Rosalía
Teatro do Atlántico representa este sábado, 30 de abril, no Teatro Pastor Díaz, de Viveiro, a obra Libre coma os paxaros. A función dará comezo ás 20:30 horas.
Trátase dunha adaptación de Xulio Lago, quen dirixe a obra, de textos de Rosalía de Castro engarzados con outros materiais que contextualizan unha vía pola que transita o pensamento da nosa autora, ademais do seu compromiso diante dos acontecementos e conflitos protagonistas na sociedade do seu tempo e que son sorprendente reflexo dos que hoxe nos acucian. Unha muller, interpretada por María Barcala, toma a palabra e proclámase posuidora da súa liberdade, declara o seu amor pola literatura e lingua do seu país e a súa admiración polas escravizadas mulleres do seu pobo, e denuncia o espolio do patrimonio forestal e a traxedia da emigración.
A Vicepresidencia da Deputación de Lugo levará a obra teatral “Libre coma os paxaros” de Teatro do Atlántico a Sarria, A Pobra do Brollón, Chantada, Ribadeo e Meira durante os meses de marzo e abril. A xira polas comarcas desta obra, artellada en base a textos da propia Rosalía de Castro, forma parte do programa posto en marcha pola área de Cultura o pasado 23 de febreiro, co que puxo a disposición de concellos e asociacións diversas propostas culturais sobre a figura e obra da poeta.
A vicepresidenta da Deputación de Lugo, Maite Ferreiro, sinalou “o gran interese que concellos e asociacións amosaron por acoller as propostas formuladas desde a área de Cultura arredor de Rosalía e especialmente por esta obra teatral que nos guía pola súa literatura e pensamento, constatando a súa vixencia ” e explicou que “configuramos o calendario...
leer más
A Concellería de Cultura organiza un recital poético musicado tributo a Rosalía de Castro, que se celebrará o 23 de febreiro na Casa da Cultura ás 13:15 horas. Estará interpretado pola actriz mariñá Estíbaliz Veiga, á que acompañarán Erica González ao acordeón e David Castro á guitarra.
O concelleiro de Cultura, José Díaz, anunciou que “o próximo mércores, 23 de febreiro, celebrarase o Día de Rosalía. É unha xornada moi importante para as letras galegas e para Galicia en xeral. Cambiouse a data, antes era o 24 de febreiro pero parece que, segundo as últimas investigacións, ela naceu o día 23”.
O edil burelés comentou que “nós en Burela queríamos facer algo diferente. É verdade que case todos os Concellos fan algún acto que a recorde e, sobre todo, que nos recorde a todos quen foi e quen sigue sendo. Pero son...
leer más
Alfoz, Foz, Barreiros e Viveiro acollerán nos vindeiros sete días cadansúa intervención artística arredor da figura de Rosalía de Castro. Os graffiteiros e muralistas Manuel Andrés Pallín, de Concepto Circo, e Van Kraft encargaranse de realizar murais que evocan a autora en diferentes espazos públicos.
No caso de Alfoz, o mural realizarase nun lateral do pavillón polideportivo mañá martes. O venres, a intervención será nun muro do polideportivo situado a carón da Praza de Rosalía de Castro de Foz, no Campo da Cabana. O sábado será a quenda de San Cosme de Barreiros, que homenaxeará Rosalía no parque de skate situado a carón do teleclube, recentemente instalado. Por último, o luns 19 a figura da autora cabeceira da literatura galega renovará a entrada da biblioteca pública de Viveiro.
As intervencións artísticas...
leer más
Xa se pode ver na rúa Rodríguez Murias, de Ribadeo, o mural en homenaxe a Rosalía de Castro. Foi pintado esta mañá por Concepto Circo.
Deste xeito o Concello conmemora a data do nacemento da escritora en Santiago de Compostela en 1837, “unha celebración que foi impulsada en 2011 pola Asociación de Escritores e Escritoras en Lingua Galega e á que cada ano se suman máis entidades”, segundo lembraba hai uns días a concelleira de Cultura, Pilar Otero.
Ribadeo acolleuse á convocatoria da Área de Cultura da Deputación de Lugo na que se posibilitaba que os Concellos, que así o solicitasen, puidesen dispor dunha actividade para celebrar a efeméride. “No ámbito do mural que solicitamos propóñense modelos de obras orixinais coa mestura de diferentes técnicas”, dixo a edil ribadense.
