Teatro
Esta fin de semana será intensamente cultural en Foz, con actividades como teatro e encontro de corais.
“Achégase o verán ao concello de Foz, e con el as ganas de máis actividades. Esta fin de semana está chea de cousas das que desfrutar e esperamos que a xente se anime a saír e vir por Foz a acompañarnos. As asociacións realizan un traballo enorme para organizar todos estes eventos”, anima a concelleira de Cultura, Inés López Couto.
A edil anuncia que “o venres 6 ás 20.30 horas na Casa da Cultura dará comezo o IV Certame de teatro afeccionado, coa obra Sen frores nin coroas. O sábado 7 chega unha nova edición do Auto Clásicos de Foz; fronte á praia da Rapadoira poderanse ver diferentes modelos de coches clásicos así como a comida que se celebrará despois, organizada por Auto Clásicos Foz. Continúa o certame de...
leer más
A cuarta edición do Certame de Teatro Afeccionado do Concello de Foz, que leva o nome de José Luis López Lorenzo (O Poto), dará comezo este venres, día 6 de xuño, ás 20.30 horas na Casa da Cultura Poeta Manuel María. “Foi difícil seleccionar as seis obras participantes xa que cada ano se inscriben máis e de maior calidade”, explica a concelleira de Cultura, Inés López Couto.
As seis elixidas, que se poderán ver desde este venres en Foz, son: venres 6 ás 20.30 horas, Sen frores nin coroas, da Asociación 57 palabras, de Viveiro;. sábado 7 ás 18.30 horas, Segredos de familia e licor café, de Martabelas Compañía de Teatro (Teo); domingo 8 ás 18.30 horas, Cartas da muller ausente, de Ditirambo Teatro, da Coruña; venres 13 ás 20.30 horas, Pareja abierta, da Asociación Nimú de Lui (Teruel); sábado 14 ás 18.30...
leer más
Este domingo, día 25 de maio, ás 19:00 horas o Centro Sociocultural de San Cosme de Barreiros acollerá a representación da obra titulada Profetas, unha coprodución do Centro Dramático Galego e Ítaca Teatro.
O Concello de Barreiros anuncia: “escrita por Ernesto Is (gañador do XVI Premio Abrente de textos teatrais da MIT de Ribadavia en 2021), a obra está dirixida por Carlos Álvarez-Ossorio e protagonizada por Elea López e Carlos Rebolo. A obra presenta a El e a Ela, unha parella que, despois de romper a súa relación, volven a atoparse para recordar ao longo dunha noite os vellos tempos. Neste encontro lembran os soños, os medos, os éxitos e os fracasos que compartiron, facendo balance da súa historia en común a través doutras historias do cinema e da literatura. Cuestións como o compromiso político e artístico, o amor e a creación...
leer más
Co gallo da celebración das Letras Galegas, a Biblioteca Municipal Juana de Ibarbourou, de Lourenzá, organiza, dentro do programa Ler Conta Moito, da Xunta de Galicia, o espectáculo titulado Dende Rosalía ata as cantareiras (Letras Galegas 2025), a cargo da compañía de teatro A Xanela do Maxín. Será o día 14 de maio, mércores, ás 19 horas no salón de actos do Concello de Lourenzá.
A bibliotecaria municipal de Lourenzá, María José López Noceda, explica que “esta actividade, dirixida ao público infantil, pretende poñer en valor o legado das mulleres excepcionais homenaxeadas nas Letras Galegas, dende Rosalía ata as cantareiras. Mulleres que deixaron unha pegada imborrable na literatura e no teatro galegos e que destacaron pola súa creatividade, compromiso e contribución á nosa rica cultura”.
O Concello de Burela programa este mes de maio, os días 9 e 17, dúas funcións teatrais no Auditorio da Casa da Cultura, dirixidas a diferentes públicos, dentro da súa aposta pola dinamización cultural e o apoio ás artes escénicas.
O venres 9 de maio ás 21:00 horas representarase Tres Vellas na Romaría, unha produción da compañía Excéntricas Producións. O espectáculo está protagonizado por tres recoñecidos nomes da escena galega: Celso Fernández Sanmartín, José Luis Gutiérrez (Guti) e Quico Cadaval. A través da narración oral, os intérpretes mergúllanse na tradición das festas populares galegas, evocando as romarías, as crenzas, os bailes e os encontros sociais da cultura popular. A obra forma parte da evolución dun proxecto anterior, Tres Vellas (polo menos), que percorreu diferentes escenarios de Galicia, Portugal,...
leer más
O auditorio municipal Hernán Naval, de Ribadeo, acollerá a representación da obra de teatro titulada As formas do amor, de María Ángeles Iglesias, este domingo, día 13 de abril, ás 20:30 horas.
Nesta obra, dirixida por Gena Baamonde, están en escena Sergio Zearreta e María Ángeles Iglesias.
O prezo da entrada xeral é de 5 euros, pero para persoas desempregadas, estudantes ou xubiladas son 3 euros.
A compañía Teatro do Noroeste representará a obra titulada Gloria Nacional en Burela o día 4 de abril, venres.
Está incluída dentro da programación cultural do Concello de Burela, que anuncia: “Teatro do Noroeste trae a historia dun escultor en crise creativa, reflexionando sobre arte, identidade e política. Un espectáculo cheo de humor e crítica social, interpretado polas actrices Luma Gómez e Manuela Varela e o actor Miguel Pernas”.
Esta representación, para público adulto, será na Casa da Cultura de Burela e o prezo das entradas é de 5 euros.
A Casa da Cultura de Burela acollerá o vindeiro sábado, día 22, ás 18 horas “Moby Dick”, un espectáculo máxico para toda a familia inspirado no clásico de Herman Melville.
Trátase dunha historia chea de emoción, imaxinación e aventuras, ideal para gozar en familia.
O prezo da entrada será de 3 euros.
Sarabela Teatro porá en escena a partir das 11:30 horas “A Cincenta que non quería comer perdices”. Asistirá o alumnado de 5º e 6º de Primaria dos CEP Lois Tobio, CEIP Celeiro, CEIP Covas, CEIP Santa Rita de Galdo e CPR Landro
Sipnose: O obxectivo pasa por promover a igualdade de xénero e previr condutas de violencia machista así como fomentar as relacións afectivas sas e responsables.
Este conto podería comezar dicindo: “Unha vez había unha moza que non estaba soa e unhas perdices que voaban felices”, pero non. Esta historia, escrita por Nunila López Salamero fálanos dunha moza perdida que pretende desmontar os falsos mitos ao redor do amor romántico, fálanos de tantas historias de princesas liberadas por príncipes azuis que, en demasiados casos saen ras.
A cincenta que non quería comer...
leer más
A compañía Verdeveras Expresións Artísticas chega ao Teatro Pastor Díaz, de Viveiro, este sábado, 8 de marzo, coa comedia “As formas do amor”. A función dará comezo ás 20:30 horas.
Sipnose:As formas do amor
Ela e el foron parella. Foron deses amores inesquecibles que marcan un antes e un despois na vida, porque todo o poñen patas para arriba, revísano, sacódeno, desmóntano e vólveno armar. Logo de tanto tempo separados, tal vez hoxe sexa o día xusto para volver atoparse por primeira vez. Unha historia para saír do teatro con moi boa sensación no corpo, con gusto, alegría e esperanza. Unha historia para falar e reflexionar sobre iso que chamamos “amor”.