A Pontenova
Aldeguer (A Pontenova) prepárase para vivir unha intensa fin de semana con motivo das festas na honra a San Ramón Nonato, que se celebrarán os días 29 e 30 de agosto.
O programa comeza o venres 29 ás 22:00 horas cunha gran churrascada veciñal, que dará paso á música coa actuación de DJ Bombardero, garantindo unha noite chea de ritmo e diversión.
O sábado 30 abrirá coa misa solemne ás 13:00 horas, seguida da sesión vermú. Xa pola noite, a partir das 23:30 horas, terá lugar a verbena, que contará co talento de JJ Compota (ex compoñente da orquestra París de Noia) e María García Caamaño (ex vocalista da orquestra Filadelfia).
A festa desenvolverase nun campo cuberto con carpa, asegurando o bo ambiente independentemente do tempo, e ademais haberá colchoneta gratis para nenos e nenas durante...
leer más
A tradición e a festa únense de novo na IX Festa da Malla da Pontenova, que se celebrará o 23 de agosto.
A xornada arrincará ás 12:00 horas co comezo da malla tradicional, unha recreación que permite revivir un dos labores máis característicos do rural galego.
Ás 13:30 horas, celebrarase a sesión vermú, amenizada por JJ Compota (ex compoñente da orquestra París de Noia) e María García Caamaño (ex vocalista da orquestra Filadelfia). Seguidamente, ás 14:30 horas, terá lugar a gran comida popular, co menú composto por empanada, xamón cocido, churrasco, chourizos criollos e roxos, bebida, sobremesa e café. O prezo para os adultos é de 20 euros e para os nenos de ata 12 anos só custará 12 euros. Os tíckets poden recollerse ata o 22 de agosto en Zapatería Orli, Librería Eugenia e Pada.
Pola...
leer más
Vilar de Conforto (A Pontenova) prepárase para vivir dous días de celebración coa tradicional festividade na honra da Nosa Señora da Asunción con música, actos relixiosos e animación.
O xoves, 14 de agosto, a festa comezará a partir das 23:30 horas cunha gran verbena amenizada por Josín, o acordeonista, e Bombardero.
Xa o venres, 15 de agosto, ás 13:00 horas celebrarase a misa solemne na honra á patroa, seguida dunha sesión vermú con Javi Show. Pola noite, desde as 23:00 horas a verbena final correrá a cargo de Javi Show novamente, poñendo o broche de ouro ás celebracións.
Do 8 ao 10 de agosto a parroquia de Vilameá (A Pontenova) converterase no epicentro da música, a gastronomía e a tradición coa celebración das súas Festas na honra da Virxe das Neves e San Roque. Tres días de programación para todos os públicos, organizados pola Comisión de Festas, que combinan actos relixiosos, comidas populares e grandes actuación musicais.
O arranque será este venres, 8 de agosto, coa gran churrascada, servida a partir das 22:00 horas. No menú non faltarán a empanada, o churrasco, o chourizo, a sobremesa, a bebida e o café, cun prezo de 20 euros para adultos e 12 euros para nenos/as de 3 a 12 anos. As entradas poden adquirirse en Orli Lavandera, Sidrería A Mina, Librería Eugenia e Panadería Millán, ou a través dos membros da comisión: Mónica (686 010 078), Diego (666 746 096), Pada (686 207 135) e Modesto (606 178 109)...
leer más
O Centro de Iniciativas Turísticas (CIT) da Pontenova organiza unha paella popular para o día 24 de xullo, xoves. Será na Praza dos Fornos ás 22:00 horas.
“Os/as interesados/-as teñen de prazo ata o luns día 21 de xullo para retirar os tíckets, que están á venda en: Sidrería A Mina, Bar Puente, O Lar de Balbina e San Briz. O prezo para socios/-as é de 5 euros (os menores de 12 anos non pagan, pero igualmente deberán recoller o seu tícket). E o prezo para non socios é de 15 euros”, anuncia o CIT da Pontenova.
