Eventos
A asociación Camiñantes e Camiños, de Barreiros, rematará o vindeiro sábado, 22 de xuño, a súa peregrinación a Santiago por etapas semanais a través do Camiño de Inverno. O colectivo anima ademais a viaxar a Santiago a todas aquelas persoas da comarca que queiran pasar o vindeiro sábado na capital de Galicia.
Camiñantes e Camiños realizará ese día a novena etapa do Camiño de Inverno, de nove quilómetros. A saída en autobús, desde as inmediacións do centro de saúde de San Cosme, está prevista para as 6:45 horas.
O presidente da asociación Camiñantes e Camiños, José Manuel Gómez Puente, explica que “faremos eses nove quilómetros, entraremos na Catedral pola Porta Santa e asistiremos á misa do peregrino. Agardamos que poida asistir todo o grupo e así culminar como se merece esta peregrinación”.
... leer más
Entre as actividades da décimo primeira edición da Festa Castrexa de Burela haberá unha cea parrillada, que se celebrará o domingo, día 23 de xuño, desde as 21:00 horas na Praza do Concello.
“Vamos poder disfrutar dunha gran churrascada e sardiñada acompañada de fogueira e moitas outras actividades que iremos anunciando nos próximos días. Xa tedes dispoñibles os tickets de venta anticipada, a 8 euros, para a cea de San Xoán en Alain Afflelou, Peluquería Campón, Mercería Paca e Tienda Azor. Podedes conseguilos ata o vindeiro Xoves 20 de xuño. O mesmo día da festa o número de tickets (a 10 euros) que teremos á venta será moi limitado”, anuncia a organización, que corre a cargo da asociación Burela Castrexa.
A programación cultural do Concello de Foz para este mes de xuño continúa coa segunda parte do certame de teatro e coa feira da Espiñeira. “A primavera finaliza e chega o verán. O mes de xuño avanza cargado de eventos en Foz cunha nova fin de semana con teatro e tamén coa tradicional Feira da Espiñeira”, anuncia o Concello.
Este venres ás 20 horas o grupo teatral Ollomao presentará na Casa da Cultura a súa obra O traballo de Andrea, sendo o sábado a representación á mesma hora de A Lola, de Avelaiña Teatro. O domingo nunha función familiar ás 18.30 horas, na mesma Casa da Cultura, poderá desfrutarse de Avoa, xogamos?, da compañía Alentía Teatro.
O domingo a partir das 11 da mañá, unha nova edición da Feira da Espiñeira dará comezo. Coma o ano pasado, os animais estarán situados nun prado traseiro do Campo da Feira, habilitado para acoller os...
leer más
Estas actividades enmárcanse dentro do programa de xeoturismo do Plan de Sostibilidade Turística, que arrincaba a finais de 2023 e está contando con moi boa acollida.
O 16 de xuño terá lugar a xeoruta do Ollo do Sapo, no Vicedo, que se desenvolverá entre as 10:30 e as 13:30 horas, guiada polo xeólogo Fran Canosa. Son 7 aínda as prazas dispoñibles para gozar deste paseo duns 7 quilómetros e medio a través dunha paisaxe de enorme beleza.
Os asistentes terán a oportunidade de coñecer a costa vicedense, esculpida sobre as rocas denominadas Ollo de Sapo, que foron orixinadas pola transformación metamórfica de magma e as cinzas dunha enorme cadea de volcáns explosivos, que chegaban ao Vicedo desde o centro da península.
E para o 29 de xuño está prevista a xeoruta da Marosa, en Burela, de 10 a...
leer más
A parroquia de San Adriano, no concello de Lourenzá, celebrará a súa romaría este domingo, 16 de año.
As actividades empezarán ás 09:00 horas con misa, ás 10:00 horas haberá rogación e actuarán os Gaiteiros de Tovar. Ás 13:30 horas celebrarase outra misa e a continuación terá lugar a sesión vermú amenizada polo grupo M3, que actuará xunto ao dúo Belinda na verbena, que empezará despois da misa das 19:30 horas.
