Entroido

Etiquetas:
10/02/2023

Xa está aberto o prazo de inscrición para participar no desfile de Entroido de Ribadeo, que se celebrará o 21 de febreiro. En total vanse repartir 4.500 euros premios. 

As bases e a ficha de inscrición pódense consultar e descargar desde a sede electrónica do Concello de Ribadeo. O prazo estará aberto por sede electrónica ata o 20 de febreiro e o mesmo día do desfile, Martes de Entroido, no Cine Teatro á hora que reflicten as bases.

As persoas interesadas en obter máis información sobre o desfile de Entroido de Ribadeo, que organizan o Concello e Acisa, poden dirixirse á Oficina de Turismo ou ás instalacións da Asociación de Comerciantes, Industriais, Servizos e Autónomos. 

Desde o Concello e desde Acisa subliñan que “a inscrición no desfile pode facerse por parte dos participantes...

leer más
10/02/2023

O Concello de Barreiros organiza para este Entroido unha semana de actividades para todas as idades. Na presente edición colaborarán co Concello na organización a comisión de festas do San Bartolo e as comparsas Os Macanudos e Habelas Hainas recuperando  a cea e a festa no pavillón municipal, que fora adiada por mor da pandemia os anos anteriores. 

No desfile, que terá lugar na noite do 24 de febreiro, repartiranse 1000 euros en premios entre as distintas categorías do desfile que serán entregados durante a festa posterior no pavillón.

Actividades infantís previas ao desfile

As crianzas poderán gozar neta ocasión de dúas actividades diferentes. O domingo 19, ás 18h,  será a festa infantil de disfraces no centro social con xogos, música e a visita dos cabezudos. O mércores 22 será a quenda...

leer más
Etiquetas:
08/02/2023

O Concello de Cervo xa ten todo a punto para celebrar un entroido por todo o alto, con actividades e festa para todos os públicos que xirarán en torno aos tres desfiles que se celebrarán en Cervo, en San Ciprián e en San Román de Vilaestrofe.

A tenente alcalde, Dolores García Caramés e a edil de Medio Ambiente, Mali Méndez, presentaron a programación xunto cos representantes das Asociacións Airiños do Xunco, a asociación Mulleres Rurais As Espalladoras e da asociación de montes veciñais de San Román e da asociación de veciños de Vilastrofe, colectivos, estes últimos que se encargan da organización dos entroidos de Cervo e de San Román, respectivamente.

Os actos de Entroido comezarán o sábado 18 en Cervo, cunha actuación infantil na carpa instalada na praza do Souto para dar paso ao prato forte, co Desfile de...

leer más
Etiquetas:
06/02/2023

Do 17 ao 22 de febreiro desenvolverase a programación do Entroido de Burela 2023, que hoxe presentaron o alcalde, Alfredo Llano, e a concelleira de Festexos, Toñi Eijo. 

As actividades arrincan o día 17 coa festa xuvenil que terá lugar de 19 a 22 horas na praza de abastos con dj, chocolatada e filloas. O 18 de febreiro, tamén na praza de abastos, está programado un pintacaras e obradoiro de máscaras de Entroido. Será de 11 a 14 horas.

No mesmo escenario, é dicir na praza de abastos, haberá un obradoiro de cociña infantil o 20 de febreiro entre as 16:30 e as 19:30 horas. As prazas son limitadas. É preciso inscribirse en Gaia nos seguintes teléfonos: 647 136 673 ou 982 580 867. 

O 19 de febreiro, domingo, será o desfile de Entroido a partir das cinco da tarde desde a Rúa do Ril ata a Praza...

leer más
Etiquetas:
05/02/2023

O Goberno local adianta algunhas das actividades do programa deste ano, que se anunciará nas próximas semanas 

A alcaldesa de Viveiro, María Loureiro, e a concelleira de Cultura, Lara Fernández Fernández-Noriega, presentaron o cartel do Entroido 2023 e adiantaron algunhas das actividades que incluirá esta celebración. No marco desta festa, o Concello anuncia a organización do concurso de disfraces do desfile de Entroido. 

“O Entroido é, sen dúbidas, unha das datas máis sinaladas en Viveiro. Agardamos que tanto os nosos veciños e veciñas, como a xente que nos visita nestes días, desfruten do ambiente da nosa vila”, sinala María Loureiro, alcaldesa de Viveiro. 

