Santas organiza para o 25 de xuño o V Festival Histórico Augas Santas, que terá lugar en Santo Estevo do Ermo en Barreiros.
A xornada festiva comezará ás 10:00 horas cunha ruta a pé desde a Casa do Concello e ás 10:30 horas terá lugar a saída da ruta ecuestre dende Santo Estevo. Ás 12:00 celebrarase a escenificación da entrega da documentación do Rei Silo aos monxes e ás 13:00 horas a misa na honra de Santo Estevo.
O programa continuará ás 13:30 horas coa actuación do grupo O Arco da Vella e ás 14:30 horas haberá un xantar campestre con porquiño e año asados ao espeto. A tarde estará amenizada por Sons do Ermo,...
leer más 16/06/2016
Aínda que para a celebración da Festa Castrexa en Burela aínda faltan 2 semanas, no comercio local xa se están levando a cabo diferentes accións vinculadas coa “Burela Castrexa”. A Asociación de Comerciantes e Empresarios de Burela celebra este venres 17 e sábado 18 dous días de “Compras Máxicas Castrexas”, un adianto das rebaixas de verán nas que máis de vinte locais de Acia Burela ofrecerán descontos especiais e abrirán este venres en horario extendido.
Sorteo Cea Castrexa coas compras nas peluquerías
Outra das iniciativas que se está levando a cabo en Acia Burela nestas semanas previas á Festa Castrexa ten que ver coas compras en varias peluquerías asociadas, que, ademáis de ofrecer...
leer más 13/06/2016
Todo está listo en Foz para a celebración da terceira Festa Vintage, que organiza o Centro Comercial Aberto, o vindeiro 18 de xuño. Haberá tapas, menús e un mercado Vintage, descontos no comercio e tamén concentración de coches clásicos.
O retorno aos anos 60 enmárcase dentro das actividades, que cada mes programa o Centro Comercial Aberto, co obxectivo de promocionar o seu comercio e a súa hostalería e para ofrecer alternativas atractivas aos veciños e visitantes. A terceira Festa Vintage será o 18 de xuño. Os responsables do Centro Comercial Aberto animan “a focenses e visitantes a poñer os seus traxes e os seus vestidos para viaxar por un día á década dos anos 60”. Durante a xornada haberá pasarrúas, talleres infantís,...
leer más 12/06/2016
Mondoñedo acollerá as IX Xornadas do peregrino Abrindo Camiño os días 24 e 25 de xuño, que abordarán o Camiño do Norte e Mondoñedo, patrimonio da humanidade.
Haberá unha Fam Treep con editores de guías do Camiño de Santiago, unha táboa redonda titulada “Literatura, música e artesanía do Camiño Norte e un encontro asemblea aberta da agrupación Camiño Norte de asociación de País Vasco, Cantabria, Asturias e Galicia.
A música protagonizará esta cita co concerto da Coral Mestre Pacheco, de Mondoñedo, e da Banda de Música de Meira.
O mesmo 25 de xuño celebrarase a Feira Mostra Os Muíños de artesanía e...
leer más 12/06/2016
A directora de Turismo de Galicia, Nava Castro, subliñou o “incalculable” valor turístico que terá a primeira Romaxe Viquinga do Vicedo no conxunto da Mariña lucense xa que constitúe unha oferta diferencial para este destino. Nava Castro fixo estas declaracións durante a presentación do evento, xunto co alcalde do municipio, Jesús Novo, e a delegada da Xunta en Lugo, Raquel Arias, entre outras autoridades.
A directora de Turismo de Galicia lembrou que O Vicedo é o único lugar de España que conta con restos dun asentamento viquingo, o que supón un reclamo turístico diferencial que se debe promover e conservar.
Ademais, afirmou que as pegadas da...
leer más 11/06/2016
De novo a Fundación Expomar de Burela que preside Alfredo Llano García está a traballar na vindeira Produart 2016, feira dos produtos artesanais e ecolóxicos que chega á súa XIV edición.
O primeiro fin de semana, nas datas do 5, 6 e 7 de agosto terá lugar en Burela a XIV edición de Produart, que abrirá a súas portas a partires das 17.30 horas do venres 5 de Agosto, con carácter totalmente gratuíto para @s visitantes. Coma sempre Produart 16, coincidirá coa celebración da Festa Degustación do Bonito, organizada pola A.C. Ledicia, coa que todos estes anos estamos a colaborar e que terá lugar o día 6 na explanada portuaria da nosa localidade.
Produart...
leer más 11/06/2016
O luns, 13 de xuño, celébrase a VIII edición da Romaría de San Antonio da Rigueira no concello de Xove.
Tod@s aqueles que queiran gañar a Ventura do San Antonio da Rigueira poderán completar calquera das oito rutas dos muíños habilitadas para o efecto ao longo de todo o concello de Xove. Unha vez completada e debidamente selados os seus carnés terá lugar a recepción dos romeiros/as na carpa do Concello e a entrega da Ventura 2016 e da flor de San Antonio, un lirio branco.
Despois de oito anos de ter iniciada a recuperación desta Romaría de San Antonio da Rigueira desde o Concello de Xove espérase unha grande afluencia de público este ano con arredor...
leer más 07/06/2016
O vindeiro sábado, 11 de xuño, terá lugar na praza da Mariña unha xornada solidaria Por un mundo sen muros “para axudar na situación que está a vivir Siria nestes momentos”, segundo explica a concelleira de Inmigración e Cooperación, Angélica Gómez.
Ao longo do día haberá diversas actividades como manualidades infantís e confección dun mural a partir das 10:30 horas; xogos infantís, pintacaras… amenizados por Medio Quinhón ás 16:00 horas. A sesión vermú, prevista para as 12:30 horas, estará amenizada por Batuko Tabanka e Rabentola. Por esta xornada tamén pasará o Mago Senín a partir das sete da tarde. Xa ás 20 horas terá lugar unha charla coloquio Refuxiados Sirios, ofrecida polo voluntario Óscar Palleiro e a continuación música...
leer más
