Cervo
O Concello de Cervo convida a toda a veciñanza e visitantes a gozar das festas na honra á Virxe do Carme que se celebrarán en San Ciprián entre os días 12 e 16 de xullo, cun programa de actividades culturais, relixiosas e musicais pensadas para todos os públicos.
O sábado 12 de xullo dará comezo a programación cunha mexillonada popular na Praza dos Campos, organizada pola Asociación Amigos da Maruxaina, a partir das 20:00 horas. O luns 14 a praza do Lugar acollerá a representación teatral A Tarabela Ambulante.
O martes 15 de xullo, día grande das festas, terá lugar unha sesión vermú coa orquestra Salsarena e pola noite celebrarase a tradicional misa solemne na Igrexa Parroquial de Lieiro, ás 21:00 horas, cantada pola Coral Terramar. A continuación terá lugar a baixada da Virxe do Carme en procesión ata o peirao,...
leer más
O sábado 12 de xullo celebrarase a II Carreira de Andadura na pista ecuestre construída na zona da Bidueira, no concello de Cervo.
A competición, que arrincará ás 10:30 horas pola mañá, e ás 16:00 horas pola tarde, foi presentada polo edil de Zona Rural, Adrián Arias; polo concelleiro Alfredo Fernández, e por unha representación da asociación Cabaleiros da Bidueira, que organiza esta cita cabalar coa colaboración do Concello de Cervo.
O prazo para anotarse remata o 9 de xullo e as persoas interesadas poden facelo a través dos teléfonos 657.256.408 ou 677.539.285.
O Concello de Cervo anima a todos os afeccionados do mundo ecuestre a participar desta experiencia que “encherá de vida Cervo, grazas ao traballo da asociación Cabaleiros da Bidueira, nunha carreira na que o público tamén será...
leer más
O Concello de Cervo anuncia que a parroquia de Santa Isabel de Lieiro “xa está preparada para vivir a fin de semana máis importante do ano, coa celebración das Festas na Honra de Santa Isabel, que se celebrarán esta fin de semana, desde este venres, 4 de xullo, ata o luns 7. A tradicional cita do verán cervense foi presentada pola rexedora, Dolores García Caramés: polo edil de Zona Rural, Adrián Arias; e por unha representación da Asociación Cultural Comisión de Festas de Lieiro, que se encarga da organización, coa colaboración do Concello”.
O programa arrincará este venres ás 23.00 horas, coa celebración da Festa da Xuventude, con Dj Alejandro Martínez e Conxuro discomóvil.
O sábado a xornada comezará ás 13:00 horas coa misa solemne na capela do Gioncho e ás 13.30 horas dará comezo a sesión vermú a cargo da...
leer más
O Concello de Cervo anuncia que acollerá os días 19 e 20 de xullo o Festival Folclórico e Infantil da man da asociación Mistura. Será así escenario dunha dobre cita co folclore tradicional galego e español este mes de xullo, coa celebración deste evento que encherá de arte a Praza dos Campos, de San Ciprián.
A programación comezará o sábado 19 de xullo ás 20:00 horas co Festival Folclórico, que “reunirá agrupacións de distintas partes de España para ofrecer un espectáculo de música e danza tradicional que promete encher de cor e ambiente a vila de San Ciprián”. Participarán: Asociación Cultural Coros y Danzas Virgen del Socorro, de Tíjola (Almería); Agrupación Folklórica Chemida (Las Palmas de Gran Canaria); e Grupo Folklórico Mistura de Lieiro, como anfitrión.
Ao día seguinte, o domingo 20 de xullo, ás 19:00...
leer más
O Concello de Cervo colabora coa organización dun curso de iniciación á forxa tradicional, que será impartido polo artesán Telmo Cao no seu obradoiro situado na antiga nave de fundición de Sargadelos entre os días 4 e 8 de agosto.
A actividade, que conta con prazas limitadas, está dirixida a todas aquelas persoas interesadas en achegarse a este oficio tradicional a través dunha formación teórico práctica nun espazo único, como é o Conxunto Histórico Artístico de Sargadelos.
O obradoiro no que se desenvolverá o curso ocupa un edificio histórico do século XVII, restaurado no ano 2017, que foi cedido ao artesán polo Concello de Cervo no 2020 co obxectivo de apoiar e dar continuidade a proxectos vinculados á recuperación e dinamización do patrimonio cultural e artesanal.