O certame de disfraces contempla categorías de adultos (carrozas, comparsas, grupos, parellas e individual) e infantil (individual...

leer más
Etiquetas:
04/02/2023

O coñecido actor Carlos Blanco será o pregoeiro do Entroido de Ribadeo. Entre as novidades que inclúe o programa destacan os sorteos da noite temática e das mascaritas do domingo lardeiro, así como a animación musical prevista para o baile infantil a cargo de Paco Nogueiras e o obradoiro de mascaritas para as nenas e os nenos que se desenvolverá o luns 20 de febreiro e ao que seguirá un pequeno desfile guiado por música tradicional polo Cantón. 

A concelleira de Cultura, Pilar Otero, explicou que “Concello e Acisa ultimamos estes días os detalles do Entroido 2023, que arrincará o 17 de febreiro co pregón que pronunciará o coñecido actor, autor e director Carlos Blanco. Será ás sete e media da tarde no Teatro. E despois a partires das nove da noite ofrecerá unha función no auditorio municipal Hernán Naval”.

A...

leer más
Etiquetas:
31/01/2023

O Seminario de Estudos Terra de Viveiro organiza unha viaxe a Xerdiz e un xantar de Entroido no antigo salón de baile desa parroquia de Ourol o día 12 de febreiro, domingo.

Durante a excursión visitarán a fervenza da Xestosa, casas e escolas indianas, a ruta cicloturistica de Ourol e os cemiterios artísticos de Miñotos e Xerdiz.

A saída será ás 10:30 da mañá dende a Estación de Autobuses de Viveiro. Os prezos da actividade son 25 euros para os socios do colectivo organizador e 28 euros para as persoas que non o son. Os tickets poden recollerse en Aquilino Mapfre.

Para esta actividade o Seminario de Estudos Terra de Viveiro conta coa colaboración do Concello de Viveiro.

29/01/2023

A ACD As Minas organiza o desfile de Entroido na Pontenova, que terá lugar o 18 de febreiro no Local das Sociedades. A asociación conta coa colaboración do Concello da Pontenova. Ás once da noite dará comezo o baile, á unha e media da madrugada será o desfile de concurso e para as tres está prevista a entrega de premios. A velada estará amenizada por Puzzle Animación. 

Para os grupos establécense tres premios. Primeiro premio: 350 euros; segundo premio: 150 euros e terceiro premio: 100 euros. O primeiro premio das parellas estará dotado con 100 euros e o segundo con 60 euros. E na categoría individual haberá un primeiro premio de 60 euros e un segundo de 30 euros. As bases poden consultarse nas redes sociais da ACD As Minas. 

Desde as oito da tarde desenvolverase unha ruta de tapas polos bares do pobo: Puente,...

leer más
Etiquetas:
28/01/2023

A asociación O Noso Foz e o Concello presentaron hoxe, sábado, o cartel do Entroido focego, nun acto no que participaron o alcalde, Fran Cajoto; a concelleira de Cultura, Inés López Couto; e tres representantes de O Noso Foz: Angel Fernández, Fátima Novo e Erea Ben .

A asociación O Noso Foz e o Concello seguen traballando intensamente na organización dun Entroido 2023 que se espera espectacular. Despois dun pistoletazo de saída no mes de outubro coa elección da Raíña nun acto de escolla realizado no Campo da Cabana, chega febreiro con todos os eventos habituais nesta festa, que loita por ser nomeada Festa de Interese Turístico Galego.

O presidente de O Noso Foz, Ángel Fernández Neira, anuncia: “comezamos o día 11 coa cea de coroación, coa apertura de portas a partir das 21 horas na carpa situada na sala Bahía....

leer más
26/01/2023

Concello de Ribadeo e Acisa traballan na organización do Entroido 2023. Os actos desenvolveranse do 17 ao 25 de febreiro.

A concelleira de Cultura, Pilar Otero, explicou que “visto que non existía unha comisión organizadora do Entroido como tal desde o Concello e Acisa puxémonos a traballar coa intención de programar unha serie de actividades que sexan do agrado de todas e todos. Levamos días de encontros, de chamadas e estamos a pechar os últimos flocos do Entroido 2023”.

A edil ribadense dixo que “podemos adiantar que os actos terán lugar do 17 ao 25 de febreiro e que haberá pregón, festa infantil, o desfile e a Queima, que recuperamos despois de varios anos sen celebrarse por mor da covid”.

A presidenta de Acisa, Carmen Cruzado, manifestou: “agardamos a vindeira semana poder presentar...

leer más