Cervo
O Concello de Cervo anuncia que este venres, día 2 de agosto, será inaugurada a exposición de pintura titulada Espazos Habitados, de Blanca Dacal. O acto está previsto para as 19:00 horas na sala de mostras da Casa da Cultura, en San Ciprián.
Espazos Habitados é o título elixido para a exposición que “é unha viaxe de 25 anos a través da cor polos lugares non que viviu, sentiu e desenvolveu a autora a súa obra pictórica, A Alcarria, Madrid, Cádiz, Bos Aires, A Coruña, Xixón e San Ciprián. Son cadros que, resistindo a 15 mudanzas e reubicacións, mantivéronse decorando e creando espazos. Estas pinturas son testemuñas, compañeiras, reflexos de miradas, paseos, sonos, achados, partícipes de familia, amigas, amigos, vínculos, chanzos e moitas veces só presenza de espazos”.
O programa da TVG Aquí Galicia achégase a Cervo o día 1 de agosto, xoves, ás 16:30 horas na Praza do Souto, para facer un vídeo musical, que se emitirá nun programa especial pola Maruxaina.
O Concello de Cervo anuncia: “con nós estará a recanteira Miriam Cea para interpretar Ajárrate, de Mercedes Peón. Queremos crear un gran pasarrúas ao son desta canción. A convocatoria é para toda a veciñanza de Cervo, que se acheguen representando ás asociacións, clubs deportivos, agrupacións e demais veciños/as de tódalas idades”.
O Concello de Cervo anuncia que a piscina de Río Cobo “será o escenario dunha divertida actividade acuática con motivo da Festa da Maruxaina:
Experiencia Sereas e Tritóns”. Esta actividade será o xoves 8 de agosto e está destinada a crianzas de 6 a 13 anos.
Está organizada pola Federación Española de Actividades Subacuáticas, coa colaboración do Concello de Cervo.
As persoas interesadas en máis información sobre esta actividade poden contactar coa organización a través do teléfono 629.08.35.48.
O Festival Folklórico Internacional de San Ciprián, organizado polo grupo folklórico Mistura e o Concello de Cervo, celebrarase o día 2 de agosto, venres, a partir das 20:00 horas.
O grupo Mistura anima a “vivir una experiencia cultural única e inolvidable con grupos de 3 continentes: Grupo Folklórico Naz, de Kazajistán; Compañía Nacional de México; Grupo Coros y Danzas San Antón de la Peña, de La Zaranda (Murcia) y Grupo Folklórico Mistura, de San Ciprián”.
Durante o festival haberá venda de bolos preñados e empanadas e ao final sortearanse 500 euros.
Cervo será o escenario da XVII Festa do Ovo Frito o mércores 14 de agosto. A cita está organizada polos colectivos Airiños do Xunco e Cabaleiros da Bidueira, coa colaboración do Concello, e foi presentada pola alcaldesa, Dolores García Caramés, a concelleira Mali Méndez, o edil Alfredo Fernández e unha representación destas dúas asociacións que se encargan desta tradicional cita do verán cervense, que “cada ano reúne a milleiros de persoas que se achegan ata as inmediacións da Praza do Souto para degustar este manxar”.
Desde a organización precisan que se comezarán a servir as racións de ovos, patacas, chourizo, pan e bebida a partir das 20:00 horas, a un prezo de 7 euros.
A cita estará amenizada pola Charanga Europa e pola Disco Móbil Conxuro e teñen previstos 8.000 ovos e 4.000 chourizos, que se prepararán en...
leer más
O Concello de Cervo abriu a piscina de Río Cobo este luns, 22 de xullo, e a instalación permanecerá aberta de luns a domingo, en horario de 15:00 a 21:00 horas, ata o día 31 de agosto.
Coa apertura da piscina de Río Cobo, o Concello de Cervo “incrementa a súa oferta de ocio nesta tempada estival con múltiples alternativas para desfrutar de Cervo e de todo canto pode ofrecer á veciñanza e ás persoas que nos visiten”.
A parroquia de Sargadelos, no concello de Cervo, celebrará as festas na honra a Santiago Apóstol os días 24 e o 25 de xullo, mércores e xoves.
A festa arrincará o mércores cunha espetada moura ás 20:00 horas, amenizada polo grupo Cordenaia, seguida dunha verbena co Dúo D'Caché e a Disco Móbil Conxuro.
O día grande, o xoves, ás 13:00 horas, terá lugar a misa solemne seguida de procesión acompañada polo grupo Fol do Raxal. A continuación haberá sesión vermú e baile de tarde da man do cuarteto de gaitas de Bágoas da Terra e de Disco Móbil Conxuro.
A festa está organizada pola Asociación Amigos da Troula e do Concello de Cervo, que anima “a desfrutar dos festexos nunha contorna excepcional como é o Conxunto Histórico Artístico de Sargadelos”.
A Sala das Carboeiras, en Sargadelos (Cervo), está a acoller a mostra titulada “Da cor ao xesto, pinturas e tintas Costafreda”, que se pode visitar ata o 15 de agosto. E como actividade complementaria, ademais dun taller intensivo de pintura, que terá lugar o 26 de xullo e o 2 de agosto, tamén propón a proxección dunha curta, titulada “Dalí Deliriums”, que está protagonizada por José Lifante (Dalí) e Esperanza Lemos (Gala); escrita e dirixida por David Giraldo; e producida por FILMOREC. Será o mércores 24 de xullo ás 20:00 horas e o xoves 25 de xullo ás 12:00 horas na Sala das Carboeiras en Sargadelos.
A sinopse é: “Dalí, xa ancián, pinta no seu taller, frustrado por non poder crear un novo cadro á altura da súa obra e atormentado polos seus propios delirios e alucinacións. Gala acude na súa axuda.”
O Encoro de Río Cobo acollerá o domingo, 28 de xullo, a terceira regata da Copa Deputación de Piragüismo, organizada polo Club Deportivo San Ciprián, coa colaboración do Concello de Cervo.
A rexedora, Dolores García Caramés, e o concelleiro, Alfredo Fernández, xunto ao presidente do CD San Ciprián, Eduardo Rubal, o responsable da sección de piragüismo, Iván González, e o adestrador, Joel González, presentaron a proba, no propio escenario onde se desenvolverá esta competición que arrincará ás 10:00 horas.
Na proba daranse cita, en representación da Mariña, e ademais da entidade anfitrioa, o Club de Piragüismo Altruán de Ribadeo, o Kayak de Foz e o club de piragüismo Urban Hotel Viveiro; ademais do Club de Piragüismo Cidade de Lugo e o Club Fluvial de Lugo.
A alcaldesa desexoulle moita...
leer más
O Concello de Cervo anuncia a nova mostra de Naufraxios da Costa da Morte que percorre o Paseo do Torno, en San Ciprián. Esta exposición, promovida por Suministros Lar, está composta por nove pezas decoradas por ambas caras e estará instalada durante todo un ano para desfrute de veciños e visitantes.
A mostra pertence á novena edición do "Concurso de Murales de Azulejo Lar", no que participan estudantes de secundaria e persoas usuarias das asociacións Apem e Aspabe, que “desde o ano 2006 que se puxo en marcha tivo moita aceptación, explorando cada ano diferentes...
leer más