Cursos
A Aula CeMIT do Vicedo organiza un curso sobre banca dixital que se desenvolverá os días 16 e 23 de outubro e 6 de novembro, xoves, de 17:30 a 20:00 horas.
Haberá tres bloques formativos diferenciados: seguridade (temas relacionados con ciberseguridade, noticias falsas, timos, fishing, etcétera); práctico banco online (uso da banca no móbil e no ordenador, pagos, etcétera) e práctico caixeiros (uso do caixeiro automático).
As inscricións poden facerse a través do teléfono 982.59.01.95, do correo electrónico cemit.ovicedo@xunta.gal, de forma privada nas distintas redes sociais ou de maneira presencial na Casa da Cultura Aula CeMIT do Vicedo.
O Concello do Valadouro ofrece actividades para adultos desde o día 1 de outubro ata o 21 de xuño. As inscricións están abertas ata o 24 de setembro ás 14:00 horas.
As actividades ofertadas son as seguintes: ximnasia de mantemento, luns e mércores de 10:00 a 11:00 horas en Ferreira e venres de 18:30 a 19:30 no Cadramón; ioga, xoves de 20:45 a 21:45 horas; pilates, martes de 20:45 a 21:45; novas tecnoloxías, martes de 11:00 a 12:00 horas; taller de memoria, luns de 17:15 a 18:15 en Ferreira e venres de 17:30 a 18:30 horas no Cadramón; e envellecemento activo, os martes de 18:00 a 19:00 horas.
O día 25 de setembro, xoves, o Sindicato Labrego Galego organiza unha xornada gratuíta en Ribadeo sobre prevención de riscos laborais e perspectiva de xénero. Será na Aula CeMIT, rúa Antonio Otero 15, 2º (Casa da Xuventude) de 9 a 14 horas.
“Cómpre darlle á prevención a relevancia que ten. É urxente formarse nestes ámbitos. Non o dubides e inscríbete xa nos contactos: teléfono 664.581.949 ou correo electrónico formacion@sindicatolabrego.gal.”
Esta actividade organizada polo Sindicato Labrego Galego conta co financiamento da Consellería de Emprego, Comercio e Emigración, da Xunta de Galicia.
O Concello de Trabada abre o prazo de inscrición para unha nova actividade formativa: os cursos de talla en madeira, que se desenvolverán a partir do mes de outubro na Escola de Vilar Betote, na parroquia de Sante.
As sesións terán lugar todos os martes, en horario de 20:30 a 22:30 horas, e están dirixidas a persoas maiores de 15 anos. Non é necesario ter experiencia previa, polo que a actividade está aberta a todo tipo de participantes. O custo é de 40 euros mensuais e cada persoa deberá aportar o seu propio material de traballo que se detallará na primeira sesión.
O prazo de inscrición remata o 3 de outubro, podendo formalizarse nas oficinas municipais do Concello ou a través do teléfono 982.135.011.
O alcalde de Trabada, Rubén García, destacou: “seguimos ampliando a nosa oferta de...
leer más
Este venres, 19 de setembro, remata o prazo de matrícula no curso de inglés para comercio e hostalería que organizan Acisa e a Escola Oficial de Idiomas de Ribadeo.
A presidenta de Acisa, Carmen Cruzado, subliña que “Ribadeo recibe cada ano a máis turistas chegados desde outros países, a maioría deles falan inglés e pensamos que sería moi bo que cando van a un bar, a un restaurante, a un hotel ou a un comercio se poidan comunicar con nós nesa lingua, dunha forma sinxela. O turismo estranxeiro vai a máis e nós debemos estar preparados para recibilo e para poder desenvolvernos do mellor xeito posible. Cantos mellores sexan os servizos que ofrecemos desde Ribadeo e desde os nosos negocios, mellor será para todas e todos. Iso redundará na boa imaxe que ofrezamos de Ribadeo e do seu tecido empresarial ao resto do mundo”.
