Deportes
A asociación Terras de Lourenzá organiza unha fin de semana de sendeirismo en Aller (Asturias) do 22 ao 24 de setembro. O sábado 23 farán a ruta Peña Mea, que ten unha distancia de 12 quilómetros e é de dificultade media alta. E o domingo percorrerán a ruta Foces del Pino, cunha distancia de 8 quilómetros e dificultade baixa.
A saída será o venres 22 ás 18:30 horas desde o Cantón de Vilanova de Lourenzá e as inscricións deben facerse antes das 20:00 horas do 19 de setembro, chamando ao teléfono 647.06.70.54. O prezo é de 120 euros para os socios do colectivo organizador e de 140 euros para os que non o son. O réxime de aloxamento é de media pensión incluíndo o xantar do domingo. As prazas son limitadas.
A asociación Os Sendeiros, de Foz, organiza para o 24 de setembro, domingo, unha ruta por Balboa, en León. A saída desde Foz será ás 07:00 horas e ás 07:20 horas desde Ferreira do Valadouro.
Os prezos desta actividade, incluído o xantar, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata o 20 de setembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
O Concello de Viveiro será este sábado, 9 de setembro, o escenario da XV Marcha ‘Minas da Silvarosa’, unha proba que partirá ás 17:00 horas da praza do Concello e rematará no museo das minas, no monte Pinido.
Na presentación da marcha interviron a alcaldesa, María Loureiro; a tenente de alcaldesa, Miriam Bermúdez, e Xosé Xesús Oca Ben, en representación da Asociación Cultural e Deportiva (ACD) Minas da Silvarosa, entidade organizadora coa colaboración do concello.
Tanto María Loureiro como Miriam Bermúdez puxeron en valor “a importancia dunha marcha que combina deporte e natureza”, ademais da lembranza dunhas minas nas que chegaron a traballar 500 mineiros.
O Concello de Viveiro presentou a segunda edición do seu Torneo de Pádel, que terá lugar entre o martes día 5 de setembro e o domingo día 10. Participaron na presentación deste novo evento deportivo a alcaldesa; María Loureiro; a primeira tenente de alcaldesa, Míriam Bermúdez; o concelleiro de Deportes, Eleazar José Rodríguez Abuín; e membros da organización.
O II Torneo de Pádel Concello de Viveiro consta de cinco categorías: primeira masculina, segunda masculina, terceira masculina, mixta e feminina.
Pode solicitarse máis información sobre o evento nos números de teléfono 609.867.016 e 635.549.330. Ademais do Concello de Viveiro e o Club de Pádel Viveiro, participan na organización a Deputación de Lugo, o Hotel Ego e o Hotel Viveiro.
Ribadeo acollerá do 1 ao 3 de setembro o I Trofeo Triangular Illa Pancha de baloncesto feminino no que se darán cita tres equipos da máxima categoría nacional da Liga Endesa: Perfumerías Avenida, de Salamanca; Araski, de Vitoria; e Ensino, de Lugo. O evento está organizado polo Club de Baloncesto Ría de Ribadeo e polo Concello.
O concelleiro de Deportes, Francisco José Silvent, subliñou que “debemos marcar nos nosos calendarios os días 1, 2 e 3 de setembro xa que terá lugar na nosa vila o primeiro Trofeo Triangular Illa Pancha no que contaremos con tres equipos de baloncesto da máxima categoría nacional da Liga Endesa Feminina. Estarán por primeira vez en Ribadeo o Perfumerías Avenida de Salamanca, o Araski de Vitoria e o Ensino de Lugo. No Concello estamos orgullosos de acoller un evento deportivo destas características”.
O edil...
leer más
A Asociación Cultural-Deportiva Xove presenta a nova tempada de actividades, que inclúe algunhas novidades. Ata o 3 de setembro está aberto o prazo de inscrición nas súas escolas. O proceso debe realizarse na páxina web www.acdxove.com cubrindo o formulario de inscrición 2023-2024. Para poder efectuarse, débese primeiramente ser socio, que se xestionará contactando coa Xunta Directiva da Asociación. Isto implica unha cota de 15 euros mensuais por familia abonado en pagos semestrais.
Outra das novidades será a ampliación da tempada. Nesta ocasión as actividades comezarán o 11 de setembro e rematarán o 15 de xuño. Previamente, a presentación da tempada será o 9 de setembro ás 20 horas no Pavillón Municipal de Xove.
Ademais aumenta a oferta de actividades. Por unha banda,...
leer más
O 3 de setembro terá lugar o Día da Bicicleta en Ribadeo. O evento foi presentado no Concello.
O concelleiro de Deportes, Francisco José Silvent, sinalou que “estamos moi contentos de volver recuperar este evento deportivo tras a pandemia da covid, debido á paixón que hai pola bicicleta en Ribadeo. Queremos agradecerlle a La Voz de Galicia que promova de novo a celebración deste día no que agardamos reunir a unhas 200 ou 300 persoas”.
O edil contou que “nos concentraremos o 3 de setembro ás 10:30 horas diante do Concello, desde onde sairemos ás 11 da mañá. Os participantes percorrerán as rúas do casco urbano ata o Faro para retornar despois ao punto de partida. Aquí a carón do Pazo de Ibáñez realizaremos un sorteo de agasallos, entre os que contaremos cunha bicicleta. Animamos ás familias a acudir a esta cita na que estou convencido...
leer más
Cervo será o escenario da I Carreira Popular Sanci KM, o mércores 30 de setembro, a partir das 19:00 horas e terá como punto neurálxico a Praza dos Campos en San Ciprián, onde se situará a saída e a meta do evento.
A cita deportiva foi presentada pola rexedora, Dolores García Caramés, pola presidenta do Club Maderas Barcia Cervo, Patricia Calvo, e por unha representación das bases de esta entidade deportiva, que organiza o evento coa colaboración da Administración local.
Tal e como explicaron desde a organización, a inscrición permanecerá aberta ata o próximo 27 de agosto a través da ligazón https://xn--tourmaria-s6a.com/es/web/evento/2590/, e ademais da carreira de adultos, tamén establecerán percorridos alternativos adaptados ás crianzas, desde a...
leer más
O Concello de Burela acollerá dende mañá, 23 de agosto, ata finalizado o mes de novembro, o seu Campus de Taekwondo. Este desenvolverase todos os luns, mércores e venres de 16:00 a 17:00 no pavillón Os Castros.
A actividade será gratuíta, como parte do Plan Corresponsables para favorecer a conciliación familiar. Poderá participar a rapazada de 3 a 16 anos para formarse neste deporte.
Presentaron o evento o tenente de alcaldesa Mario Pillado, o adestrador nacional de taekwondo Juan Carlos Quintana e o concelleiro de Deportes, Carlos Méndez.
Será necesario anotarse na actividade contactando coa entidade organizadora Club Jansu, de Vilalba, a través do correo electrónico juancaqd@gmail.com ou no teléfono 651577247.
O 3 de setembro en Riotorto terá lugar a tercera edición da ruta de cicloturismo “Desafío do ferro”.
O 3 de setembro en Riotorto celebrarase a terceira edición da ruta pola montaña en bicicleta “Desafío do ferro”, organizada pola asociación do mesmo nome. O circuíto comeza e remata en Riotorto, pasando pola Pontenova. Queda á elección de cada participante a distancia do desafío, a escoller entre dúas opcións: 50 km ou 29 km.
As inscricións poderán realizarse antes do 29 de agosto na páxina web...
leer más