Eventos
Chega unha nova edición da campaña de recollida de xoguetes Dálle a volta ao Nadal, que un ano máis pon en marcha a Concellaría de Servizos Sociais para que todas as nenas e nenos de Ribadeo teñan agasallos nas vindeiras festas.
A concelleira Mónica Freire explicou que “poñemos en marcha unha nova edición desta iniciativa para agasallar ilusión e que ningunha nena e ningún neno queden sen xoguetes este Nadal”.
A edil de Servizos Sociais subliñou que “aquelas persoas que queiran doar poderán facelo ata o 13 de decembro. E teñen que ter presente que os xoguetes deben estar en bo estado: limpos e non rotos; e os que estean compostos de pezas deben vir todas xuntas nunha bolsa pechada. Non recolleremos peluches este ano”.
Freire Rancaño engadiu que “os xoguetes poderán entregarse nos...
leer más
Na Pontenova celébrase do 3 ao 6 de decembro a XV Feira de Artesanía e Antigüidades.
O horario de apertura ao público será de 11 a 14 horas e de 16 a 21 horas.
Haberá obradoiros de:
Forxa de ferro – José María Rodil Arruñada
Cestería de mimbre – Luisa Martínez Vázquez
Lámpadas de cabaza – Blas Piñar Martínez
Xoias – Soledad Martínez
Coiro – José Bértolo Pichel
Torno de madeira – Suso Tierra
Fiado de fibras naturais – Lumecú (Mercedes Veites)
Tamén se desenvolverá a VI Xuntanza de Vespas, Motos e Coches Clásicos. O sábado, vespas e motos. E o domingo, coches clásicos.
A Feira Náutico Pesqueira Expomar 2023 será presentada en Madrid o 19 de xaneiro. Será nun acto na Casa de Galicia no que haberá unha recepción e unha degustación, segundo anunciou esta mañá o alcalde de Burela e presidente da Fundación Expomar, Alfredo Llano.
O rexedor manifestou que “hai unha cuestión agora mesmo que nos preocupa moitísimo, que é a situación da pesca en xeral. Entón nosoutros consideramos que a actividade náutico pesqueira ten que manterse porque ten un peso específico na economía, na sociedade, na cultura, … Polo tanto queremos que esa pesca perdure, de maneira sostible loxicamente, pero ten que ser unha actividade con garantía de supervivencia, de manterse no futuro constantemente para ter unha alimentación sa e da mellor calidade; pescada ademais dunha maneira coidadosa para que chegue a porto cunha calidade total...
leer más
O Concello de Cervo organiza para este Nadal unha nova edición do programa “Cervo Concilia”, que dará comezo o 23 de decembro.
Este programa, que vai dirixido a nenos e nenas de entre 3 e 12 anos, componse dun completo calendario de actividades educativas e lúdicas pensadas para entreter ás crianzas nestas datas de lecer, “sen deixar de lado a aprendizaxe e incidindo especialmente no concepto da conciliación das familias”, tal e como apunta a edil de Educación, Dolores García Caramés.
As inscricións poñeranse a disposición das familias na Casa da Cultura de San Ciprián e na Casa do Concello. O prazo para anotarse remata o 16 de decembro e as prazas son limitadas. O programa estenderase durante as vacacións de Nadal, finalizando o 5 de xaneiro.
O Concello de Viveiro celebra este venres, día 2 de decembro, a gala de entrega do IV Premio de Novela Vilar Ponte, nun acto no Teatro Pastor Díaz ás 20:30 horas que contará coa presenza do escritor Suso de Toro.
A gañadora desta edición é Irene Rega Jul, coa súa obra ‘Tecendo Redes’, e a novela finalista foi ‘As cartas do desarraigo’, de Francisco Vidal Blanco.
O Premio de Novela Vilar Ponte, que cumpre este ano a súa cuarta edición, naceu coa finalidade de lembrar aos escritores Antón e Ramón Vilar Ponte e, asemade, apoiar e difundir a literatura en lingua galega.
