O Valadouro
O Valadouro celebrará a XXXIII Mostra Folclórica o vindeiro sábado, 2 de setembro, na Praza de Santa María ás 20 horas. O evento está organizado pola asociación cultural Amado Lar. Ademais contan coa colaboración do Concello do Valadouro.
Na mostra participarán a asociación organizadora, orixinarios da zona, así como a asociación cultural Antaruxas e Sorteiros, chegados directamente da Fonsagrada.
A área de Cultura da Vicepresidencia da Deputación de Lugo leva o espectáculo “Mil maxias máis” do Mago Antón a Meira, O Valadouro, Sarria, Guitiriz e Becerreá ao longo do mes de agosto.
No Valadouro estará este sábado, 12 de agosto, de 17 a 21 horas.
O Mago Antón chegará as vilas nas que actúa no magomobil, un vehículo preparado para o desenvolvemento do espectáculo e con capacidade para 70 espectadores. En cada lugar, fará cinco funcións diarias de 45 minutos cada unha, adaptándose á demanda.
A deputada de Cultura, Iria Castro, indicou que “esta xira comeza mañá venres en Meira, ampliando a programación das festas patronais, e continuará durante o mes de agosto no Valadouro, Sarria, Guitiriz e Becerreá” e explicou que “a programación amplía e diversifica a axenda cultural nas distintas...
leer más
Mariña Patrimonio, en colaboración co Concello de O Valadouro, organiza para o domingo 13 de agosto a proxección do documental “Segadores da Órrea en terras de Castela.Unha historia de heroes” promovido pola Asociación de Veciños e Veciñas de Santa Comba da Órrea (Riotorto) e dirixido pola xornalista Vanesa Gómez xunto coa deseñadora e fotógrafa Laura Alonso.
O documental recolle o testemuño de trinta e un veciños da parroquia da Órrea, que se desprazaban nos meses do verán a Castela para realizar os traballos da sega; unha migración de tempada que moitos miles de galegos protagonizaron ao longo de trescentos anos e que perdurou ata os anos 60 do pasado século XX.
Esta película documental posúe un gran valor antropolóxico, sociocultural e histórico, recoñecido nas diferentes proxeccións realizadas en Galicia e...
leer más
Nova convocatoria da Delegación de Cultura do Concello do Valadouro. Nesta ocasión presentan a proxección do documental Ecos da Galerna do 61 este sábado, 3 de xuño, ás 20:00 horas no Salón de Actos da Casa da Cultura Manuel Lourenzo do Concello do Valadouro. Entrada de balde.
Sinopse:
O mes de xullo do 61 quedou marcado a madeira, morte e salitre na memoria colectiva dos pobos mariñeiros dende Brest ata Ferrol de tal xeito que agora, 60 anos despois, e cando xa moitos dos protagonistas que sairon con vida daquela terrible experiencia que foi pasar unha galerna non están entre nós, perviven na transmisión oral moitos feitos e anécdotas do acontecido en alta mar e nos portos aos que ían chegando barcos desfeitos e novas de vivos e mortos.
Como homenaxe a tódolos mariñeiros e ás súas familias, e co obxectivo...
leer más
A Concellería de Cultura do Concello de Valadouro informa da representación de teatro cómico que terá lugar o vindeiro venres, 26 de maio ás 21:00 horas coa peza Dúo Vaguedades.
En Dúo Vaguedades, Isabel Risco e Fran Rei convértense en Rosalía de Castro e Eduardo Pondal, nunha iniciativa que dá un salto do audiovisual ao escenario e que mestura teatro, humor e música. Na liña habitual desta parella de humoristas, este espectáculo propón unha revisión cómica dunha parte fundamental da nosa cultura, da nosa lingua, do noso xeito de ser e da nosa relación co resto do universo.
Dúo Vaguedades é un espectáculo que se achega, en clave de humor, a diversos aspectos que nos definen como galegos e galegas, ao valor da nosa lingua,e á riqueza patrimonial e cultural propias de Galicia.
Esta...
leer más
O Departamento de Servizos Sociais do Concello do Valadouro organiza o Festival da Terceira Idade que se celebrará o 13 de maio, sábado, no pavillón polideportivo municipal.
O prazo para as inscricións remata o 8 de maio e deben facerse nas oficinas municipais de 9:30 a 14:00 horas ou a través do teléfono 982.57.40.00.
As actividades empezarán ás 13:00 horas coa recepción e aperitivo amenizados polos Acordeonistas da Mariña. Despois haberá xantar, sorteos e baile amenizado polo grupo Montreal.
A Delegación de Cultura do Concello do Valadouro informa de que o vindeiro sábado, 29 de abril, ás 20:30 horas no Salón de Actos do Centro Socio-cultural, Xuvenil e da terceira Idade "Manuel Lourenzo, escenificarase a obra de Teatro Menciñeiro á forza, a cargo do grupo Os Pícaros de Lagoa.
A obra escollida é unha coñecida adaptación elaborada nos anos 60 polo escritor chairego Xosé Manuel Carballo. Trátase dun texto baseado na famosa comedia de Molière O enfermo imaxinario.
Sinopse
Un matrimonio que sempre anda á porfía. Como ela está un pouco cansa da actitude do seu marido, maquina unha vinganza: facerlles crer que andan a buscar un menciñeiro para a súa filla.
A entrada é de balde.
A XVII edición do Mercado de Primavera do Valadouro celebrarase este venres 24 e sábado 25 de marzo.
O venres 24 a partir das 21:00 horas no salón de actos da Casa da Cultura terá lugar o pregón inaugural a cargo da xornalista Susana López Montes e deseguido haberá unha demostración de música e baile en zocas coa Asociación Cultural Amado Lar, do Valadouro, e concerto de Caamaño&Ameixeiras .
O sábado 25 de marzo desde as 10:00 horas ata as 19:00 horas estarán abertos ao público os postos de venda do mercado situados na rúa Andrés López Palmeiro. Desde as 11:00horas os artesáns situados na praza de Santa María ensinarán os seus oficios enxebres: barro, cestos, zocas, fiadeira, ferro... E a esa mesma hora a batukada da Comparsa Os Fandangueiros realizará un pasacalles polas rúas de Ferreira. A partir das 12:00...
leer más
Desde a Concellería de Cultura infórmase de que o prazo de inscrición de postos para participar no Mercado de Primavera remata o próximo 15 de marzo.
As bases que rexen a participación no devandito mercado están a disposición de todos/as interesados/as na web do Concello do Valadouro e na sede electrónica.
Para calquera dúbida poden chamar ao teléfono 982 57 15 16 en horario de 9:00 a 14:00 e de 16:00 a 20:00.
A Concellería de Cultura ultima os detalles do XVII Mercado de Primavera que se celebrará o 25 de marzo.
Desde o Concello sinalan: “queda un mes... moi pouco tempo para o gran evento que levas esperando todo o ano: O Mercado de Primavera no Valadouro!!! Anímate, vai preparando as zocas, a indumentaria e as gañas de pasalo ben. Esperámoste o sábado 25 de marzo”.
O mercado, a tradición e a música serán os protagonistas da xornada.