A concelleira de Turismo, Marta Saiz, explica que “nun afán de remarcar o contido cultural do evento, as antevésperas e vésperas aumentan o seu protagonismo. Desta maneira, contaremos con múltiples e diversas actividades que se repartirán durante o mes de xuño e comezos de xullo: visitas guiadas, obradoiros de repostería indiana para hostalería e familias, monicreques, teatro, etc... e algunha sorpresas máis que iremos revelando”.
A edil ribadense contou que “a primeira destas actividades terá lugar o este sábado, 15 de xuño, ás 12 horas. Trátase dun paseo guiado teatralizado a cargo de Suso Martínez, guía-actor mariñán de enorme prestixio, habitual en anteriores edicións cunha gran acollida de público. Este paseo discorrerá dende o parque de San Francisco ata o xardín dos indianos descubrindo as arquitecturas e o legado indeleble de...
leer más
A parroquia de Aldurfe, no concello de Riotorto, celebrará as súas festas na honra de San Pedro os días 15, 16 e 29 de maio.
As actividades empezarán este sábado 15 ás 13:00 horas con misa e despois procesión e sesión vermú, coa música do dúo La Hora Bruja, que tamén amenizará a verbena dese día xunto á orquestra Ritmo Joven.
O domingo 16 haberá misa ás 14:00 horas e despois procesión acompañada coa música de gaitas galegas e sesión vermú co grupo Fénix.
E para o 29 de xuño, sábado, está programada misa ás 14:00 horas e despois procesión e sesión vermú amenizada por Javi Show. A continuación haberá unha comida veciñal e despois sesión de tarde coa música de Javi Show.
O campo da festa estará cuberto con carpa.
O Vicedo celebrará as súas festas na honra a Nosa Señora do Carme desde este sábado, día 15, ata o luns 17 de xuño.
As actividades empezarán o sábado ás doce do mediodía con misa solemne na igrexa parroquial e a continuación procesión coa imaxe da Virxe do Carme ata o campo da festa, acompañada pola Banda Naval de Viveiro. A partir das 14:00 horas haberá sesión vermú amenizada pola orquestra Miramar, que tamén actuará na verbena xunto ao dúo Venus, desde as 22:00 horas.
O domingo ás doce do mediodía celebrarase misa solemne no campo da festa e a continuación procesión marítima con ofrenda floral polos náufragos e mariñeiros defuntos. Ás 14:00 horas comezará a sesión vermú a cargo do dúo D´Vicio, que tamén actuará na verbena xunto á orquestra Los Player´s, a partir das 21:30 horas.
E o...
leer más
A parroquia de Sante, no concello de Trabada, celebrará as súas festas de Corpus Christi esta fin de semana, o sábado 15 e o domingo 16 de xuño.
As actividades empezarán o sábado ás 21:30 horas cunha comida veciñal e a partir das 22:30 horas haberá verbena amenizada polo grupo Platinum e a discoteca móbil The Sound Project.
E o domingo 16 celebrarase misa solemne ás 13:15 horas e despois haberá procesión e sesión vermú, na que actuará o dúo La Hora Bruja.
O día 23 de xuño, domingo, San Ciprián será o escenario dunha gran festa de San Xoán da man de A Rebolaxe, coa colaboración do Concello de Cervo.
O evento, que terá lugar no aparcadoiro do estanco na Praia do Torno, foi presentado pola alcaldesa, Dolores García Caramés, o edil de Zona Rural, Adrián Arias, e unha representación do grupo A Rebolaxe, no auditorio da Casa da Cultura, onde realizan os seus ensaios.
A cita arrincará ás 13:00 horas cunha sesión vermú a cargo de Mi Rollo es el Rock, durante a que se servirán hamburguesas á grella.
A partir das 18:00 horas haberá xogos populares e desde as 19:30 horas ofrecerán bocadillos de touciño, chourizo e salchicha acompañados polo son das gaitas.
Ás doce da noite acenderase o tradicional lume de San Xoán.
... leer más