Cervo
A Asociación de Veciños do Burgo de Trasbar, no concello de Cervo, organiza un magosto que se celebrará este sábado, día 9 de novembro, a partir das 19:00 horas no Local Social do colectivo.
Haberá degustación de castañas e panceta.
O Concello de Cervo anuncia que “novembro é o mes do teatro en San Román de Vilaestrofe”. Haberá representacións os días 3, 10, 16, 17 e 23 no pavillón.
A primeira será este domingo, día 3 de novembro, da man do Grupo de Teatro A Mariña, ás 19:00 horas. Representará a obra titulada Teatro contra o bullying: eres único. A seguinte representación deste ciclo correará a cargo de A Adala Futura, que ofrecerá a obra Rosalía Café. Será o domingo 10 ás 19:00 horas. A compañía Pico do Castro representará Trato a cegas o sábado 16, tamén ás 19:00 horas. A Adala ofrecerá a obra Marina Club o domingo 17 ás 19:00 horas. E rematará o ciclo co grupo Argalleiras, que representará Autopista o sábado 23 ás 18:30 horas.
O concello de Cervo terá actividades para celebrar o Samaín desde este xoves, 31 de outubro, ata o 4 de novembro, luns.
“En Cervo contamos con Samaín. Achégase esa data terrorífica e desde o Concello de Cervo temos varias propostas para desfrutar en familia”, anuncia o Concello cervense.
A programación comezará este xoves ás 19:00 horas nas Escolas Vellas de Cervo, coa actividade Historias con susto para durmir a gusto, a cargo de Rilo & Penadique. Está organizado por Airiños do Xunco.
O venres, 1 de novembro, ás 19:00 horas haberá maxia na Casa do Mar, en San Ciprián.
O sábado, tamén ás 19:00 na Casa do Mar, Dani García ofrecerá o espectáculo titulado Don Gelati
As actividades continuarán o domingo con ...
leer más
O Concello de Cervo anuncia que este venres, día 25 de outubro, hai “unha divertida actividade para desfrutar coas crianzas, dentro do programa Ler Conta Moito, da Rede de Bibliotecas de Galicia”. Titúlase Fraga dos Mouros. O Bosque Itinerante e será ás 19:30 horas no salón de actos da Casa do Concello.
“Unha moura e un trasno deben salvar o bosque. Coa participación dos nenos, atravesarán probas e descubrirán a mitoloxía e a natureza galegas entre xogos, contos, cancións en vivo e malabares”, explica o Concello de Cervo.
Este sábado, día 19 de outubro, o Grupo de Teatro A Mariña representará a súa obra titulada “Teatro contra o bullying. Eres único”. Será no salón de actos do Concello de Cervo ás 19:00 horas.
Esta representación está incluída dentro do circuíto de teatro afeccionado da Vicepresidencia da Deputación de Lugo.
O Concello de Cervo organiza unha andaina popular polo Día Mundial Contra o Cancro de Mama. A cita será o sábado 19 de outubro ás 11:00 horas e o punto de encontro é o peirao de San Ciprián. A continuación haberá unha sesión de Ioga na Casa do Mar, para todas as persoas que desexen asistir.
Os diferentes edificios municipais de Cervo iluminaranse de cor rosa, para sensibilizar á poboación sobre a importancia da detección precoz, para mellorar o prognóstico e a supervivencia das pacientes que padecen esta enfermidade.
A parroquia de San Román celebrará as festas na honra á Virxe do Pilar e á Virxe do Carme do 11 ao 13 de outubro. Os diferentes actos previstos foron presentados pola alcaldesa de Cervo, Dolores García Caramés, polo concelleiro Alfredo Fernández e por unha representación da Comunidade de Montes de Vilaestrofe, entidade que organiza a festa, coa colaboración do Concello de Cervo.
O programa arrinca este venres 11 co SanroDance 2024 a partir das 23:00 horas, no pavillón da parroquia, e que contará coa participación de DJ Pablo Conxuro, DiscoMóbil Alejandro Martínez, e os DJ invitados, Marcos Peón e DJ Balbin.
O sábado 12 haberá misa solemne cantada polo Coro Parroquial de Cervo ás 13:00 horas, e a continuación a orquestra Costa Dorada será a encargado da sesión vermú, que tamén protagonizará a verbena co grupo Da Silva.
O domingo 13 volverá haber...
leer más
O Concello de Cervo anuncia: “este xoves, día 10 de outubro, temos unha cita importante con motivo do Día Mundial da Saúde Mental: a inauguración da mostra Conecta co mar. O mar é vida”.
O acto será na sala de exposicións da Casa da Cultura, en San Ciprián, ás 11:30 horas.
O Concello de Cervo anuncia que este mércores, día 2 de outubro, terá lugar a presentación do libro titulado Noches sin dormir, obra de Willy. Será ás 20:00 horas no auditorio da Casa da Cultura.
A reseña desta publicación, da editorial Círculo Rojo, é a siguiente: “Willy expone en Noches sin dormir los diferentes puntos importantes de su vida, marcando el ritmo a través de sus poesías y canciones. Una forma diferente de afrontar los avatares de la vida y la crudeza de la realidad: amor y desamor, dolor, frustración,... Vida y muerte se debaten en este grito desesperado a la perduración y a la lucha que no deja indiferente a nadie. Siendo combativo de forma original, refleja la sociedad y el tiempo que le tocó vivir, transportándolo a otra perspectiva. En sus poemas invita a la reflexión vital con una sensibilidad, ligereza, fuerza e...
leer más
O Concello de Cervo pon en marcha outra edición máis do programa Arruguiñas, dirixido á poboación maior de 60 anos, que se desenvolverá desde outubro de 2024 ata xuño de 2025.
O prazo de inscrición está aberto ata o 4 de outubro na Casa da Cultura e no Concello e seguirá aberto dependendo das prazas de cada actividade.
O Concello de Cervo destaca que “a iniciativa, que tivo moito éxito na primeira edición, artéllase sobre os seguintes piares fundamentais: taller de memoria, móvete, actívate e talleres terapéuticos; e como nova incorporación un taller de lingua de signos. Todas estas propostas compoñen unha iniciativa pensada para este grupo de poboación co obxectivo de contribuír a dinamizar o seu día a día, e de que se manteñan activos e activas social, físico e mentalmente”.