Cursos
O gran mestre Liming Yue impartirá un curso de Tai Chi en Ribadeo os días 14 e 15 de xuño. Está organizado por Chen Style Tai Chi Center, de Gijón, coa colaboración do Concello.
Liming Yue comenzou a estudar artes marciais en China aos 11 anos. Despois de aprender dos mestres de Tai Chi máis hábiles e experimentados de China e estudar extensamente Qigong Interno con mestres do mosteiro da montaña Nanyue e do parque forestal de Zhangjiajie, o gran mestre Yue trasladouse da China continental ao Reino Unido, onde fundou o Centro de Tai Chi Estilo Chen en 1995. Agora dedica o seu tempo a impartir seminarios e a formar instrutores por toda Europa, ademáis de producir libros, dvds e vídeos instrutivos. Tamén ensina técnicas de Tai Chi na Facultade de Medicina da Universidade de Leeds e é profesor a tempo parcial na Universidade de Salford.
Alfoz acollerá dous campamentos dixitais: un será do día 23 ao 27 de xuño e o outro desenvolverase desde o 30 dese mes ata o 4 de xullo.
O Concello de Alfoz explica que haberá “actividades presenciais de balde en competencias dixitais para nenas, nenos e adolescentes; aventuras, misións e retos adaptados á súa idade; aprenderán a usar Internet e ferramentas dixitais de xeito útil, seguro, creativo e responsable”.
Do 23 ao 27 de xuño de 10:00 a 14:00 horas será para os/as nados/as entre 2012 e 2017. E do 30 de xuño ao 4 de xullo, de 10:00 a 14:00 horas está destinado os/as nados/as entre 2008 e 2011.
As inscricións serán do 26 de maio ao 4 de xuño e poderanse facer nas oficinas de rexistro da Casa do Concello ou a través da sede electrónica.
Para realizar a...
leer más
O Colectivo Pensamento e Sementeira, de Viveiro, organiza un obradoiro infantil de debuxo que se desenvolverá o día 30 de maio, venres, ás 18:00 horas na Sala Multiusos do Concello de Viveiro. Será impartido polo debuxante Cristian F. Caruncho.
“Teremos a Cristian F. Caruncho connosco para desenvolver un obradoiro de debuxo o venres 30 de maio na Sala Multiusos do Concello de Viveiro. Para as que non o coñecedes Cristian é o ilustrador do xa famosísimo libro Saínza, a punkiereteira. Botádelle un ollo, deixádevos sorprender e animádevos a achegarvos a esta actividade coas vosas fillas, fillos, netas, netos ou aquelas crianzas achegadas que queiran aprender e gozar do debuxo”, explica Pensamento e Sementeira.
Esta actividade, para nenas e nenos de 7 anos ou máis, é de balde pero é necesario inscribirse...
leer más
O Concello de Ribadeo, a través da Concellería de Benestar Social, organiza, coa colaboración da asociación Afammer, un ciclo de cursos sobre saúde, que se desenvolverán de maio a outubro.
A edil Elena Sierra explica que “el primero tendrá lugar el próximo lunes, 26 de mayo, será sobre primeros auxilios y las plazas para asistir están cubiertas. El martes, día 27, tendremos un curso sobre primeros auxilios pediátricos de 16 a 21 horas en el Centro Sociocomunitario de Ribadeo, en el que se abordarán cuestiones como las intoxicaciones, las picaduras, las erupciones cutáneas, las reacciones alérgicas o las convulsiones. Y el 29 de mayo nos ocuparemos de la prevención de accidentes domésticos”.
A concelleira de Benestar Social conta tamén que “el 10 de junio tendremos un curso sobre prevención y detección de conductas...
leer más
O departamento de Servizos Sociais do Concello de Xove organiza unha actividade gratuíta de ioga ao aire libre para este sábado, día 24 de maio, ás 18:00 horas. Será impartida por Olalla Martínez no Prado de Morás (onde estaba a baleeira).
“Queres desfrutar dunha sesión de ioga gratuíta ao aire libre? Pois non perdas esta oportunidade. Lembra traer a túa esterilla”, anuncia o Concello de Xove.
Desde o día 23 de xuño ata o 5 de setembro desenvolveranse os campamentos de verán que organiza o Concello de Barreiros, dende a súa área de Igualdade, como medida de conciliación para as familias. As inscricións estarán abertas ata o 27 de maio. As solicitudes poderán presentarse no Rexistro xeral do Concello de Barreiros. Tamén poderán presentarse a través da sede electrónica municipal.
Estes campamentos de verán son para crianzas nadas entre o 01/01/2013 e o 31/12/2021. Desenvolverase nos días laborais dos seguintes períodos: do 23 o 30 de xuño; do 1 de xullo do 2025 ata o 31 de agosto, en quendas de 15 días naturais; e do 1 o 5 de setembro do 2025.
O Concello de Barreiros explica que “para facilitar a conciliación familiar, amplíase o horario de entrada de 9:00 a 9:30 horas, para aquelas...
leer más
A asociación de veciños San Pedro da Ribeira de Saldoira (A Pontenova) anuncia a celebración del obradoiro de cociña titulado Sabores do pasado, praceres do presente, a cargo de Jacobo Fernández. Será este domingo, día 18 de maio, de 18:00 a 21:00 horas.
Esta actividade desenvolverase no centro social Blanca Muruais, que está na área recreativa de Saldoira, situada xunto á estrada Nacional 640.
Para máis información e inscricións as persoas interesadas poden contactar coa organización a través do teléfono 622.540.968.
A Biblioteca Municipal de Ourol acollerá un obradoiro da técnica de debuxo Zentangle este mércores, día 14 de maio, ás 17:30 horas.
O Concello de Ourol explica que “será un obradoiro para crear un caderno de lecturas a través da técnica de debuxo Zentangle. Non é necesario ter coñecementos de debuxo xa que do que se trata é de relaxarnos realizando sinxelos debuxos, mellorar a concentración e o benestar persoal”.
Está dirixido a todas as persoas interesadas e para participar hai que inscribirse a través dos teléfonos 982.55.90.19 ou 608.694.051.
O Concello de Cervo anuncia que está aberta a convocatoria para un novo curso de iniciación á forxa, enmarcado no programa formativo Aprender da tradición. Oficios e técnicas. “Unha oportunidade única de aprender o oficio da forxa da man do noso veciño Telmo Cao no seu obradoiro no Conxunto Histórico Artístico de Sargadelos, situado na antiga nave de fundición”. Celebrarase do 1 ao 4 e do 7 ao 10 de xullo, en horario de 09:30 a 14:00 e de 16:00 a 19:00 horas.
Está dirixido a profesionais da artesanía, estudantes de Artes e Oficios, Belas Artes ou de Formación Profesional relacionada co metal.
O Círculo Habanero da Devesa, que está nesta parroquia ribadense, acollerá unhas xornadas de escritura creativa os venres 9, 16 e 23 de maio de 18:00 a 19:30 horas.
Están organizadas pola Asociación Cultural A Tribo da Travesía e serán impartidas por Pilar Otero, que é profesora de Lingua e Literatura castelá, licenciada con grao en Filoloxía.
O grupo de participantes é limitado a un máximo de 15 persoas e o prezo é de 30 euros polas tres sesións. Para participar hai que facer a preinscrición a través do teléfono 617.71.61.29.