O IV Descenso de Carrillanas da Pontenova, que nesta ocasión é campionato europeo, disputarase os días 26 e 27 de xullo, sábado e domingo, e foi presentado este martes.
A Vicepresidencia da Deputación de Lugo anuncia que “colabora co club Motoreo na organización do IV Descenso de Carrilanas da Pontenova, que se celebrará os vindeiros 26 e 27 de xullo. A competición, presentada este martes na Praza dos Fornos da Pontenova, conta nesta edición coa bitola de Campionato Europeo, un fito xa que será a primeira vez que Galicia acolla unha proba deste nivel e a segunda que se celebre en España. A área de Mocidade achega 3.000 euros á organización da proba, na que se prevé a participación de máis dun cento de vehículos, entre eles arredor dunha quincena da Pontenova e dos concellos da contorna. O descenso desenvolverase nun treito entre Vilar das...
leer más
A parroquia de Xudán, no concello da Pontenova, celebrará as festas na honra a Santa María Magdalena esta fin de semana, desde o venres 18 ata o domingo 20 de xullo.
As actividades comezarán o venres 18 a partir das 22:00 horas cunha churrascada popular e seguidamente haberá verbena a cargo do dúo Dilema e DJ Bombardero.
O sábado ás 13:30 horas celebrarase misa solemne e despois procesión e sesión vermú co trío Karma, que tamén actuará na verbena.
E o domingo ás 14:00 horas haberá misa solemne, procesión e sesión vermú amenizada polo grupo de música tradicional A Chocolateira, da Pontenova.
A asociación Equus Norte prepara a segunda edición da Rapa das Bestas de Neipín (A Pontenova) que se celebrará o vindeiro 19 de xullo coa colaboración da Vicepresidencia da Deputación de Lugo e do Concello da Pontenova.
A área de Rural da Deputación, que impulsou a posta en marcha da rapa o ano pasado co financiamento da instalación do curro no Alto de Neipín, mantén o apoio económico á organización desta celebración arredor do mundo do cabalo. Ademais de contribuír aos gastos derivados da propia xornada, a área dirixida por Daniel García impulsou este ano novas melloras co financiamento dun peche móbil para reter os animais nun lugar antes do inicio da actividade no curro e dun fito informativo, instalado xa a carón do propio curro. Alí presentouse o cartaz desta segunda edición da rapa que comeza na véspera , o 18 de xullo, con...
leer más
O Concello da Pontenova organiza un campamento de verán, que se desenvolverá desde o día 14 de xullo ata o 14 de agosto de luns a venres de 10:00 a 14:00 horas.
E para nenas e nenos de 3 a 14 anos de idade. Hai límite de prazas (50 por orde de inscrición) e o prazo para apuntarse -na Casa do Concello ou a través do teléfono 982.34.22.77- está aberto ata o 10 de xullo.
O club de billarda Troitas Bravas, da Pontenova, organiza o III Aberto A Carón da Lúa. Será na Praza dos Fornos o día 5 de xullo, sábado.
As actividades comezarán ás 16:00 horas cun obradoiro de billarda; ás 17:30 horas haberá Xogos Billardeiros e desde as 22:00 horas terá lugar o Aberto A Carón da Lúa.
Pero non só haberá billarda, anuncian os organizadores, porque ás 20:00 horas “no marco do programa Tradigalu, da Área de Cultura da Vicepresidencia da Deputación de Lugo, contaremos ca actuación do Cuarteto Tradicional Illa Pancha. Estes catro artistas agasallarannos co seu mellor repertorio de música tradicional e prometen facernos bailar ata ó esgotamento. Así que, xa sabedes, preparade o voso mellor calzado de baile que imos sacarlle brillo á Praza dos Fornos”. E tamén explican que “@s compañeir@s de A...
leer más