Eventos
O coñecido humorista Roberto Vilar clausurará a súa xira Celebreixon, coa que conmemora os seus 30 anos de traxectoria profesional, en San Cristovo, lugar do municipio de Xove onde naceu e medrou o onde viven os seus pais. Será este venres, 14 de xuño, ás 22:30 horas con entrada libre e aparcamento.
Será un evento no que recreará unha festa popular, con escenario e cantina, e no que Roberto Vilar contará coa participación de José Baño, coñecido polas súas intervencións no programa televisivo Land Rober, e do artista Tonhito de Poi.
A parroquia de Xerdiz, no concello de Ourol, celebrará a festa na honra a San Antonio esta fin de semana: o venres 14 e o sábado 15 de xuño.
As actividades empezarán este venres ás 20:00 horas con degustación de pinchos, empanada, callos e chourizos á brasa, coa música dunha discoteca móbil.
E o sábado 15 ás 13:30 horas celebrarase misa solemne seguida de procesión e sesión vermú amenizada polo grupo Lecer, que tamén actuará na verbena xunto ao trío Bahía con José Costas.
Cervo acollerá os días 15 e 16 de xuño, sábado e domingo, a XVII Monográfica Rexional de Galicia de Boxer. A cita foi presentada pola alcaldesa, Dolores García Caramés, e polo delegado de Boxer Club España en Galicia, Iván García, acompañado por un dos seus cans de raza boxer, Faragulla de Ibiltaria (de case nove anos de idade que é campioa de España e de Portugal de beleza, entre outros recoñecementos), no Conxunto Histórico Artístico de Sargadelos, que será o escenario do evento que a día de hoxe xa conta con máis de trinta exemplares inscritos.
A exposición morfolóxica concentrarase na xornada do domingo, a partir das 10:00 horas, pero xa o sábado, como antesala do evento, está prevista unha sesión gratuíta de iniciación ao traballo deportivo e ás probas de selección española de cría, a partir das 18:00 horas, tamén en Sargadelos,...
leer más
O Concello de Viveiro anuncia as datas do Mercado Renacentista, que alcanza a súa décimo sétima edición os próximos días 4, 5, 6 e 7 de xullo e xa é unha cita cultural e turística de referencia en Galicia.
“O Mercado Renacentista é unha data especial para Viveiro, unha festa que pon en valor a nosa historia, o legado dos nosos antepasados, que involucra a toda a veciñanza e que serve tamén para dinamizar o noso comercio e hostalería”, indica a alcaldesa de Viveiro, María Loureiro.
Nos próximos días, o concello publicará o prazo para solicitar as cadeiras e mesas, así como a ocupación do espazo público da comida do sábado 6 de xullo.
O concello sacou a licitación a organización do Mercado Renacentista, que este ano corresponderá a unha nova empresa. O concello só cede os espazos sen ningún...
leer más
Hoxe arrinca a cuarta edición do Ribadeo Ilustrado, que organiza o Concello. O paseo previsto para o sábado, día 8, suspéndense por mor do mal tempo previsto para esa xornada.
A cita estará dedicada a Antonio Raimundo Ibáñez, fundador da Real Compañía Marítima.
A concelleira de Turismo, Marta Saiz, lembrou que “o programa de actividades dará comezo hoxe cun concerto da Orquestra de Cámara Galega na igrexa parroquial a partires das nove menos cuarto da noite”.
Saiz comentou que “mañá pola tarde ás seis e dez na Casa do Concello terá lugar a presentación do libro As máscaras de Ibáñez, o Marqués de Sargadelos que nunca foi, a cargo de Avelaiña Teatro, que despois representarán a obra do mesmo título ás 20:30 horas no auditorio municipal. E ás sete o ribadense Alberto Paraje, secretario da...
leer más
O festival folclórico infantil titulado A Mostra Cativa do Valadouro celebrarase en Ferreira o domingo 16 de xuño. Será ás 18:30 horas na Praza de Santa María.
