Eventos
O lugar de Trasbar celebrará a próxima fin de semana, do 13 ao 16 de setembro, a romaría de Santa Eufemia.
A cita festiva foi presentada polo edil de Zona Rural, Adrián Arias, e por unha representación da asociación de veciños do Burgo de Trasbar, que se encarga da organización dos festexos.
A Romaría dará comezo o venres ás 23:00 horas da man de Disco Móbil Conxuro.
O sábado, ás 13:00 horas será a misa solemne na honra de Santa Eufemia, e a continuación terá lugar a sesión vermú da man do grupo Fénix, que repetirá na verbena con Disco Móbil Conxuro, a partir das 22:30 horas.
O domingo, ás 13:00 horas volverá haber misa, na honra de San Antonio e o Carme, seguida de sesión vermú co Dúo Son de Festa. Ás 20:00 horas, será a misa solemne na capela de arriba e o...
leer más
A parroquia viveirense de Galdo estará de festa dos días 27 ao 29 de setembro.
Do venres 27 ao domingo 29 deste mes amenizarán os festexos, no apartado musical, o grupo Zona Zero, Juanjo DJ, as orquestras Costa Dorada e Salsarena, Disco Móbil Conxuro e Jorge Menéndez.
A parroquia ribadense de Cubelas celebra a súa festa na honra á Virxe das Dores o día 21 de setembro.
O sábado 21 terá lugar a III Comida de Produtos da Horta e Gandeiría do Rural de Ribadeo. Ás 12:30 horas haberá unha misa solemne e procesión seguida de sesión vermú co Dúo Matices.
Ás 15:00 horas comezará o xantar cun menú composto por fabada, tenreira asada con guarnición e patacas, postre, café e bebidas. O prezo para os adultos é de 26 euros e para @s nen@s (de 3 a 10 anos) de 13€.
Ás 19:00 horas dará comezo a sesión de tarde co Dúo Matices e o Grupo Lecer. Ademais haberá inchables para os máis cativos, sorteos e sorpresas para os asistentes.
Colaboran na organización destes festexos: Concello de Ribadeo e Xunta de Galicia.
Negradas, no concello do Vicedo, celebrará as tradicionais festas na honra de San Miguel o vindeiro 28 de setembro.
Os actos darán comezo ás 13:00 horas cunha misa cantada, seguida de procesión, na honra do santo patrón. A continuación, terá lugar a sesión vermú amenizada polo Grupo Fénix, que tamén será un dos encargados de poñer a nota musical na gran verbena nocturna, que comezará ás 22:30 horas. Durante a verbena, a animación estará garantida coa actuación do Grupo Fénix e a Orquestra Solara, prometendo unha noite de festa e diversión para todos os asistentes.
Ademais, a organización dispón dun amplo aparcamento gratuíto e dunha pista de baile cuberta para asegurar a comodidade dos asistentes.
A Área de Cultura do Concello de O Valadouro celebra o Día do Neno o vindeiro 9 de setembro.
O luns da próxima semana desenvolveranse diversas actividades ao longo da tarde e haberá inchables, toro mecánico e unha festa da espuma se o tempo o permite.
Vilaoudriz, na Pontenova, prepárase para celebrar as súas tradicionais festas na honra da Virxe dos Dores os días 13, 14 e 15 de setembro. O evento terá lugar no campo cuberto, baixo unha carpa que acollerá todas as actividades programadas.
As festas darán comezo o venres 13 de setembro ás 22:00 horas cunha gran churrascada no campo da festa, servida por Trastoy Eventos. O menú estará composto por empanada, xamón cocido, churrasco de porco, chorizo criollo e roxo, ademais de bebida, sobremesa e café. Os tíckets para a churrascada pódense adquirir contactando coa comisión organizadora, composta por Pepe (609282913), Iván (660002294) e Luis (609600427). Os prezos serán de 20 euros para adultos, 10 euros para nenos de 6 a 12 anos, e gratuíto para os menores de 6 anos. O prazo límite para a compra de tíckets será o 11 de setembro. Tras a...
leer más
Dende a departamento de Muller e Igualdade do Concello de Xove informan que xa está aberto o prazo ata o 30 de setembro para inscribirse no XIII Encontro de Palilleiras Coas nosas mans, do Concello de Xove, que se celebrará o próximo 5 de outubro.
Poderán inscribirse tanto asociacións de palilleiras como postos de venda ata o 30 de setembro. Os vendedores e vendedoras só se poderán inscribir cubrindo a solicitude para postos de venda que encontrarán na web www.xove.es, e enviándoa ó correo electrónico encontropalilleiras@xove.es
As palilleiras, ademais de poder inscribirse no correo electrónico mencionado enchendo a solicitude que atoparán na web do Concello, poderán facelo tamén chamando ó teléfono do Concello 982592001 ata o 30...
leer más
O 20 de setembro darán comezo as festas na honra a San Antonio e Santo Tomás en Santo Tomé (Lourenzá). As celebracións iniciaranse ás 21:00 horas cunha gran pulpada e churrascada servida por Pulpería Suso, seguida dunha verbena onde actuarán a orquestra Acordes e o Dúo Matices.
O sábado 21 a xornada comezará ás 13:30 horas coa misa solemne e procesión, á cal seguirá unha sesión vermú amenizada pola Orquestra D'Noche. Pola noite, a partir das 22:30 horas, a verbena contará coas actuacións do Grupo Fusión e D'Noche, ofrecendo unha noite de diversión e boa música.
Para pechar as festas, o domingo 22 de setembro haberá de novo misa solemne e procesión ás 13:30 horas, e nova sesión vermú coa orquestra Dinastía, que porá o broche de ouro a esta fin de semana festiva.
A comisión de festas da Virxe dos Remedios e o cura párroco do Santuario, Pedro Díaz, presentaron a programación das festas patronais que se desenvolverán o sábado 14, domingo 15 e luns 16 de setembro, festivo local.
O sábado o parque da alameda será o escenario da actuación do Dúo Zafiro e pola noite tocará a orquestra Magma, considerada unha das mellores de Portugal e que actuará por primeira vez nesta comarca. Esa mesma xornada está previsto o evento DJs no Camiño, co patrocinio de Radio Líder e da Xunta de Galicia, así como tamén a XII edición de Cantos de Taberna.
O domingo é o día principal, coa ofrenda presentada este ano polo alcalde de Ortigueira, á que seguirá a tradicional procesión coa imaxe da virxe acompañada pola Banda de Gaitas de Ladrido. A orquestra Pontevedra, así como a comparsa XX, serán as...
leer más
O próximo 14 de setembro o do Sixto, no concello de Ourol, celebrará as tradicionais festas na honra á Virxe dos Remedios.
A xornada comezará ás 13:00 horas cunha misa solemne seguida da tradicional procesión. De seguido, terá lugar a animada sesión vermú, amenizada polo Dúo Caramelo.
Ás 15:00 horas celebrarase un xantar popular cun menú que inclúe callos, churrasco de porco, chourizo, patacas, postre, café e chupito. O prezo por persoa é de 28 € e as reservas pódense facer ata o día 11 de setembro nos seguintes números de contacto: 606 668 054 (Cruz) e 669 308 211 (Adrián).
Xa pola noite, a celebración continuará cunha gran verbena, onde actuarán o Dúo Caramelo e o Dúo D'Cache. Para maior comodidade dos asistentes, instalarase unha carpa no Cruce de Lombao.
...
leer más