... leer más
El centro social Blanca Muruais, de Saldoira (A Pontenova), acogerá este sábado, día 20 de septiembre, de 9 a 13 horas un curso de manipulador de alimentos e higiene alimentaria. Las personas interesadas en participar pueden inscribirse a través del teléfono 619.67.96.67.
El contenido del curso es el siguiente: “calidad alimentaria; definición de alimentos; clasificación de los alimentos; alteraciones de los alimentos; deterioro de los alimentos de origen animal y de origen vegetal; manipulación higiénica de los alimentos; cadena alimentaria: origen, transformación, tratamiento, trazabilidad de los alimentos; el papel del manipulador de alimentos; locales e instalaciones: maquinaria, herramientas y utensilios, limpieza y desinfección; eliminación de las basuras y residuos; higiene personal: aseo, hábitos higiénicos, estado de salud y...
leer más
A Aula Universitaria da UNED en Foz inicia o curso académico 2025/2026 cunha programación de xornadas informativas abertas á comunidade, que teñen como obxectivo dar a coñecer a oferta académica e os recursos que a universidade pon á disposición do seu estudantado. O primeiro encontro celebrarase o 29 de setembro, en formato presencial na propia Aula de Foz e tamén en liña. A coordinadora da aula, Marta Muíña Rodríguez, explicará cuestións como a oferta académica, os servizos de apoio, os recursos dispoñibles, as vantaxes de estudar na UNED e o modelo de aprendizaxe semipresencial. “Queremos que todo o estudantado coñeza ben como funciona a nosa aula e como pode sacar o máximo proveito dos recursos. A información clara e directa é clave para unha mellor experiencia universitaria”, sinala Muíña.
A segunda sesión terá lugar no Centro...
leer más
A Escola Municipal de Música de Burela pon en marcha este curso unha nova materia, de produción musical, “pensada para todas as persoas que desexen achegarse por primeira vez ao mundo da creación sonora. Non se requiren coñecementos previos nin equipamento profesional, aínda que se recomenda dispoñer dun ordenador para aproveitar mellor as prácticas”, anuncia o Concello de Burela, que explica: “a materia, de carácter eminentemente práctico, permitirá ao alumnado gravar varios temas ao longo do ciclo, explorando todo o proceso creativo; dende a composición e os arranxos ata a gravación, mestura e mástering. Tamén se traballará con estacións de audio dixital (DAWs), síntese, sampling, programas de notación musical, protocolo MIDI e procesamento de sinais. O obxectivo é que cada proxecto persoal sexa motor da aprendizaxe e permita coñecer de primeira man as técnicas e...
leer más
Burela acollerá os días 23 e 25 de setembro, martes e xoves, os obradoiros titulados Sexualidade na adolescencia e Alimentación na infancia.
O Concello de Burela explica que son “dúas xornadas gratuítas dirixidas a pais, nais, coidadores/as e a todas aquelas persoas interesadas en comprender mellor a realidade da sexualidade na adolescencia e para coidar da saúde dos máis pequenos a través da alimentación”.
Serán no salón de actos da antiga biblioteca municipal de Burela o día 23 (Sexualidade na adolescencia) e o 25 de setembro (Alimentación na infancia) de 16:00 a 21:00 horas.
As inscricións para participar poden facerse a partir deste martes, 16 de setembro, na Casa do Concello de Burela ou a través do teléfono 982.586. 000.
“Se che gusta aprender, compartir e manter vivas as nosas tradicións, esta é a túa oportunidade! Apúntate aos nosos cursos de bolillos e bordado, organizados polo Concello de Burela. O prazo de inscrición abrirase do 16 ao 19 de setembro, en horario de 9.00 a 14.00, na Casa do Concello”, anuncia o Concello de Burela.
O curso de bolillos celebrarase os martes, en quendas de mañá e tarde.
O de bordado será os mércores (mañá e tarde) e os xoves pola mañá.
Para máis información as persoas interesadas poden dirixirxe ao CIM do Concello de Burela, chamar ao teléfono 982.580.609 ou escribir ao correo electrónico cim@burela.org.