Música
A asociación Amadores da Música está preparando a celebración do 25º aniversario da banda municipal de Ribadeo, que se cumpre este ano. As actividades que xa están programadas son unha exposición sobre a historia da formación e un concerto especial, actuación na que pretenden que participen boa parte dos músicos que pasaron pola formación.
Na mostra exporanse fotos, programas e carteis de concertos, instrumentos, traxes dos músicos, artigos de prensa e outros obxectos relacionados coa Banda ribadense durante estes 25 anos. Estará aberta ao público na planta baixa do edificio da Casa do Mar do 18 ao 25 de agosto.
E o concerto conmemorativo do 25º aniversario está programado para o día 19 de agosto e a directiva de Amadores da Música anima aos ex compoñentes da Banda a que se unan aos membros actuais para facer unha...
leer más
A programación cultural do Concello de Foz para este mes empeza mañá, venres, día 2, no Cenima coa inauguración da exposición titulada Misturas, que inclúe fotografías de Xulio Montero e cerámica de Xela Area Pesquera. Estará aberta ao público ata o 30 deste mes.
Este sábado, día 3, comezará a quinta edición do Festival de Voces Xóvenes coa actuación do coro Más que Jazz, do Conservatorio de Música de Gijón, formación que dirixe Adriana Cristina García. Será ás seis e media da tarde na Sala Bahía.
O vindeiro xoves, día 8, ás 20:30 horas haberá cine na Casa da Cultura. Proxectarase a película María (y los demás). O venres 9 terá lugar na Sala Bahía ás 21 horas o segundo concerto do Festival de Voces Xóvenes, no que actuarán o coro do IES de Ortigueira, que dirixe José Antonio Mato, e o Coro da Mariña, dirixido por...
leer más
O concerto "No bico un cantar. Nenas e nenos cantan aos poetas mindonienses", terá lugar este venres, 2 de xuño, ás 17:30 horas na Praza da Catedral, en Mondoñedo.
Organizado polo Consello da Cultura Galega e a Consellaría de Cultura, Educación e Ordenación Universitaria da Xunta de Galicia en colaboración co Concello de Mondoñedo, esta será a quinta edición dunha actividade que ten como obxectivo trasladar a paixón pola música culta e a poesía galega a escolares de toda Galicia.
Dirixidos por Maximino Zumalave e co acompañamento musical do grupo de metais Hércules Brass, no concerto participarán nenas e nenos dos CMUS Profesionais da Coruña, Ferrol, Lugo, Ourense, Pontevedra, Santiago de Compostela, Vigo e Viveiro, o Coro Ángeles de Compostela da Escolanía da Catedral de Santiago de Compostela, o Coro de nenos...
leer más
A XII edición do Ribadeo de Tapeo conclúe esta fin de semana. Hoxe a partires das 20:00 horas haberá Cantos de Taberna nalgúns dos establecementos participantes. Mañá, sábado, terá lugar un festival infantil de música no Teatro ás 17:00 horas, e o domingo o grupo Os Minhotos ofrecerá unha sesión vermú na praza de abastos.
A concelleira de Turismo, Ana Martínez, declarou que “xa nos atopamos na recta final do Ribadeo de Tapeo e hoxe poderemos gozar dos esperados e dos exitosos Cantos de Taberna que arrancaron o ano pasado. A partires das oito da tarde poderemos gozar desta segunda edición dos Cantos de Taberna dentro do Ribadeo de Tapeo. Polos diferentes establecementos poderemos seguir os cantos populares de 50 persoas que son os participantes nesta segunda edición”.
A edil dixo que “non soamente imos hoxe...
leer más
O colectivo viveirés Pensamento e Sementeira programa un concerto didáctico co grupo vocal Son de Nós. Esta actividade desenvolverase no salón de actos do Conservatorio Profesional de Música de Viveiro o 27 de maio e dará comezo ás 20 horas. A entrada a este concerto será libre até completar o aforo do local.
