Cervo
O concello de Cervo será o escenario esta fin de semana, sábado 21 e domingo 22 de xuño, do Campionato Galego Alevín de Natación de verán, unha das citas máis destacadas do calendario autonómico para as categorías base, que reunirá a 246 nadadores e nadadoras de 25 clubs de toda Galicia.
A organización do evento vai da man da Federación Galega de Natación e do Club Natación Xove, co apoio dos concellos de Cervo e de Xove, e da Xunta de Galicia, “nun exemplo claro de colaboración institucional e deportiva na comarca”, destaca o Concello de Cervo, que engade: “ao longo de catro sesións competitivas, durante o sábado e o domingo, a nosa piscina municipal acollerá un evento que non só supón unha grande oportunidade para a mocidade do deporte galego, senón que tamén pon en valor unhas instalacións municipais de referencia, perfectamente...
leer más
Trasbar, no concello de Cervo, celebrará o San Xoán este sábado, día 21 de xuño.
As actividades, organizadas pola Asociación de Veciños do Burgo de Trasbar, comezarán ás 19:30 horas con xogos tradicionais. E a partir das 22:30 horas actuará DJ OVO.
Haberá panceta, chourizos e queimada.
O Concello de Cervo anima a veciñanza e visitantes a participar na tradicional Festa de San Xoán de A Rebolaxe, que se celebrará o luns 23 de xuño, no aparcamento do estanco da Praia do Torno, en San Ciprián, a partir das 19:30 horas.
“A festa dará comezo coa actuación dos gaiteiros de Saíñas, de Xove, que animarán a primeira parte da celebración. Tamén haberá bocadillos de panceta, chourizo e salchicha á venta para as persoas asistentes. A partir das 21:00 horas terá lugar o concerto de David y Leo e ás 23:00 horas prenderase a tradicional fogueira de San Xoán, un dos momentos máis esperados da noite”, anuncia o Concello de Cervo.
A alcaldesa, Dolores García Caramés, destaca “a importancia destas celebracións populares e o traballo e a implicación do grupo A Rebolaxe, que un ano máis organiza esta festa con moito...
leer más
O concello de Cervo acollerá este sábado, 21 de xuño, a XVI Festa de Exaltación da Carne do Porco na Praza do Souto e tamén nos diferentes locais de hostalería de Cervo e Sargadelos.
A rexedora, Dolores García Caramés, xunto con representantes da A.C. Airiños do Xunco, presentaron o evento na Praza do Souto, que organiza este colectivo coa colaboración do Concello de Cervo.
Ese día, desde o mediodía a hostalería de Cervo e Sargadelos servirá diferentes racións cuxo denominador común será a carne de cocho.
Os locais participantes son: O Caseto de Copa, O Almacén, A Taberna de Sargadelos e A Sacabeira.
Xa ás 20:00 horas dará comezo a festa de exaltación con racións de costela, chourizo, pan e viño, a un prezo de 7 euros, na Praza do Souto. Ademais sortearase un...
leer más
O Club Deportivo San Ciprián, coa colaboración do Concello de Cervo, organiza unhas xornadas gratuítas de iniciación e diversión co voleibol para rapaces e rapazas de 9 a 17 anos. Serán os días 16 e 19 de xuño no Pavillón da Veiga. Haberá dúas quendas: ás 18:00 ou ás 20:00 horas.
“Se che gusta o deporte ou queres probar algo novo, achégate e goza co volei nun ambiente divertido. Non precisas experiencia previa! Anímate e participa! Podes recibir máis información no teléfono 637.77.44.84”, anuncia o Concello de Cervo.
O concello de Cervo, en colaboración coa Federación Galega de Kárate, acollerá o II Campionato Galego de Kung Fu e o II Interautonómico desta mesma disciplina, este próximo sábado, 14 de xuño.
A tenente de alcaldesa Mali Méndez presentou o evento acompañada do director Nacional de Kung Fu da Real Federación Española de Kárate, Miguel Ángel Rojo, veciño do municipio.