“Parabéns aos dous escritores premiados neste certame, que gaña recoñecemento e consolidación cada ano. Un certame que impulsa sen dúbidas a creación literaria na nosa lingua”, afirma a alcaldesa, María Loureiro
... leer más
A Deputación de Lugo abriu este luns o prazo para solicitar algunha das 1.025 prazas do programa Lugo Termal.Nas primeiras horas moitas das persoas interesadas xa fixeron chegar a súa solicitude a través da páxina web da institución provincial ou nas oficinas do Rexistro Xeral situadas no Pazo de San Marcos.
Nesta 12 edición do programa de termalismo, a institución provincial oferta descontos nos tres establecementos termais da provincia: Termas de Lugo, Río Pambre en Palas de Rei e Hotel Balneario Augas Santas de Pantón. Son un total de 650 prazas na modalidade con estancia e outras 375 na de sen estancia.
A modalidade con estancia contempla seis días e cinco noites en pensión completa e con carácter xeral haberá 15 técnicas termais, agás que por razóns médicas xustificadas se desaconsellen, ehaberá un...
leer más
O presidente da Real Academia Galega recibiu na sede da institución unha representación da Mesa Coordinadora don Paco, creada para canalizar e organizar as actividades de celebración do Día das Letras Galegas 2023, dedicado a Francisco Fernández del Riego, que se promovan dende Lourenzá, o seu concello natal.
Víctor F. Freixanes entrevistouse este venres coa presidenta da coordinadora, a alcaldesa de Lourenzá, Rocío López García; o vicepresidente e concelleiro de Cultura, Manuel Arango Ron; Manuel Román Ramos, biógrafo do homenaxeado; e Isabel Vilalba Seivane, membro da coordinadora en representación da Asociación Patrimonio Laurentino.
O presidente da Real Academia Galega agradeceu a visita da Mesa Coordinadora Don Paco e avanzou que a institución, á que Del Riego pertenceu e da que chegou a ser presidente,...
leer más
O recinto feiral de Vilanova de Lourenzá acollerá unha festa magosto este sábado, 26 de novembro.
As actividades empezarán ás 16:30 horas con talleres de outono para os nenos e nenas que se desenvolverán ata as 18 horas, cando haberá merenda con chocolatada. E ás 19 horas farase un bingo familiar.
Esta festa está organizada pola Anpa do colexio Juan Rey coa colaboración do Concello de Lourenzá, que aporta os biscoitos e o chocolate para a merenda. As actividades son gratuítas para @s soci@s da Anpa e os demais terán que pagar 5 euros por persoa.
A alcaldesa, Rocío López, anima “a tod@s a asistir, a participar no magosto e a colaborar coas actividades que organiza a Anpa do colexio Juan Rey”.
El Gobierno de Asturias pone en marcha Xuntoiro, un encuentro cultural en torno al eonaviego que reunirá propuestas literarias, musicales y escénicas con el fin de mostrar la vitalidad creativa de esta lengua. La Consejería de Cultura, Política Llingüística y Turismo impulsa esta nueva iniciativa, que tendrá lugar en A Veiga/Vegadeo, y que incluye una amplia programación de actividades gratuitas para todos los públicos.
El Xuntoiro se celebrará los días 26 de noviembre y 3 de diciembre y tendrá los principales localizaciones en el auditorio y la casa de cultura, gracias a la colaboración del Ayuntamiento de A Veiga/Vegadeo.
El programa arrancará el próximo sábado con la jornada Riada literaria, que incluye un paseo por la ría del Eo con la participación de los autores Yolanda Castaño, Sergio Gutiérrez Camblor,...
leer más
Para conmemorar o Día internacional contra a violencia de xénero o Concello de Foz organiza unha concentración este venres, día 25, con lectura dun manifesto e tamén de textos por parte do alumnado do IES de Foz contra a violencia de xénero e na defensa dos dereitos das mulleres de todo o mundo.
A concelleira focega Ana Rojo explica que “este ano o Concello de Foz, a través da área de Muller e Igualdade, conmemora o 25N (Día internacional contra a violencia de xénero) cunha serie de actos que comezou cunha andaina organizada pola asociación de camiñantes de Barreiros, coa colaboración de Mulleres en Igualdade da provincia de Lugo, xunto coa asociación Os Sendeiros de Foz, onde recollemos o testigo como símbolo da loita contra a violencia de xénero e a repulsa de todo o pobo de Foz. Ano tras ano este testigo irase pasando entre todos os...
leer más