Eventos
O Concello de Viveiro organiza, a través da Concellería de Educación, a celebración dos Maios para o alumnado dos centros de ensino de primaria e de infantil.
Este venres, día 31, está previsto que o CEIP Santa Rita de Galdo, o CEIP Lois Tobío, o Centro de Ensinanza CPR Landro, o CEIP de Covas e a Escola de Educación Infantil San Roque -uns 530 alumnos aproximadamente xunto cos seus profesores- participen nun encontro na Praza Maior para celebrar unha tradición de Viveiro como é a dos Maios. Haberá un desfile que sairá da praza, indo pola rúa Margarita Pardo de Cela, subindo pola avenida de Cervantes, seguindo pola rúa dos Irmáns Vilar Ponte e baixando por Teodoro de Quirós de novo cara a praza. Unha vez de novo na praza, cada grupo de cada colexio fará a súa homenaxe ao mes de maio, seguida dunha merenda para a rapazada. Ás 13:00 horas...
leer más
A asociación Os Sendeiros, de Foz, organiza unha viaxe a Covadonga (Asturias) do 20 ao 22 de setembro. A saída desde Foz será o día 20 ás 16:00 horas e ás 16:15 horas desde Ferreira do Valadouro.
Esta actividade inclúe aloxamento en pensión completa e os prezos son: 230 euros para socios federados, 235 euros para socios non federados e 240 euros para socios temporais.
O prazo para anotarse remata o 13 de xuño a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Os organizadores explican que “la ruta del mes de septiembre será por tierras asturianas, del 20 al 22 de septiembre, para hacer la ruta desde Los Lagos de Covadonga hasta Covadonga, usando parte de la ruta de la...
leer más
Fontangordo, lugar da parroquia pontenovesa de Vilaboa, celebrará a súa festa romaría na honra de San Bernabé este sábado, día 1 de xuño.
Os actos empezarán ás 13:30 horas co misa solemne. Despois haberá sesión vermú amenizada polo grupo Los Adrianos, que tamén amenizará o baile verbena, de 20:00 a 22:00 horas.
O auditorio municipal Hernán Naval, de Ribadeo, acollerá un festival contra o cancro este venres, 31 de maio, ás 20:00 horas.
Está organizado pola Asociación Española Contra el Cáncer e participarán a Escola Municipal de Música e Danza de Ribadeo, a asociación ribadense Amigos da Gaita e Maktub. Será presentado por Susana Álvarez (Susi).
A Asociación Musical A Chocolateira, da Pontenova, organiza a súa sétima foliada para este sábado, 1 de xuño.
As actividades empezarán ás 12:00 horas cunha actuación de Branca Villares sobre Os Maios. Despois haberá sesión vermú con A Chocolateira e ás 14:00 horas terá lugar a actividade “Honra os nosos gaiteiros”. De 15:30 a 17:00 horas será o xantar, para o que hai que levar a comida. A continuación haberá billarda e xogos tradicionais a cargo de Troitas Bravas e Xotramu e para as 18:00 horas está programado un concerto infantil de Paco Nogueiras, ás 19:30 horas actuará o grupo Toxo Queimado e ás 21:00 empezará a cea. Rematarán os actos cun concerto do grupo De Ninghures, ás 22:00 horas.
A asociación cultural O Picato, de Trabada, organiza unha excursión á Ribeira Sacra para o 7 de xuño
A asociación cultura O Picato, de Trabada, organiza unha excursión á Ribeira Sacra para o día 7 de xuño, venres. Para participar hai que anotarse antes do 3 de xuño. O prezo para os socios do colectivo organizador é de 45 euros e as persoas que non o son deberán pagar 55 euros.
“Temos o pracer de anunciarvos a primeira excursión que realizaremos, nesta ocasión visitaremos a Ribeira Sacra. Sairemos da praza do Concello de Trabada en autobús ás 8 da mañá, faremos un percorrido completo en catamarán e tren, visitaremos unha bodega de viño e xantaremos nun restaurante da zona. A hora aproximada da volta será polas 9 da noite. Recordade que as prazas son limitadas”, explica a organización.
A agrupación cultural Francisco Lanza, de Ribadeo, organiza unha excursión a Lugo para o día 2 de xuño, domingo. A saída será ás 09:00 horas desde a estación de autobuses ribadense.
“Dentro da conmemoración das Letras Galegas, mais xa centrado no campo da memoria e da lingua, organizamos unha excursión á cidade de Lugo para o próximo día 2 de xuño, na que visitaremos o cemiterio de San Froilán, dentro do Programa de Cemiterios Europeos, o casco histórico e o centro cultural Vello Cárcere”, explica a organización.
A Pontenova celebrará as festas na honra de San Esteban o venres 31 de maio e o sábado 1 de xuño. O campo estará cuberto con carpa.
O venres haberá churrascada popular desde as 22:00 horas e despois verbena amenizada pola cantante Verónica Cambón e por Disco Bombardero.
E o sábado ás 13:30 horas celebrarase misa solemne e despois procesión e sesión vermú, co grupo Alba, que tamén actuará na verbena.
Mondoñedo acollerá desde o xoves 30 de maio ata o sábado 1 de xuño unhas xornadas tituladas “Os Camiños de Santiago en Galicia. O seu coñecemento e divulgación”. Están organizadas pola Federación Galega de Asociacións de Amigos do Camiño de Santiago (FEGAC).
As actividades comezarán o xoves 30 ás 20:00 horas no auditorio municipal Pascual Veiga cun saúda institucional. A continuación terá lugar a proxección do documental “Elías Valiña, o inventor das frechas amarelas”, de Aser Álvarez, e despois haberá un coloquio. E para as 21:00 horas está programado un concerto da Banda de Música Pascual Veiga, de Mondoñedo.
O venres 31 haberá un roteiro pola variante marítima do Camiño Norte de Santiago, que sairá da Alameda dos Remedios, de Mondoñedo, ás 09:30 horas.
E o sábado 1 de xuño as...
leer más
A Área Turismo organiza a VI edición do Ribadeo Ilustrado que terá lugar os días 6, 7 e 8 de xuño.
A concelleira Marta Saiz explicou que “o tema central ao redor do que xirarán as actividades será de novo, Raimundo Ibáñez, Marqués de Sargadelos. Tentaremos afondar na figura dun dos personaxes máis carismáticos da contorna, cos seus claros e sombras”.
A edil de Turismo dixo que “a presentación do libro As máscaras de Ibáñez. O Marqués de Sargadelos que nunca foi, acompañada da obra de teatro que leva o mesmo nome, ambas as dúas a cargo de Avelaiña Teatro, achegarannos máis información sobre esta interesante personaxe, iniciadora de interesantes proxectos empresariais”.
Saiz indicou que “esta nova edición segue a medrar da man de conferencias onde participarán historiadores como Alberto...
leer más