Presentación

A Sala de Exposicións de RegalXunqueira en Viveiro acollerá este venres, 11 de xaneiro, a presentación do libro de Pepe Peinó A Fuxida. O acto dará comezo ás 20:00 horas.

O propio autor explica que esta novela trata sobre a adolescencia, esa fermosa etapa de cambios, sensacións, emocións e rebeldía. O protagonista, Xaime, é un rapaz adolescente que sofre a angustia de buscar moitas respostas sobre a vida e non atopalas. Anda só, pensa, sinte e soña pero non é feliz. Séntese marxinado e débil no trato coas outras persoas, e sente medo ante a soidade, o baleiro e o ridículo. Pero Xaime é capaz de profundar nas verdades da vida e sabe que hai algo máis que o desánimo, que a vida pode dar moito máis de si. Convencido disto, e a pesar de que sabe que causará dor á súa familia, foxe de casa. Na súa fuxida de dez días coñece a outras persoas,...

O alcalde, Demetrio Salgueiro, acompañado da concelleira de Cultura, Dolores Meití,  e varios directivos da Asociación Autoclásicos de A Mariña realizaron a presentación do Calendario 2019. 

O calendario está composto por fotos de todo o concello. En cada imaxe de cada un dos meses móstranse distintos vehículos clásicos (coches e motos)  pertencentes a distintos membros da asociación.

A realización deste calendario contou coa participación da Asociación de Autoclásicos da Mariña,  a quenes  dende o Concello de Xove lles  agradecen a súa  colaboración.

A galería ribadense Terra Branca acollerá este venres, 14 de decembro, a presentación da Axenda Feminista 2019 do Observatorio da Mariña pola Igualdade, que está dedicada ás artistas visuais galegas. 

Nese calendario cada mes a protagonista é unha muller e unha imaxe súa, ademais aparece unha pequena entrevista sobre o seu traballo como artista e unha valoración con perspectiva de xénero. Desde o Observatorio indican que o obxectivo é dar a coñecer e por en valor o traballo de 12 mulleres galegas, en diferentes ámbitos, neste caso nas artes visuais”. 

O propietario de Terra Branca, José Ramón Leal, explica que “nos agradó la propuesta que nos plantearon desde el Observatorio da Mariña pola Igualdade como galería de arte que somos y porque la mujer está muy presente en nuestras creaciones”.

O grupo ribadense de rock Remakers terá o seu segundo disco na rúa neste vindeiro mes de decembro e como adianto acaba de editar un videoclip, que se presentará no Cine Ribadeo o día 27 deste mes, martes, ás 19:00 horas. Será un acto aberto ao público, con entrada gratuíta e que contará coa presenza de varios compoñentes do grupo, que falarán deste traballo audiovisual e do disco. Ademais os asistentes poderán ver o videoclip en primicia. 

Remakers anuncian que “como adianto a este disco, que incluirá oito composicións propias, escollemos o single titulado Amiga Ansiedad, do cal presentamos un videoclip á altura do que creemos que se merece o traballo discográfico que temos entre mans. O vídeo está dirixido por Gloria Tejero e Daniel Díaz, da produtora 60 Ráfagas. Son de Ribadeo e teñen traballos premiados en varios festivais”.