Entroido
A asociación cultural A Pomba do Arco organiza o domingo, 11 de febreiro, a partir das 20:30 horas no salón de actos do colexio Martínez Otero, de Foz, unha nova edición do Touporroutou, espectáculo xa clásico do Entroido focego, que como en anteriores ocasións correrá a cargo do grupo Touporroutou Teatro e o grupo de pandeireiteiras da Subela.
A Pomba do Arco quere convidar a todos os veciños e veciñas de Foz a colaborar con esta actividade, agudizando o enxeño e achegando as súas coplas ás diversas caixas colocadas en establecementos de Foz. A entidade organizadora indica que estas caixas atópanse “Eskina”, “Leyton”, “Happy Days”, “Xoyma”, “Anduriña”, “Muelle Bar”, “Cevexaría Augas Santas”, “Casa Damián”, “Pachán”, “A Bolera”, “Dandy” e “Xoiña”
O colectivo organizador introduce unha nova posibilidade de...
leer más
Tiveron que pasar as vodas de prata e case as de ouro dun desfile que todos os sábados de Entroido enche as rúas de Foz de alegría. Algúns teimaban en que nunca o conseguiríamos, outros dicían que eramos demasiado modernos que non podíamos equipararnos aos entroidos tradicionais … Pero houbo xente que sempre creu que era posible. A todos os que seguistes apoiando, GRAZAS!
Pero sobre todo grazas por seguir formando parte deste evento que une o mellor de cada casa (dicían os de Burela) e non foi sin xeito, que boa parrafada lles mandamos para que acabaran coma pé do molete dos de Foz, que estabamos empeñados en que nos deran a bóla enteira e non as farangullas. E iso, se fuches dos que pensaban que non iamos insistir … pois tás que pías! Porque eche o que hai! Aquí se chove, dúas voltas. Non nos cansamos coma burras vellas, aquí tiramos do...
leer más
A asociación Fontes Claras organiza o Entroido na parroquia viveirense de San Pedro este sábado, 10 de febreiro, desde as 21:30 horas.
Será na Escola de San Pedro e haberá pinchos gratuítos, bebidas a prezos populares, premios para os mellores disfraces (nas categorías individual, parella e grupo) e música en directo a cargo do dúo Samba.
O Concello de Cervo arrinca cos obradoiros infantís que xirarán sobre a temática do Entroido os días 5, 7 e 9 de febreiro -luns, mércores e venres- de 17:00 a 18:30 horas. Están dirixidos ás crianzas de entre 6 e 12 anos.
O luns 5 desenvolverase un obradoiro de máscaras Picasso, o do mércores 7 será de máscaras de cigarrón e o do venres 9 estará dedicado á creación dun photocall de Entroido.
Para participar inscriben na Casa da Cultura (teléfono 982.59.51.57).
O Concello de Viveiro anuncia a programación do Entroido 2024, cunha oferta de actividades para todas as idades. A alcaldesa, María Loureiro, espera que tanto “os veciños e veciñas de Viveiro, como quen nos visita nestas datas, gocen dun programa de Entroido cheo de actividades, co que mantemos e enxalzamos esta festa popular, involucrando a toda a cidadanía”.
“Un ano máis agradecemos a todas as entidades locais, cuxa colaboración fai posible que celebremos un gran Entroido en Viveiro. Este ano o programa conta con opcións para todas as idades, que percorren ademais distintos puntos da nosa vila”, sinala a concelleira de Cultura, Lara Fernández Fernández-Noriega.
O programa comezará o xoves 8 de febreiro, co “Juepeo especial de Comadres”, mentres que o venres 9 celebrarase o entroido escolar, “A mañanciña”, polas...
leer más
O Concello de Riotorto organiza unha comida de Entroido, que se celebrará o 21 de febreiro, mércores ás 14:30 horas.
O menú estará composto por sopa, cocido completo, sobremesa e café. Será servido por Mesón O Sarredo e haberá música coa actuación do dúo Muralla. O prezo é de 27 euros por persoa.
As persoas interesadas en participar deben apuntarse nos centros veciñais ou no Concello antes do 18 de febreiro.
O Concello de Burela presenta a súa programación de Entroido. Serán un total de seis días con numerosas actividades, dende o venres día 9 de febreiro ata o mércores 14, día do Enterro da Sardiña.
“Chega o entroido e con el as ganas de divertirse, de disfrazarse e de manter o espírito participativo para continuar con este dinamismo que move Burela”, sinalou a alcaldesa do municipio, Carmela López.
"Tanto o Concello como as entidades que se suman á celebración organizando bailes e concursos estamos a traballar arreo para darlle auxe ó entroido", afirmou pola súa banda Patricia Eijo Palmeiro, concelleira de Festas e Festexos.
Dentro da programación destacan as actividades que se realizarán na carpa da praza da Mariña. A primeira delas será a Festa Xuvenil, que inaugurará a programación...
leer más
O Vicedo celebrará o Entroido o sábado 17 de febreiro con sesión vermú e verbena.
As actividades, organizadas pola comisión de festas de Santo Estevo, comezarán ás 13:30 horas con sesión vermú amenizada por Borja Dinastía. A partir das 16:30 horas haberá festa infantil con inchables e DJ e ás 21:30 horas terá lugar o desfile infantil con premios e cea merendola.
A verbena empezará ás 22:30 horas e estará amenizada pola orquestra Unión y Fuerza e Discomovil Eventec. E ás doce e media da noite sortearase unha gran cesta e farase o desfile de adultos.
O Concello de Cervo xa ten todo a punto para celebrar un entroido por todo o alto, con actividades e festa para todos os públicos que xirarán en torno aos tres desfiles que se celebrarán en Cervo, en San Ciprián e en San Román de Vilaestrofe.
A rexedora, Dolores García Caramés, e a tenente alcalde, Mali Méndez, presentaron a programación xunto cos representantes das Asociacións Airiños do Xunco e a asociación Mulleres Rurais As Espalladoras, colectivos estes últimos que se encargan da organización dos entroidos de Cervo e de San Román, respectivamente; ademais de representantes da A.C. Comisión de Festas de Lieiro, que colaboran no Entroido de San Ciprián coa venta de bolos preñados e de chocolate e sobremesas típicas destas datas; e de membros da asociación de montes veciñais de San Román e da asociación de veciños de Vilastrofe, que...
leer más
O Concello de Viveiro, consonte o previsto na Lei 38/2003, de 17 de novembro, xeral de subvencións, na Lei 9/2007, de 13 de xuño, de subvencións de Galicia e, no que sexa de aplicación, os RD 887/2006, de 21 de xullo, e Decreto 11/2009, de 8 de xaneiro, e ao obxecto de incentivar a participación cidadá nos actos programados para o martes de Entroido, con motivo da celebración do desfile de Entroido, establece as normas reguladoras de participación, axudas económicas e premios que se outorgarán aos participantes que interveñan nos citados actos, de acordo coas seguintes
BASES
PRIMEIRA.- DEFINICIÓN DO OBXECTO Constitúese como obxecto das presentes bases a regulación do procedemento aplicable para o outorgamento dos premios do concurso de disfraces do desfile de Entroido organizado polo Concello de Viveiro.
... leer más