Segundo Son de Nós o concerto que leva por título Identidade (Lingua e Música) “quere facer a súa propia homenaxe a aquel pequeno grupo de intelectuais que respondendo ao chamamento do viveirés Antón Villar Ponte (1881-1936) e concienciados da alarmante situación de desprestixio da lingua galega en prol do castelán, fundaron na Coruña, no mes dos maios do ano 1916, a primeira Irmandade da Fala”.
“En Identidade -dín os de Son de Nós— cantamos a Rosalía, a Curros, a Xoán Manuel Casado, a Manuel María e a...
leer más
A Delegación de Cultura do Concello de Burela organiza un concerto de arpa celta con motivo do Día das Letras Galegas. A actuación correrá a cargo do grupo Lulavai e terá lugar no auditorio, o venres 19 de maio ás 21:00 horas.
As entradas para acudir a este concerto están á venta na Biblioteca Municipal ao prezo de 3 euros en anticipada e 5 euros en taquilla o mesmo día da actuación.
Lulavai é un grupo composto por catro mulleres, Lorena, Paula, Josefa e Elena, quen coas súas arpas e as súas voces teñen un estilo propio. Neste concerto presentan o seu segundo traballo discográfico titulado Lémbrame un soño composto por temas orixinais sen perder o referente da música tradicional e incluso clásica e jazz.
Estas intérpretes coñécense no ano 2005 cando formaban parte do grupo Sondeseu, baixo...
leer más
O Concello barreirense celebrará o Día das Letras Galegas cun concerto, que se celebrará mañá, 17 de maio, no centro sociocultural Manuel Díaz Sampedro.
Dará comezo ás 19:30 horas e contará coa actuación da Coral de Cangas, a Coral de Riotorto e a Coral de Barreiros.
A actividade está organizada pola Concellería de Cultura.
A Banda Municipal de Música de Ribadeo ofrecerá o seu tradicional concerto das Letras Galegas o día 27 de maio, sábado, ás 20:30 horas no Cine Teatro. O director da formación, David Ballester, salienta que este ano, coincidindo co 25 aniversario da creación da banda, homenaxearán ao seu primeiro director, Hernán Naval.
David Ballester anunciou que “o 27 de maio terá lugar o tradicional concerto das Letras Galegas da Banda Municipal de Música de Ribadeo. Este ano coincide varios días máis tarde do 17 de maio debido a que a algúns dos músicos témolos agora de excursión de final de curso e outros están ocupados cos exames finais. Entón para poder ofrecer un mellor concerto decidimos aprazalo estes dez días”.
O director da Banda Municipal de Música de Ribadeo explicou tamén que “o programa, como todos os anos neste...
leer más
O Concello de Cervo, a través da delegación de Cultura, celebrará o Día das Letras Galegas, o 17 de maio, cun gran concerto a cargo de Guadi Galego, ex vocalista do grupo Berrogüeto e hoxe xa en solitario, un dos referentes do panorama musical galego.
A cita será ese día, mércores 17 de maio, ás 20:00 horas, no Auditorio da Casa da Cultura, e a entrada será, como é habitual na programación cultural do Concello, de balde.
A edil de Cultura, Dolores García Caramés, presentou esta tarde o evento, en compañía dos membros do Grupo Municipal de Teatro Infantil PimPim, que exercerán de “teloneiros” da artista, realizando unha homenaxe ao protagonista deste ano das Letras Galegas, Carlos Casares, sobre o que, tal e como apuntou Caramés “estamos a traballar intensamente estes días, con moitísimas ganas e ilusión por parte dos máis pequenos,...
leer más
A biblioteca pública municipal de Lourenzá organiza un espectáculo de maxia e música destinado ao público infantil para festexar o Día das Letras Galegas. Será o vindeiro martes, día 16, ás doce do mediodía no salón de actos do Concello.
Esta actividade, a cargo de Álvaro Muras, leva por título Carlos Casares con maxia e música, e está incluída no programa Ler conta moito, da Xunta de Galicia.