Foz
A cuarta edición do Certame de Teatro Afeccionado do Concello de Foz, que leva o nome de José Luis López Lorenzo (O Poto), dará comezo este venres, día 6 de xuño, ás 20.30 horas na Casa da Cultura Poeta Manuel María. “Foi difícil seleccionar as seis obras participantes xa que cada ano se inscriben máis e de maior calidade”, explica a concelleira de Cultura, Inés López Couto.
As seis elixidas, que se poderán ver desde este venres en Foz, son: venres 6 ás 20.30 horas, Sen frores nin coroas, da Asociación 57 palabras, de Viveiro;. sábado 7 ás 18.30 horas, Segredos de familia e licor café, de Martabelas Compañía de Teatro (Teo); domingo 8 ás 18.30 horas, Cartas da muller ausente, de Ditirambo Teatro, da Coruña; venres 13 ás 20.30 horas, Pareja abierta, da Asociación Nimú de Lui (Teruel); sábado 14 ás 18.30...
leer más
O mércores 28 de maio ás 20:00 horas na Sala Bahía, de Foz, o Foro Social da Mariña organiza unha conferencia coloquio titulada Ucrânia, militarismo, impérios, a cargo de Carlos Taibo Arias, escritor e profesor xubilado da Universidade Autónoma de Madrid.
O Foro Social da Mariña explica que “a guerra de Ucrânia ten revelado moitas das miserias do planeta contemporáneo, e entre elas a natureza belicista dos impérios, a condición sumisa da UE e o esquecemento permanente do sufrimento da xente común. Á condena do militarismo ruso compre agregar unha crítica radical do expansionismo occidental. E compre lembrar, en paralelo, un escenario marcado poderosamente polas crises social e ecolóxica. A conferencia abordará esta escalada bélica e as súas consecuencias, a situación xeopolítica actual, o incremento do gasto en defensa, a...
leer más
A asociación Os Sendeiros, de Foz, fará a ruta Fuentes del Sil, en La Cueta (León), os días 28 e 29 de xuño, sábado e domingo. A saída desde Foz será o sábado ás 15:00 horas e ás 15:15 horas desde Ferreira do Valadouro.
Os prezos desta actividade, incluído o aloxamento en habitacións dobres con pensión completa, son: 150 euros para socios federados, 155 euros para socios non federados e 160 euros para socios temporais.
As prazas son limitadas, o prazo para anotarse remata o 30 de maio e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
O Presidente da Deputación de Lugo, José Tomé Roca, presentou nos xardíns do Pazo de San Marcos a quinta edición do Coñece o románico da provincia de Lugo, o programa da Deputación de rutas gratuítas guiadas polo patrimonio lucense. Un acto no que estivo acompañado por deputados e deputadas e tamén alcaldes e concelleiros e concelleiras dos municipios polos que van discorrer estas rutas. “Unha cita xa consolidada na nosa programación turística, que ano tras ano confirma o interese, a curiosidade e o orgullo que sentimos pola nosa historia e polo noso patrimonio”, valorou o mandatario provincial.
“Estas rutas non son só unha actividade turística. Son, sobre todo, unha oportunidade para redescubrir o noso territorio con outros ollos”, apuntou Tomé Roca, quen argumentou que “moitas veces buscamos experiencias a centos ou miles de quilómetros...
leer más
A parroquia de Nois, no concello de Foz, celebrará a Festa das Flores esta fin de semana, sábado 17 e domingo 18 de maio.
As actividades comezarán o sábado ás 12:30 horas con misa solemne e sesión vermú a cargo do grupo Lume, que tamén amenizará a verbena, a partir das 22:00 horas. No descanso haberá sorteos sorpresa.
E o domingo ás 12:30 horas celebrarase misa solemne e procesión ao redor da capela do Socorro. Despois haberá sesión vermú do dúo Estrella
Organiza esta festa a Asociación Deportiva San Xulián de Nois, que anuncia que haberá carpa.
A asociación veciñal O Torques de Marzán (Foz) organiza unha viaxe cultural a Santiago de Compostela para o día 24 de maio, sábado. A saída será ás 08:00 horas desde o Parque do Cristo.
O prezo para os socios do colectivo organizador é de 40 euros, mentres que as persoas que non pertencen á asociación O Torques deberán pagar 64 euros. O pago realizarase por adiantado. O último día para retirar o ticket é este vernes, 16 de maio, e as prazas son limitadas.
O prezo inclúe: viaxe ida e volta Foz-Santiago, visita con guía ao conxunto monumental da cidade e comida en restaurante do centro.
Este xoves, día 15 de maio, ás 20:30 horas na Librería Bahía, de Foz, celebrarán o Día das Letras Galegas coa presentación do libro titulado Bóveda, a memoria no lugar, a cargo do seu autor, Óscar Górriz.
“Trátase dun libro de recollida etnográfica e musical con textos e fotografía. Teremos música de pandeireta completando a presentación”, explica Librería Bahía, que ademais anuncia: “o venres día 16 de maio haberá un 10% de desconto en todos os libros escritos en galego, para celebrar as nosas letras e promover a compra de libros en galego”.
O sorteo tivo lugar en Radio Foz esta mañá. Foi conducido por Anxo Rivas e contou coa asistencia da xerente de Acia Foz-CCA, Ana Segade.
Os números afortunados foron: 3.748 (papeleta entregada en Seguros Allianz); 21.842 (en Infotec); 4.587 (en Centro Dietético Alba Vila); 20.005 (papeleta entregada en Carnicería Salai Campo); e 12.538 (en Cenor Belianorte).
As persoas agraciadas poden contactar co teléfono da asociación 982 132 751.
Desde Acia-Foz CCA agradecen a colaboración da Xunta de Galicia e do Concello de Foz na campaña do día nai, que se desenvolveu entre o 25 de abril e o 8 de maio. “Agradecemos a fidelidade ao comercio local para facer as compras durante todo o ano e tamén en datas tan sinaladas como a que se acaba de celebrar”, sinalan desde Acia Foz-CCA.
La Asociación Española Contra el Cáncer organiza rutas saludables en Foz los viernes a las 19:00 horas desde el 16 de mayo hasta el 13 de junio.
Es una actividad gratuita dirigida a toda la población. El recorrido será desde la Avenida da Ribeira, en el muelle, hasta la playa de Llas, ida y vuelta.
Para asistir es necesario inscripción previa, que puede hacerse a través del teléfono 639.262.312 o del correo electrónico lugo@contraelcancer.es.
O Centro de Interpretación da Mariña (CENIMA), en Foz, acolle ata o día 23 de maio a exposición titulada Os maragatos da porta de San Pedro. Está organizada polo Colectivo Egeria e a Fundación Carmen Pérez-Carro e estivo anteriormente en Lugo, A Coruña, Santiago de Compostela, Pontevedra, Ourense, Monterroso, Mondoñedo e Lourenzá.
No acto de inauguración participaron o alcalde de Foz, Fran Cajoto; o segundo tenente de alcalde, Ángel Fernández; a técnica de Cultura, Pilar López, a xerente do Centro Comercial Aberto de Foz , Ana Segade; e Xulio Xiz en representación de Egeria.