Cervo
O Concello de Cervo anuncia que “quenta motores para celebrar o Entroido cun programa diverso, participativo e pensado para todos os públicos, que terá como grandes protagonistas os tres desfiles que se celebrarán en Cervo, San Ciprián e San Román de Vilaestrofe. Tres escenarios, e un mesmo espírito festivo para converter o Entroido nun dos momentos máis agardados do calendario local”.
A alcaldesa de Cervo, Dolores García Caramés, destacou durante a presentación que “o Entroido é unha das festas máis queridas pola veciñanza, unha cita que mestura tradición, creatividade e convivencia, e que cada ano demostra a enorme implicación do tecido asociativo do noso concello”.
A rexedora agradeceu especialmente “o traballo imprescindible das asociacións culturais e veciñais, en concreto de Airiños do Xunco e As...
leer más
O municipio de Cervo acollerá este domingo 25 de xaneiro o Campionato de Aninovo de Nihon Tai-jitsu.
O evento foi presentado pola alcaldesa, Dolores García Caramés; polo concelleiro Adrián Arias; e polo presidente da Escola de Artes Marciais de Cervo e director do departamento de Tai-jitsu da Federación Galega de Kárate, Miguel Ángel Rojo.
O Concello de Cervo anuncia: “estímase que medio cento de competidores de toda Galicia acudirán ao Pavillón do CEIP Península da Paz para disputar a competición, desde a categoría alevín ata a sénior na madoralidade de kata individual e expresión técnica por parellas”.
Desde o Concello de Cervo convidan aos veciños e visitantes “a desfrutar desta actividade que abre o calendario de competicións das artes marciais este 2026 e que busca promover a importancia da actividade física e a competición deportiva”.
O Concello de Cervo anuncia que a actividade prevista para pechar a programación deste Nadal terá lugar na Praza dos Campos, de San Ciprián, este mércores, 7 de xaneiro: “alfombras de baile, para pasar un anaco ben divertido!”.
Será de 11:00 a 14:00 e de 16: 00 a 19:00 horas.
O luns 5 de xaneiro haberá cabalgatas dos Reis Magos en San Ciprián e Cervo.
O Concello de Cervo anuncia que ás 18:00 horas comezará o percorrido por San Ciprián e haberá recepción na carpa da Praza dos Campos, coa actuación do Grupo Folclórico Mistura de Lieiro. Ademais repartiranse chocolate con biscoito e bocadillos de salchicha na Praza dos Campos da man da comisión de Festas da Santa Isabel de Lieiro. Esta cabalgata de Reis conta coa colaboración da Asociación Mulleres de San Ciprián e a ANPA Península da Paz.
E ás 19:30 horas comezarán o percorrido por Cervo e haberá recepción na Praza do Souto. Os Reis Magos e tamén as crianzas lerán as cartas cos seus desexos e actuará o grupo Milicrocas, as pequeñas cantareiras de Airiños Xunco, asociación que organiza esta cabalgata.
O grupo musical Los Alcántara actuará este domingo, día 4 de xaneiro, en Cervo. Será ás 20:30 horas na Praza do Souto.
“Los Alcántara chegan a Cervo cun concerto para todos os públicos, cheo de ritmo e bo ambiente. Unha cita perfecta para gozar en familia e con amizades”, anuncia o Concello de Cervo.
É unha actividade incluída no programa de Nadal do Concello de Cervo, coa colaboración da Asociación Cultural Airiños do Xunco.
O Bruxo Cabacín ofrecerá un espectáculo de maxia infantil en Cervo este domingo, día 4 de xaneiro. Será ás 18:30 horas na Praza do Souto.
O Concello de Cervo anuncia que “a tarde do domingo é para os máis pequenos … e para quen queira volver ser neno. O Bruxo Cabacín presenta un espectáculo cheo de maxia, humor e sorpresas, pensado especialmente para o público infantil. Diversión asegurada!”.
É unha actividade do programa de Nadal do Concello de Cervo, coa colaboración da Asociación Cultural Airiños do Xunco.
O grupo La Guagua ofrece o espectáculo infantil titulado Canta Baila este sábado, día 3 de xaneiro, no municipio de Cervo, concretamente na Praza dos Campos (San Ciprián). Será desde as 19:30 horas.
“Que ben o imos pasar este sábado cantando e bailando coa La Guagua. Un espectáculo para toda a familia para este Nadal”, anuncia o Concello de Cervo.
O Concello de Cervo anuncia que comezan os Brincos de Nadal este sábado, día 27 de decembro, actividades para as crianzas que haberá tamén os días 2 e 3 de xaneiro, venres e sábado.
“Este sábado a diversión chega por partida dobre para as crianzas cos nosos Brincos de Nadal. Ás 12.00 horas nas Escolas Vellas de Cervo, en colaboración coa asociación Airiños do Xunco; e ás 17.00 horas na Casa da Cultura. Xogos, risas e moitos brincos para gozar do Nadal en Cervo”, explica o Concello.
O día 30 de decembro, martes, haberá Guateque de Arruguiñas na Residencia e Centro de Día de San Ciprián, no municipio de Cervo. Será desde as 17:30 horas e estará amenizado polo dúo Venús.
É unha actividade organizada polo Concello de Cervo en colaboración Centro de Día Residencia San Ciprián.
O Concello de Cervo organiza a tradicional festa acuática infantil de Nadal na piscina municipal olímpica de Lieiro este martes, día 23 de decembro, de 17:00 a 20:00 horas.
A entrada é de balde e todas as crianzas menores de 7 anos e as menores de 10 anos que non saiban nadar deben ir acompañadas por unha persoa adulta.