O Concello de Ribadeo celebra hoxe o Día de Rosalía de Castro e ten previsto realizar un mural de Concepto Circo, pero o espazo elixido está pendente aínda do informe de Patrimonio.
A concelleira de Cultura, Pilar Otero, dixo que “o Concello de Ribadeo, como ven facendo os últimos anos, celebra o Día de Rosalía de Castro hoxe, 24 de febreiro, data do nacemento da escritora en Santiago de Compostela en 1837. É unha data conmemorativa, impulsada en 2011 pola Asociación de Escritores e Escritoras en Lingua Galega e á que cada ano se suman máis entidades”.
A edil ribadense explicou que “este ano o Concello ten previsto a realización dun mural do grupo Concepto Circo, pero o espazo elixido está pendente aínda do informe de Patrimonio. A nosa entidade local acolleuse á convocatoria da Área de Cultura da Deputación de...
leer más
A Concellería de Cultura renderá homenaxe a Rosalía de Castro mañá, 24 de febreiro, de 19:00 a 21:00 horas en Radio Burela coa emisión dun programa titulado A maxia dun regalo, que será conducido polo concelleiro José Díaz e polo dramaturgo mindoniense Francisco Piñeiro.
O edil de Cultura de Burela, José Díaz, dixo que “dende a delegación de Cultura do Concello de Burela queremos anunciar a actividade que faremos este mércores, 24 de febreiro, en homenaxe a Rosalía de Castro, xa que ese día se conmemora a data do seu nacemento”.
O concelleiro burelés explicou que “imos facer un programa en directo desde Radio Burela, de sete a nove da tarde. Gardaremos o podcast dese programa para que estea a disposición de quen queira escoitalo. Durante esas dúas horas analizaremos a figura de Rosalía de Castro, todo o que...
leer más
Mañá mércores, 24 de febreiro, ten lugar unha efeméride moi importante no calendario galego: o Día de Rosalía de Castro, a escritora máis representativa das nosas letras.
Para conmemorar ese día, a delegación de Cultura do Concello de Cervo, convia a participar no concurso “Versos de Rosalía”.
Desde o Concello explican: “envíanos os dous versos que máis che gusten da escritora no formato que desexes (fotografía, debuxo, vídeo, audio, texto...) Valorarase a orixinalidade. Establécense dúas categorías: senior e xuvenil, con tres premios en cada unha delas. Fainos chegar as túas creacións antes das 17:00 horas deste mércores 24 de febreiro ao correo dinamizacion@concellodecervo.com ou por whatsapp ao 691 656 600. Recorda incluír o teu nome e apelidos, idade,...
leer más
A Concellería de Normalización Lingüística do Concello de Foz anuncia o inicio das actividades para conmemorar o 184 aniversario do nacemento de Rosalía de Castro este 24 de febreiro. Por segundo ano consecutivo, o Concello de Foz adhirese ao manifesto da AELG para conmemorar o día e dá a debida homenaxe a autora, que é xa universal.
Desde a delegación focense sinalan que “o pasado ano celebrábamos que o seu nome ten un sitio no firmamento tras nomear a unha estrela do espazo profundo como estrela RosalíadeCastro e ao planeta que xira en torno a ela planeta RíoSar. Para celebrar este 24 o día de Rosalía, o Concello de Foz, en colaboración coa Fundación Penzol e a Biblioteca Pública Neira Vilas de Vigo, presenta as reproducións das portadas das distintas edicións internacionais de Cantares Gallegos, dos orixinais que posue os fondos da...
leer más
No Día de Rosalía o Concello de Cervo, a través da delegación de Cultura, anunciou que ofrecerá unha obra de teatro dedicada á escritora, o 8 de marzo, coincidindo co Día da Muller
"Rosalía" é moito máis que un achegamento teatral á súa vida e á súa obra. É un espectáculo necesario.
Nesta montaxe, os nenos e nenas descubrirán en Rosalía a unha rapaza alegre, forte e curiosa como eles/as, que vive, xoga e goza no país da infancia.Esta Rosalía é unha obra de muller pensada para nenas e nenos de Primaria -e para as súas familias e docentes- por mulleres intensamente vencelladas ao teatro de palabras.
Esta Rosalía que aínda non precisaba apelidarse de Castro e que está a piques de marchar a Santiago é a protagonista desta obra de teatro que quere contarlles ás nenas e aos nenos que a infancia...
leer más