Eventos
O pavillón municipal de Riotorto acollerá o mércores 27 de marzo desde as 22:30 horas unha cea colaboración organizada pola comisión de festas de San Cristóbal.
Despois de cear empezará o baile amenizado pola orquestra Saudade e o DJ Bombardero. Tamén sorteos, sorpresas e servizo de bar.
O prezo é de 30 euros para adultos e de 18 euros para os nenos de 3 a 10 anos de idade.
Vilaseca é un lugar da parroquia de Santa Marta de Meilán, no concello de Riotorto, que celebra as súas festas na honra a San Xosé e a Nosa Señora os días 16, 17 e 23 de marzo, nun campo cuberto con carpa.
O sábado 16 ás 13:30 horas haberá misa solemne e procesión. A continuación terá lugar a sesión vermú, amenizada pola orquestra Salsarena, que tamén actuará pola noite na verbena, xunto a Tania y su acordeón.
O domingo 17 ás 13:45 horas celebrarase misa solemne e procesión. E despois haberá sesión vermú prolongada, co dúo Eclipse.
E o sábado 23 ás 13:30 horas será a misa solemne e procesión. A continuación terá lugar a sesión vermú, amenizada por Verónica Cambón. Seguidamente celebrarase un xantar popular e pola tarde noite haberá verbena, con Verónica Cambón e o dúo Belinda.
...
Los actos de la Semana Santa de Mondoñedo, que está declarada de interés turístico gallego, comenzarán el 23 de marzo, sábado, con el pregón y concierto que se celebrará en la catedral mindoniense a las 20:00 horas.
El pregón correrá a cargo del periodista Ramón Loureiro y después cerrarán el acto el contrabajista Daniel Pérez Soto y el Coro Escola de Música.
A Área de Cultura do Concello de Alfoz organiza para esta Semana Santa, concretamente o mércores 27 de marzo, unha festa infantil “para que os máis novos desfruten con inchables, globoflexia, xogos xigantes, e sorpresas. A entrada é libre e de balde e a actividade está dirixida a todos os nenos e nenas que queiran vir pasar a tarde con nós”.
Será no pavillón municipal de Alfoz de 16:30 a 20:30 horas.
A asociación de veciños San Pedro da Ribeira, de Saldoira (A Pontenova), organiza unha comida para o sábado 16 de marzo ás 14:00 horas.
O menú inclúe callos, codillo asado con patacas, sobremesa, café e chupito. O prezo é de 20 euros para as persoas asociadas ao colectivo organizador e de 25 euros para as no que non o son.
A data límite para anotarse é o 11 de marzo.
O salón de actos da Casa da Cultura de Alfoz acollerá unha actuación do mago Rafa o sábado 16 de marzo.
O Concello de Alfoz explica que o mago Rafa é “un ilusionista nado en Lugo que leva máis de 25 anos traballando con dous obxectivos comúns: divertir e sorprender. Durante todo este tempo traballou para conseguir un estilo que o caracteriza, a proximidade. Os seus espectáculos baséanse na proximidade co público, de maneira que eles marquen o ritmo da diversión para dar lugar á sorpresa. Proximidade que utiliza para aproximar aos espectadores a un mundo de fantasía onde vive o mentalismo, as adiviñacións, as viaxes de obxectos imposibles,... Pero sempre coa súa tarxeta de presentación: un humor cotián e desenfadado para facer gozar a públicos de todas as idade”.
O Concello de Cervo anima a asistir ao I Festival do Guioncho que terá lugar, da man da A.C. Comisión de Festas de Lieiro, o 13 de abril nunha carpa instalada na Praza dos Campos.
A cita foi presentada pola rexedora, Dolores García Caramés, pola tenente de alcaldesa, Mali Méndez, e por unha representación da asociación que se encarga do evento que terá como cabeza de cartel a El Combo Dominicano, acompañado pola orquestra Waykas.
A entrada anticipada por un prezo de 10 euros pode adquirirse nos locais comerciais ou ese mesmo día en taquilla a partir das 18:00 horas.
Haberá tamén servizo de autobuses con saída ás 22:00 horas desde Viveiro e Burela.
Desde o Concello do Valadouro informan que aínda quedan dispoñibles postos para o XVIII Mercado de Primavera.
A data máxima para a recepción de postos de mercado é o vindeiro xoves, 14 de marzo, ás 20:00horas e as persoas interesadas en contar cun posto poden conseguir a información a través do teléfono de contacto 982 57 15 16 de 9 a 14 horas e de 16 a 20 horas de luns a venres laborables.
Desde o Concello indican que “esta é unha data das máis importantes do ano no Valadouro e pretende recuperar un mercado que se realizaba na vila a mediados do século pasado e que cada ano conta con máis seguidores”.
Celébrase o sábado máis próximo ao 25 de marzo, que este ano coincide a 23.
As persoas interesadas poden obter máis información na páxina web e nas redes sociais...
leer más
Oito concellos galegos, entre eles Viveiro, impulsarán a implementación da Axenda 2030 no eido local a través dos obradoiros ‘Todos os ODS son locais’, organizados polo Fondo Galego de Cooperación e Solidariedade a través do proxecto europeo ‘People & Planet’. No caso de Viveiro o obradoiro será o 14 de marzo de 10:00 a 14:00 horas na sala multiusos do Concello. É necesario inscribirse previamente neste enlace: https://forms.gle/bjoAYewtNxgua8LNA
A Comisión Executiva do Fondo Galego de Cooperación e Solidariedade, da que forma parte representando a Viveiro a concelleira Lara Fernández Fernández-Noriega, celebrou a primeira xuntanza presencial do ano no Concello de Pantón, en sinal de agradecemento pola súa recente adhesión a esta rede de administracións locais e provinciais...
leer más
O Concello de Cervo, a través da delegación de Medio Ambiente, anima á veciñanza a participar na campaña de concienciación medioambiental “Coida Cervo”, unha iniciativa de voluntariado aberta a toda a poboación “co obxectivo de poñer en valor as boas prácticas individuais no noso día a día no coidado e protección da contorna”, tal e como precisaron a rexedora, Dolores García Caramés, e a edil de Medio Ambiente, Mali Méndez, durante a presentación do programa este mediodía na Casa do Concello.
O programa que se articula sobre tres eixos de actuación (praias e ríos; montes e camiños e reciclaxe de plástico, vidro e cartón) arrincará o próximo mércores 13 de marzo, na praia da Caosa ás 17:00 horas, e as persoas interesadas en participar poden anotarse na oficina de voluntariado na Casa da Cultura o no teléfono 982 59 51 57.
... leer más