Eventos
Viveiro celebra desde este xoves, 4 de xullo, ata o domingo 7 de xullo a XVII edición do seu Mercado Renacentista. Haberá a representación do gran desembarco de Carlos V, numerosos postos de comida, obradoiros, …
"Esta tradicional cita do verán viveirense, celebrada a continuación do Resurrection Fest, contará con numerosas actividades para todas as idades", asegura a alcaldesa, María Loureiro.
O Concello de Viveiro anima á veciñanza a vestir os seus traxes renacentistas para a ocasión.
O teleclub da parroquia de Vilaformán, no concello de Trabada, acolle esta semana o evento titulado "Cine do Eo", con varias actividades abertas á veciñanza, organizadas pola Asociación Cultural Veiguello, de Vilaformán, coa colaboración do Concello de Trabada.
O mércores, 3 de xullo, haberá un taller de dixitalización, retoque e edición de fotos, no que se lle pide ás persoas asistentes que leven imaxes que conten algo da comarca. Celebrarase tamén un creadoiro de guionización, gravación e montaxe de películas de cine, neste caso dirixido a estudantes de cine.
O xoves 4, desde as 22:00 horas, celebrarase un encontro coa veciñanza con pinchos e música, da man do acordeonista Vadim Yukhnevich.
“É unha satisfacción para o Concello que podamos acoller estas actividades, abertas á veciñanza e...
leer más
Riotorto celebrará as festas na honra de San Cristóbal esta fin de semana, o venres 5 e o sábado 6 de xullo.
As actividades empezarán o venres ás 22:00 horas cunha cea popular no pavillón polideportivo e a partir das 23:30 haberá verbena amenizada polo DJ Pedro Brmudz e a orquestra Panorama.
O sábado celebrarase misa ás 13:30 horas e despois procesión e bendición de vehículos na Praza das Rodrigas. A continuación haberá sesión vermú co dúo Belinda. Ás 19:30 horas comezará un pasacalles da Charanga Eravisto e pola noite terá lugar a verbena na explanada de abaixo da piscina, amenizada polo dúo Belinda e a orquestra Principal.
Este luns, 1 de xullo, ábrese o prazo de inscricións para a 1ª Andaina Solidaria organizada por Nordés, a asociación polo desenvolvemento das Terras da Faladora, en colaboración co Concello de Mañón.
Esta andaina, cun percorrido de 5 kms con saída e chegada á Praza do Mesón de O Barqueiro, terá lugar o sábado 20 de xullo, estando aberto o prazo para as inscricións ata o venres 19.
O prezo da inscrición solidaria é de 15 € para os adultos e 10€ para menores de 18 anos, destinándose a totalidade do recadado para unha causa solidaria, que nesta ocasión será a doazón dos cartos a unha ONG ou institución que traballe coa infancia na Franxa de Gaza. Sabido é que dende outubro pasado máis de 14 mil menores foron mortos nese territorio do estado Palestino pola acción dos bombardeos, accións bélicas, fame ou enfermidades...
leer más
A asociación Camiñantes e Camiños, de Barreiros, organiza un ano máis a Romaría de Santo Estevo do Ermo, que terá lugar este sábado, 6 de xullo.
O presidente do colectivo, José Manuel Gómez Puente, explica que “a Romaría de Santo Estevo do Ermo é unha tradición de moitos anos que os veciños e veciñas de Barreiros teñen moi presente e por iso desde a asociación Camiñantes e Camiños a organizamos neste 2024 e preparamos un sábado cheo de actividades”.
O programa deseñado para o 6 de xullo é o seguinte: “comezaremos cunha ruta de polo entorno de Santo Estevo ás dez da mañá. Os participantes recibirán como agasallo un sombreiro. Á unha do mediodía teremos misa cantada polo Coro Airiños do Mar e logo procesión. Despois ás 13:30 horas degustación de sardiñas á que seguirá a sesión vermú ás 14:00 horas con The Sound...
leer más
Do 1 de xullo ao 29 de agosto volven as visitas guiadas á lonxa de Burela, un xeito de coñecer todas as especies que capturas os barcos dun dos portos máis importantes do Cantábrico. O 1 de xullo será ás 18:30 horas e o 2 de xullo ás 19:30 horas.