Hai xa máis de 150 inscricións de toda Galicia, Asturias, Castela e León, Cantabria, País Vasco e Madrid.
A proba disputarase a partir das 10:00 horas no Pavillón do CEIP Península da Paz.
A competición depende do departamento de Kung Fu da Federación Galega de Kárate na modalidade de Taijiquan, e os participantes competirán nas modalidades de Taolu (formas ao aire) con armas e man baleira e Taishou...
leer más
O concello de Cervo acollerá un campamento dixital gratuíto desde o 30 de xuño ata o 11 de xullo.
“O Campamento Dixital chega ao noso Concello este verán. Unha iniciativa impulsada pola Fundación Cibervoluntarios, dentro do Programa de Competencias Dixitais para a Infancia, CODI,do Ministerio de Xuventude e Infancia, financiado pola Unión Europea-Next Generation EU. O seu obxectivo é formar a nenos, nenas e adolescentes en competencias dixitais garantindo así a súa inclusión dixital. Búscase así formar en competencias dixitais básicas a nenos e nenas de entre 9 a 11 anos. Terá lugar en San Ciprián do 30 de xuño ao 11 de xullo. Se estás interesado en anotarte nesta campamento que é de balde podes facelo ata este venres, 13 de xuño, na Casa da Cultura (teléfono 982.59.51.57)”, anuncia o Concello de Cervo.
O concello de Cervo converterase nun punto de encontro dos amantes dos cans de raza boxer coa celebración este domingo, día 15 de xuño, da XVIII Monográfica Rexional de Galicia de Boxer.
A cita foi presentada pola alcaldesa, Dolores García Caramés; o edil de Deportes, David Rodríguez; e polo delegado de Boxer Club España en Galicia, Iván García, acompañado por un dos seus cans de raza boxer no Conxunto Histórico Artístico de Sargadelos, que será o escenario do evento, que “a día de hoxe xa conta con máis de trinta exemplares inscritos”, anuncia o Concello de Cervo, que explica: “a exposición morfolóxica concentrarase na xornada do domingo a partir das 10:00 horas e reunirá a criadores, afeccionados e exemplares destacados de toda a rexión e do resto do estado, converténdose nun escaparate do mellor da cría desta emblemática raza”.
... leer más
O Concello de Cervo vén de abrir a convocatoria para un curso de monitor de tempo libre que se enmarca no programa Avívate en Cervo VIII, dirixido a rapaces e rapazas maiores de 18 anos. Comezará o 1 de xullo e desenvolverse ata o 13 de agosto e as prazas son limitadas. As persoas interesadas en participar xa poden inscribirse na Casa da Cultura ata o 23 de xuño.
O curso, que é de balde, tivo unha gran acollida en anteriores edicións, tal e como sinala a alcaldesa, Dolores García Caramés, polo que “apostamos por seguir ofrecéndolle á nosa mocidade esta ferramenta formativa que contribúe a dotalos da motivación e das habilidades precisas para o seu futuro, co obxectivo de contribuír a mellorar a súa empregabilidade e as súas oportunidades laborais no ámbito do lecer educativo nun mercado laboral cada vez máis competitivo”.
... leer más
O Concello de Cervo pon en marcha unha campaña intensiva en xuño baixo o lema “Coida Cervo” como motivo do Mes do Medio Ambiente, cun amplo programa de actividades centradas na sensibilización e na protección do entorno natural.
Entre as iniciativas destacan as xornadas de limpeza de praias e ríos en colaboración con diferentes asociacións e entidades do municipio. A primeira delas tivo lugar este xoves 5 de xuño, coincidindo co Día Mundial do Medio Ambiente, na Praia de Cubelas, coa participación da alcaldesa Dolores García Caramés, a edil de Medio Ambiente, Mali Méndez, e as asociacións Breoñáns, A Rebolaxe e Mistura, como entidades colaboradoras.
A próxima acción será o luns 9 de xuño ás 17:00 horas na Praia do Torno, coa colaboración das ANPAS do CEIP Península da Paz e do IES Marqués de Sargadelos.
... leer más