Deportes
A asociación deportiva de sendeirismo Pasada das Cabras, de Burela, organiza unha ruta ao Chao do Pousadoiro en Ribeira de Piquín. Será o sábado, 15 de febreiro, con saída ás 8:30 horas da estación de autobuses.
Será un percorrido de 9 quilómetros, de dificultade fácil. A organización recomenda levar bastón e calzado axeitado. O prezo para os socios é de 35 euros e para os non socios de 45 euros. Inclúe autobús, xantar e seguro.
As persoas interesadas en participar poden anotarse n grupo de whatsapp da asociación ou nos teléfonos: 666 60 98 75 e 676 02 31 77 antes do xoves, 13 de febreiro.
O Concello de Trabada e a asociación Trabada paso a paso organizan a primeira ruta de sendeirismo do ano 2025 dentro do seu programa de actividades. A cita terá lugar o día 2 de marzo, domingo, e percorrerá o traxecto entre Vilapercide e Vilaformán.
O Concello de Trabada anuncia que “a ruta, cunha distancia de 10 quilómetros e unha dificultade media, incluirá visitas puntos de interese patrimonial e cultural, como a Igrexa de Vilapena e a antiga escola de mestres. Ao remate do percorrido, os participantes poderán gozar dun xantar no Teleclube de Vilaformán, en compañía dos veciños e veciñas da parroquia”.
O alcalde de Trabada, Rubén García, destacou a importancia desta iniciativa: “desde o Concello apoiamos as actividades elaboradas en conxunto coas diferentes asociacións, dado que cremos que debemos manter un...
leer más
Este domingo, día 9 de febreiro, ás 17 horas no Salón de Actos da Casa da Cultura de Alfoz presentarase a primeira parte dun documental de homenaxe ós máis de 40 anos de vida do C.D. Alfoz.
Nese vídeo recóllense anacos de historia da boca de moitos dos protagonistas dos anos dourados do club, explican os organizadores desta actividade.
O pavillón da rúa Alfredo Deaño acollerá o vindeiro domingo, 2 de febreiro, desde as 11 da mañá unha xornada da liga autonómica benxamín de hockei liña, que contará coa participación de equipos de A Coruña (Brigantium), Lugo (Meigas e Lóstregos), Asturias (Guajes) e Ribadeo (Os Trasnos).
A cita está organizada polo Club de Hockey Isla Pancha. Colaboran: Concello de Ribadeo, Federación Galega de Patinaxe, Xunta de Galicia e Deporte Galego.
O concelleiro de Deportes, Francisco José Silvent, explicou que “van participar 70 xogadores procedentes de varios puntos de España. O torneo vaise disputar nas modalidades de individual, dobres e dobres mixtos. Dará comezo ás 9:30 horas e rematará cara as oito da tarde coa entrega de trofeos”.
Silvent subliñou que “é un Máster puntuable para o circuíto nacional de bádminton”.
O edil ribadense dixo que “Ribadeo aumenta as súas modalidades deportivas locais. Consideramos que para os amantes do bádminton é un aliciente poder presenciar un evento destas características na nosa vila, xa que estamos a falar dun Máster a nivel nacional”.
Colaboran co Club de Bádminton da Mariña o Concello de Ribadeo, a Xunta de Galicia e a Deputación de Lugo.
A asociación Os Sendeiros, de Foz, fará o día 9 de febreiro, domingo, unha ruta pola Serra do Edramo, no municipio de Samos. A saída desde Foz será ás 07:00 horas e ás 07:15 horas desde Ferreira do Valadouro.
Os prezos desta actividade, incluído o xantar, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata o 4 de febreiro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo e destaca: “haremos parte de la ruta de la Sierra del Edramo, en concreto caminaremos 9 kilómetros, para después...
leer más
A asociación deportiva de sendeirismo Pasada das Cabras, de Burela, organiza a Ruta Fluvial do Río Parga, por Guitiriz, o vindeiro domingo, 26 de xaneiro. O percorrido, de 12 quilómetros, é de dificultade baixa. A organización recomenda levar bastón e calzado apropiado.
A saída terá lugar ás 8 da mañá desde a estación de autobuses de Burela. O prezo para os socios é de 35 euros e para os non socios de 45 euros (inclúe autobús, comida e seguro).
As persoas interesadas en participar poden anotarse no grupo de whatsapp de Pasada das Cabras, ou nos seguintes números de teléfonos: 666 60 98 75 e 676 02 31 77 antes do 23 de xaneiro.
A Asociación de Sendeirismo Terras de Lourenzá organiza para o día 25 de xaneiro, sábado, un percorrido pola ruta do Camiño Natural do Cantábrico, concretamente no tramo desde a praia da Abrela, no Vicedo, ata o porto de Celeiro (Viveiro). A distancia a percorrer son 14 quilómetros e a dificultade é baixa. Ao rematar a camiñada os participantes xantarán nun restaurante de Covas.
A saída será ás 08:30 horas desde o Cantón de Vilanova de Lourenzá e as inscricións deben facerse antes das 14:00 horas do 23 de xaneiro, chamando aos teléfonos 619.75.17.04 (Fina) ou 658.09.71.33 (Miguel). O prezo é de 35 euros para os socios do colectivo organizador e de 40 euros para os que non o son.
Ribadeo acollerá o vindeiro sábado, 11 de xaneiro, unha xornada la liga prebenxamín de hockey liña. Será a partir das 11 da mañá no pavillón de deportes da rúa Alfredo Deaño.
Organiza o Club de Hockey Isla Pancha. Colaboran: Concello de Ribadeo, Federación Galega de Patinaxe, Xunta de Galicia e Deporte Galego.
A segunda edición da andaina Burela en Marcha Contra o Cancro celebrarase o día 2 de febreiro, domingo, con saída ás 11:00 horas dende a Praza da Mariña e o percorrido será ata a praia da Marosa, ida e volta.
Está organizada pola Asociación Española Contra o Cancro, que anuncia que “o prezo da inscrición con camiseta son 10 euros. Se queres colaborar e non podes participar podes sumar cunha doazón, coa achega que ti elixas”.