É preciso reservar praza en rutadopeixe.burela.org
O Concello de Burela ofrece ademais durante o verán visitas ao barco museo Reina del Carmen, á Moncloa, a unha conserveira, á igrexa de Vila do Medio así coma un interesante programa de xeorutas. Todo a información está dispoñible en www.burela.org
O Concello de Barreiros organiza dúas excursións para poñer o broche final á tempada 2023-2024 das escolas deportivas municipais que “contaron con moi boa participación e nas que xa se está a traballar elaborando a programación da vindeira tempada”. Haberá unha viaxe para crianzas o 3 de xullo e outra para adultos o 5 de xullo.
En canto á excursión para crianzas, o mércores 3 de xullo ao Parque Acuático de Cerceda, “as nenas e nenos pasarán unha xornada divertida gozando das diferentes piscinas e tobogáns cos que conta o recinto”, anuncia o Concello.
A excursión para adultas/os será o venres 5 de xullo cun roteiro de sendeirismo pola ruta do ferrocarril (San Tirso de Abres - A Pontenova). Un percorrido de aproximadamente 14 quilómetros que inclúe desprazamentos desde a Praza do Concello e xantar no Hotel San Briz...
leer más
A mocidade gozará de cine na rúa en xullo, de sesións dj en xullo e agosto, e de actividades acuáticas do 5 ao 8 de agosto na praia dos Bloques.
O concelleiro de Mocidade, Francisco José Silvent, explicou que “as actividades que programamos para a mocidade darán comezo o vindeiro mércores, 3 de xullo, con cine na rúa. No Campo de San Francisco ás 22:30 horas os días 3, 10, 17, 24 e 31 de xullo proxectaranse películas como Amigos hasta la muerte, Super Mario Bros, Salta, A praia dos afogados e Barbie”.
O edil ribadense contou que “tamén haberá sesións con djs na pista de skate. Serán ás 20 horas con Litainer os días 19 de xullo e 9 de agosto e con Pedro Bermúdez o 12 de xullo e o 2 de agosto”.
Silvent comentou que “ademais na praia dos Bloques do 5 ao 8 de agosto as rapazas e os rapaces...
leer más
FRUGA e a Asociación Galega de Viticultura, en colaboración coa Vicepresidencia da Deputación de Lugo e a tenencia de alcaldía de Viveiro, lanzan unha nova cata e coloquio dos viños da Indicación Xeográfica Protexida Terras do Navia. Será o venres 5 de xullo a partir das 17:00 horas no Centro Comarcal de Viveiro. O deputado de Rural, Daniel García, xunto a representantes do concello e das entidades organizadoras presentaron esta nova formación.
Durante a xornada as persoas asistentes participarán nunha charla coloquio con José Crusat, da adega Entre os Ríos (IXP Terra de Barbanza e Iria) e José Manuel Méndez, da Asociación Bodegueiros do Navia. Posteriormente haberá unha cata da man do sumiller Martiño Santos con viño da Adega Panchín e Adega Sidrón, de Negueira de Muñiz, e de Bodega da Señora, de Navia Suarna, as tres adegas que...
leer más
A cuadraxésimo quinta edición da Rapa das Bestas de Campo do Oso, no concello de Mondoñedo, celebrarase este domingo, 30 de xuño.
Para as 10:30 horas está programada a saída dos xinetes para a baixada dos animais ó curro, que será ás 11:30 horas; e ás 12:15 empezará a rapa e marcado dos animais. Ás 14:00 horas haberá sesión vermú, ás 15:00 empezará o xantar popular e a partir das 17:00 horas terá lugar o baile de tarde.
Haberá xornadas de degustación de carne de poldro de balde e a festa estará amenizada por Verónica Cambón.