Cervo
O Concello de Cervo celebrará o sábado 22 de febreiro a Festa do Mexillón, que vai pola XXXI edición. Ao longo da xornada os dez locais participantes ofrecerán unha ampla degustación de tapas que terán o mexillón como protagonista.
Participarán os establecementos O Noso Lar, A Bodega de Ana, O Faro, A Penúltima, Bar Maruxaina, O Trasgo, Habana, bar El Puerto, A´Brasame Poliño e O Encontro.
A cita foi presentada pola rexedora municipal de Cervo, Dolores García Caramés, e por unha representación dos locais participantes. A alcaldesa puxo de manifesto que esta festa “é sempre un gran reclamo para atraer visitantes, e para animar a vila, a través dun produto que simboliza tamén a nosa conexión co mar”.
A rexedora convidou a veciños e visitantes a participar nesta festa que “é unha mostra do...
leer más
A Casa da Cultura de San Cibrao, no concello de Cervo, acollerá a charla titulada Tecedoras de memoria. Desenterrando historias nas fosas franquistas de Galicia. Será o día 14 de febreiro, venres, ás 19:30 horas, e intervirán as doutoras en Historia Uxía Otero González e Conchi López Sánchez.
Esta actividade está organizada polo Foro Social da Mariña.
O Concello de Cervo convoca o XI Certame de Amor na Rede. O tema xenérico é a Fórmula do Amor. Establécense tres formatos diferentes: carta, foto e vídeo. Haberá dúas categorías diferentes, maiores e menores de 18 anos, con premios para cada un dos formatos; tamén se valorará o traballo máis orixinal. O prazo de presentación dos traballos remata o xoves 13 de febreiro e poden entregarse a través do correo prensa@concellodecervo.com ou do whatsapp 683.31.59.39.
Todos aqueles/as interesados/as poderán presentar o seu traballo en tres formatos diferentes: unha carta que non supere o espazo dun DIN A4, un vídeo que non supere a duración de un minuto, ou unha foto. Os orixinais serán publicados o venres 14 de febreiro no Facebook do Concello de Cervo. Aqueles que teñan máis “gústame” nese día, ata...
leer más
O Concello de Cervo organiza unha charla sobre a xestión emocional da enfermidade o día 11 de febreiro, martes. Será ás 18:30 horas no local social da Asociación de Xubilados Terramar, na Casa do Mar de San Ciprián.
O Concello de Cervo anuncia: “o próximo martes, día 11 de febreiro, temos programado un novo faladoiro de Charlando, dentro do programa Arruguiñas, aberto á poboación en xeral, no que se abordarán temas moi interesantes como a xestión emocional da enfermidade. Será impartido pola coach de Saúde Emocional e Facilitadora en procesos de duelo e perda, Susana Vázquez Fernández.
Este xoves, día 6 de febreiro, continúa o Sanci Tapeando, ruta de tapas que promove a hostalería de San Cibrao, coa colaboración do Concello de Cervo e que incorpora para os próximos meses novos locais. Así na cita gastronómica participarán ata o xoves 19 de xuño Cervecería A Penúltima, Cervecería Las Titas, Bar O Faro, Terraza O Noso Lar, A Bodega de Ana e Bar Maruxaina.
Cada semana os establecementos participantes nesta iniciativa, que botou a andar xa polo ano 2018, ofrecerán unha tapa diferente e elaborada a un prezo de 2,5 euros. Os clientes dos xoves terán a posibilidade de participar nun sorteo de dous vales, de 200 e de 100 euros, para consumir nos locais participantes.
O Concello de Cervo anuncia que este sábado, día 8 de febreiro, hai novo Guateque de Arruguiñas. Será no Local Social da Senra ás 20:00 horas e actuará a cantante Verónica Cambón.
Esta actividade está organizada polo Concello de Cervo coa colaboración da Asociación Cultural e Recreativa O Raxal.
O Concello de Cervo anima a veciños e visitantes a participar na proposta culinaria da hostalería de Cervo e Sargadelos que volve esta semana baixo o título Ruta Venres de Petiscos, coa participación do Caseto de Copa, a Pousada O Almacén, a Taberna de Sargadelos e o café-bar cultura A Sacabeira.
A nova edición foi presentada pola rexedora, Dolores García Caramés, a concelleira, Mali Méndez, e polos representantes dos establecementos participantes.
As tapas serviranse a un prezo de 2,50 euros e haberá un sorteo mensual dunha cea en cada local, entre as papeletas seladas cada semana nos catro establecementos.
Para este primeiro venres as propostas son as seguintes:
* Caseto de Copa, Spaguitti “frutti di mare”
* Pousada O Almacén, Hutspot
* A Taberna de...
O martes 4 de febreiro é o Día Mundial Contra o Cancro e o Concello de Cervo, en colaboración coa asociación de Xubilados Terramar, convida a toda a veciñanza a participar ese día nunha charla sobre vida saudable e alimentación baixo o título A alimentación como factor protector fronte ao cancro, que impartirá a nutricionista Cristina Rodil.
Será ás 16:30 horas no local social de Terramar, na Casa do Mar, en San Ciprián. A continuación as persoas asistentes poderán desfrutar dunha degustación saudable.
Esta actividade foi presentada pola alcaldesa de Cervo, Dolores García Caramés; a concelleira, Mali Méndez; e o presidente de Terramar, José Luis Sariego, no local da asociación.
Este sábado, día 25 de xaneiro, o Concello de Cervo celebrará un novo Guateque de Arruguiñas. Será ás 21:00 horas no local social de Lieiro, coa colaboración da asociación de veciños Nosa Señora de Lieiro, e contará coa actuación do dúo Dilema.
O Concello de Cervo anuncia que esta actividade é gratuíta está aberta a todo o público.
O Concello de Cervo programa unha nova edición do campionato de tute e parchís con motivo do Día Internacional da Muller. As interesadas en participar poden anotarse desde este mércores e ata o día 31 de xaneiro, na Casa da Cultura de San Ciprián ou no teléfono 982.59.51.57.
As partidas xogaranse na cafetería da Casa do Mar e a entrega de premios será na cea con motivo do Día da Muller.