O curso está...
leer más
O Concello de Cervo pon en marcha unha nova edición do programa Enredando no verán, unha proposta educativa e lúdica que se desenvolverá ao longo dos meses de xullo e agosto, con actividades pensadas para as crianzas e a mocidade.
A iniciativa terá lugar en diferentes ubicacións, e inclúe clases, obradoiros e dinámicas que combinan aprendizaxe, emocións, expresión artística e benestar.
As actividades estarán repartidas por franxas de idade e ofreceranse de luns a venres, incluíndo: clases de debuxo e teatro os xoves pola mañá, para crianzas de entre 3 e 12 anos (comeza o 17 de xullo); talleres de emocións con Tila e Vilma, os martes (adaptados a distintos grupos de idade); sesións de lingua de signos, tamén con Tila e Vilma, os venres; clases de ioga, todos os martes e mércores, enfocadas ao benestar...
leer más
O concello de Cervo será escenario este verán de tres campus deportivos organizados pola Federación Galega de Natación (FEGAN), en colaboración co propio Concello. As actividades desenvolveranse na piscina municipal e estarán dirixidas a nenos e nenas federados interesados en mellorar as súas habilidades nas disciplinas de natación, natación artística e waterpolo. O calendario dos campus será o seguinte: de waterpolo, do 30 de xuño ao 5 de xullo; de natación, do 7 ao 12 de xullo; e de natación artística, do 14 ao 19 de xullo.
O campus de natación artística está destinado a rapaces e rapazas nados nos anos 2010, 2011, 2012 e 2013, mentres que os campus de natación e waterpolo están dirixidos aos nados entre 2011 e 2014.
Durante a presentación dos campus, na que estiveron presentes a rexedora municipal de Cervo,...
leer más
O Concello de Cervo anuncia que “continúa reforzando o seu compromiso co deporte base e a promoción das disciplinas acuáticas. Así a próxima fin de semana, os días 28 e 29 de xuño, a piscina municipal será o escenario dos Campionatos Galegos Infantil e Alevín Mixto de Waterpolo, organizados pola Federación Galega de Natación (FEGAN) en colaboración co propio Concello”.
Na presentación deste evento deportivo participaron a alcaldesa, Dolores García Caramés; o edil de Deportes, David Rodríguez; e o presidente da FEGAN, Juan Carlos Brión, que “coincidiron en destacar a importancia de traer a Cervo unha competición deste nivel, que reunirá aos mellores clubs das categoría e que supón un recoñecemento á calidade das instalacións e á aposta polo deporte acuático no municipio”.
Os clubs participantes no campionato alevín...
leer más
O lugar da Senra, no concello de Cervo, celebrará as súas festas na honra á Virxe do Carme e San Pedro este sábado, día 28 de xuño.
A cita foi presentada pola rexedora municipal, Dolores García Caramés; polo edil de Zona Rural, Adrián Arias; e por membros da Asociación Cultural e Recreativa O Raxal, como entidade organizadora.
A programación para o sábado 28 de xuño será a seguinte: haberá misa na honra de San Pedro e a Virxe do Carme ás 13:00 horas, cantada polo Coro Parroquial de Cervo, seguida de procesión con Fol do Raxal. A continuación o grupo Mar de Arousa amenizará a sesión vermú. Á noite haberá verbena co grupo Mar de Arousa e a Disco Móbil Conxuro a partir das 22:30 horas.
O Concello de Cervo anima a veciños e visitantes a participar activamente nesta festa, que “ademais marca o...
leer más
A Rede Museística Provincial de Lugo desenvolverá durante os meses de xullo e agosto unha variada axenda de obradoiros creativos e propostas didácticas. Baixo o epígrafe Cousas nosas, os catro museos da rede (Museo de Lugo, o Museo do Mar de San Cibrao, San Paio de Narla e o Pazo de Tor) acollerán actividades orientadas a propiciar a creación e a convivencia e a divulgar e transmitir a cultura e a historia do país a través das coleccións e fondos dos museos. Campamentos, obradoiros creativos, contacontos, ioga, cinema inmersivo ou xadrez son algunhas das propostas destacadas desta axenda pensada para nenas e nenos, rapaces e rapazas de diferentes idades pero tamén con opcións para a participación interxeneracional.
Na presentación das actividades, acompañada pola xerente da Rede Museística e persoal dos museos, a deputada de...
leer más