Música
A asociación Gaita Escola de Mondoñedo organiza este sábado 14 de setembro a XII Xuntanza de Cantos de Taberna. O encontro terá lugar ás 20:00 horas onde 13 grupos de diferentes puntos de Galicia cantarán e tocarán polos bares e tabernas. O evento está máis que consolidado e a organización conta con xuntar ao redor 160 participantes entre músicos e cantareiros/as.
Nesta edición propoñen iniciar a xornada cun obradoiro de iniciación ao baile tradicional que se impartirá ás 17:30 horas na Praza do Concello. É unha actividade aberta a todos os públicos e de balde onde se poñerán en práctica os principais puntos de muiñeira e xota.
Pero aínda hai máis, Gaita Escola convida a seguir a festa cunha foliada aberta na Praza do Concello a partir das 23:30 horas onde todo o mundo ten cabida para tocar, bailar e gozar coa...
leer más
A décimo sexta edición da Foliada da Mariña celebrarase na Praza do Concello de Xove este sábado, día 14 de setembro, ás 20:00 horas. Haberá música en directo, foliada libre e sorteos. Pero xa ao mediodía, a partir das 12:00 horas, terán cantos de taberna nos bares de Xove.
Está organizada pola Asociación Cultural Saíñas, que anima a asistir para “celebrar a música, a danza e a cultura galega. Non perdas este evento cheo de tradición e diversión”.
A Concellería da Cultura do Valadouro informa da estrea da Banda de Música Mestre López do Valadouro. Será na mañá do día grande das Festas do Oito, o luns día 9 de setembro.
Esta nova formación musical acompañará a solemne procesión do Día da Patroa e interpretará varias pezas a continuación na Praza de Santa María, de Ferreira.
O vindeiro 14 de setembro ás 20:00 horas Mondoñedo acollerá a Xuntanza de Cantos de Taberna.
Esta celebración, que xa vai pola súa décimo segunda edición, reunirá a agrupacións nun percorrido polas tabernas e bares da cidade, enchendo as rúas de música.
Aqueles interesados en participar poden inscribirse chamando ao número 605 582 624
O evento está organizado pola asociación Gaita Escola, que conta coa colaboración do Concello de Mondoñedo, a Vicepresidencia da Deputación de Lugo e a asociación O Pasatempo.
A Escola Municipal de Música de Xove ten aberto o prazo de matrícula para o presente curso ata o vindeiro día 30 de setembro. Poden inscribirse a partir de maiores de catro anos ou que cumpran esa idade no 2024.
O impreso de solicitude poderase recoller no Rexistro do Concello ou descargalo da web www.xove.es e entregalo cuberto no mesmo Rexistro ou ben mediante a sede electrónica do Concello de Xove como instancia xeral e adxuntando a ficha de solicitude cuberta. O número de prazas é limitado.
O día 3 de outubro farase público o listado definitivo de admitidos na Escola Municipal de Música de Xove para o curso 2024-25. As persoas interesadas poden obter máis información en xulianogueira@gmail.com
A Coral Polifónica de Ribadeo, coa colaboración do Coro Sagrado Corazón, ofrece un concerto solidario a beneficio da Asociación Española Contra o Cancro. Será este mércores, día 4 de setembro, ás 20:30 horas no Teatro ribadense.
O prezo da entrada solidaria é de 5 euros e a taquilla estará aberta o mesmo día do concerto de 12:00 a 13:30 horas e desde as 19:00 horas.
A Coral Polifónica de Ribadeo, que con esta actuación conmemora o centenario do falecemento do poeta ribadense El Viejo Pancho, explica: “un ano máis queremos poñer o noso gran de area na loita contra o cancro cun concerto solidario, neste caso coa colaboración do Coro Sagrado Corazón. Desexamos vervos a todos e todas acompañándonos por unha boa causa!”.
O auditorio da Casa de Cultura de Burela acollerá un concerto de habaneras o día 14 de setembro, sábado, ás 20:00 horas. Está organizado pola Coral Polifónica de Burela, que actuará xunto á Rondalla de Cariño e a coral polifónica dese mesmo concello coruñés.
A Coral Polifónica de Burela anuncia que “chegarán dende Cariño (A Coruña) a Coral Polifónica e a Rondalla, que nos deleitarán co seu repertorio nesta xornada de concerto dedicada ao xénero musical das habaneras. Será unha xornada fermosa que nos gustaría compartir con todos vós, polo que convidámosvos ao concerto, e, para facelo máis interesante, ao final do mesmo sortearemos unha cesta de produtos cortesía dos comercios locais”.
A agrupación folclórica Cantigas e Agarimos, de Santiago de Compostela, actuará na Praza de Santa María, de Ferreira do Valadouro, este domingo, día 1 de setembro, ás 20:00 horas.
O Concello do Valadouro anuncia: “durante moitos anos Cantigas e Agarimos recolle pezas de canto e baile tradicional por toda Galicia que, nesta edición grazas ó programa da Xunta de Galicia denominado Danza 3, poderemos disfrutar en directo na Praza de Santa María”.
Este xoves, día 22 de agosto, ás 21 horas na terraza da Casa da Cultura do Vicedo haberá o concerto "As Mulleres Creadoras", no que Silvia Penide e Carla López interpretarán música de artistas como Amaral, Ses, Guadi Galego, Patti Smith, etcétera. Esta actividade forma parte das actividades de animación á lectura de Ler Conta Moito.
O Concello do Vicedo tamén anuncia que “para rematar a semana sociocultural o venres ás 21 horas na Casa da Cultura terá lugar a entrega de premios e coloquio cos participantes no Concurso de Fotografía Turística O Vicedo; un pequeno acto onde se entregarán os premios e falaremos entre todos das fotografías presentadas”.
La Coral Polifónica A Magdalena, de Ferrol, y el coro Capella Sine Vinculis, de Países Bajos, ofrecerán sendos conciertos en la Catedral de Mondoñedo los días 14 y 15 de agosto, miércoles y jueves, respectivamente.
La Diócesis Mondoñedo-Ferrol, anuncia que “el próximo 14 de agosto a partir de las 19:00 horas tendrán lugar las vísperas y eucaristía con motivo de la fiesta de la Asunción de Nuestra Señora. Durante las mismas intervendrá la Coral Polifónica A Magdalena, de Ferrol, y concluirá con un pequeño concierto, bajo la dirección de Patricia Rodríguez, en el que intervendrá el barítono Samuel González y el organista titular catedralicio, Carlos Fernández Bollo. Y el día 15 de agosto a las 12:00 horas tendrá lugar la eucaristía solemne de la fiesta de la Asunción de Nuestra Señora, patrona de la catedral, presidida por el obispo Fernando...
leer más