Este evento está organizado pola Asociación Cultural Amado Lar, que actuará no festival xunto a grupos da Sociedade Cultural e Recreativa Ledicia, de Burela, e da Agrupación O Feitizo, de Foz.
“Agardámosvos a todos para disfrutar das actuacións que nos teñen preparadas os máis cativos. Agradecer tamén de antemán a colaboración da Concellería de Cultura do Valadouro”, manifestan os organizadores.
A Asociación Cultural e de Festexos Terras de Vilamartín organiza as festas de Vilamartín Pequeno, parroquia do concello de Barreiros, na honra a San Xoán Degolado. Celebraranse os días 14 e 15 de xuño, venres e sábado.
As actividades empezarán o venres 14 a partir das 23:15 horas con verbena amenizada polas orquestras Cinema e Gran Parada.
E o sábado 15 ás 13:15 horas celebrarase misa solemne e a continuación procesión e sesión vermú amenizada polo grupo Lume. Ás 15:00 horas empezará a terceira edición da Festa do Requesón e un xantar popular no campo da festa. E a partir das 21:00 horas haberá churrascada gratuíta seguida de verbena co grupo Lume e o trío Nostalgias.
A organización dos festexos destaca que dispoñen de amplos aparcamentos gratuítos, servizo de bocatería, atraccións para...
leer más
Na parroquia de San Miguel de Reinante (Barreiros) celébrase tradicionalmente a Romaría de Santo Estevo da Pagá, na área recreativa do mesmo nome, situada no barrio da Barranca, onde familias e grupos de amigos xúntanse en comidas campestres. Nesta edición será os días 8 e 9 de xuño, sábado e domingo.
As actividades empezarán o sábado 8 ás 13:00 horas con misa solemne e despois haberá procesión e sesión vermú, con chourizos e empanada gratis, e amenizada polo dúo Belinda. Ás 18:00 horas actuará o grupo folclórico O Arco da Vella, de San Miguel de Reinante. E ás 22:00 horas comezará a verbena coa música do dúo Belinda e o grupo Lume.
E o domingo 9 ás 13:00 horas celebrarase misa solemne e procesión. A continuación haberá sesión vermú, con chourizos e empanada gratis, e a actuación do dúo Phantom.
... leer más
Estas actividades enmárcanse dentro do programa de xeoturismo do Plan de Sostibilidade Turística, que arrincaba a finais de 2023 e está contando con moi boa acollida.
O 16 de xuño terá lugar a xeoruta do Ollo do Sapo, no Vicedo, que se desenvolverá entre as 10:30 e as 13:30 horas, guiada polo xeólogo Fran Canosa. Son 20 as prazas dispoñibles para gozar deste paseo duns 7 quilómetros e medio a través dunha paisaxe de enorme beleza.
Os asistentes terán a oportunidade de coñecer a costa vicedense, esculpida sobre as rocas denominadas Ollo de Sapo, que foron orixinadas pola transformación metamórfica de magma e as cinzas dunha enorme cadea de volcáns explosivos, que chegaban ao Vicedo desde o centro da península.
Para o 29 de xuño está prevista a xeoruta da Marosa, en Burela, de 10 a 13...
leer más
Dende o departamento de Investigación Social e Turismo do Concello de Xove organízase outro ano máis a romaría ao San Antonio Ventureiro da Rigueira o 13 de xuño, xoves. Este ano é unha edición especial xa que, despois da declaración por parte do Consello de Turismo de Festa de Interese Turístico de Galicia no ano 2023, foi elixido polo Concello de Xove como festivo local para este 2024.
Os organizadores anuncian que “ata o 11 de xuño todas aquelas persoas que desexen participar da romaría poderán anotarse no Concello de Xove para obteren a Ventura e a flor do San Antonio ó concluír o camiño. Para anotarse poden chamar ao teléfono 982.59.20.01 ou escribir un correo electrónico a lucia@xove.es. Como cada ano, os/as romeiros/as irán identificados/as cun carné de romaxe que poderán recoller no Concello antes...
leer más