Eventos
A nave de redes do porto de Burela (Lugo) volverá acoller unha cita que non se celebraba desde maio de 2019. A Fundación Expomar organizará tamén o XXIV Encontro Empresarial e as XXX Xornadas Técnicas.
Despois da reunión do Comité Executivo da Feira, que tivo lugar este mércores pola tarde, a Fundación Expomar confirmou as datas da próxima edición da súa feira monográfica náutico pesqueira: Expomar 2023 celebrarase entre o 10 e o 13 de maio de 2023.
A principal novidade reside nas propias datas de celebración, pois por primeira vez terá lugar de mércores a sábado. “Con esta medida cremos que profesionalizamos aínda máis a feira porque se centra a actividade máis nos días laborais e non na fin de semana, e respondemos así a unha demanda habitual dos propios expositores”, asegura José Manuel González ‘Brais’,...
leer más
A parroquia de Cervo celebrará a Festa na Honra da Virxe das Dolores a vindeira fin de semana.
O alcalde de Cervo, Alfonso Villares, a edil de Cultura, Dolores García Caramés, e o membro da Comisión de Festas, Juan José Pardo, presentaron o evento este mediodía na Praza do Souto.
A cita comezará o sábado 24 coa sesión vermú a cargo de Louband Street Band, que repetirá na verbena pola noite seguida da disco móbil Conxuro.
Xa o domingo 25 haberá misa solemne ás 13:00 horas e a continuación terá lugar a procesión, seguida da sesión vermú que protagonizará Fol do Raxal. Repitirá a Disco Móbil Conxuro.
O Concello de Cervo convida a toda a veciñanza e visitantes, a que gocen destas dúas xornadas festivas na parroquia de Cervo.
Este sábado, día 24, comeza unha nova edición da Ruta da Faba de Lourenzá, iniciativa que acaba de ser premiada polo Consello Provincial de Turismo. Os interesados en facer este percorrido turístico e gastronómico este sábado poden inscribirse ata o venres.
A técnica de Turismo do Concello de Lourenzá, Justa Rodríguez, explica que “agora que está saíndo a faba fresca facemos esta primeira ruta da tempada, que continuará con outras en outubro e novembro, en datas que concretaremos en breve. O percorrido, que será en autobús, empezará ás 10 da mañá en Vilanova de Lourenzá e rematará ás seis da tarde. E as prazas son limitadas a 20 persoas”.
A ruta inclúe visitas guiadas ao mosteiro e á igrexa de San Salvador, ao Museo de Arte Sacro, ao Centro de Interpretación da Faba e ao Pazo de Tovar, así como paseos pola área...
leer más
Muras celebrará o vindeiro domingo a trixésimo cuarta edición da Feira do Poldro e do Gando de Monte, co apoio de Medio Rural da Deputación de Lugo. A deputada Mónica Freire e o alcalde de Muras, Manuel Requeijo, acompañados por Isabel Casariego de Puraga, o tenente alcalde murés Mario Rouco e Benigno Gómez, presidente de Atila Amigos dos Cabalos, presentaron o programa da feira, que promociona a tradición gandeira do concello e do Xistral, que concentra unha parte importante do gando cabalar do país.
Manuel Requeijo destacou a variedade do programa que suma “ao mercado de compra e venda de gando cabalar e vacún diferentes actividades e espectáculos para divertir e entreter a todas as persoas que non teñan un interese directo na gandeiría” e avanzou que “o Concello está a traballar para que a Feira, que é de Interese Turístico Galego,...
leer más
Sete asociacións participarán esta semana no programa Coñece a túa provincia da Deputación de Lugo. Son en total máis de 160 veciños e veciñas de diferentes concellos os que, dende este martes e ata o venres, percorrerán o territorio lucense grazas ás viaxes gratuítas que impulsa a institución provincial para colectivos sen ánimo de lucro.
Este martes,a Compañía de las Hijas de la Caridad de San Vicente de Paul, de Mondoñedo, e a Asociación de Castro de Cuiñas, da Fonsagrada, viaxan ao sur da provincia para percorrer diferentes municipios da Ribeira Sacra. Os da Mariña pararon no Pazo de San Marcos antes de continuar a súa ruta cara a Reitoral de Gundivós, visitarán tamén o Miradoiro do Duque e continuarán o seu percorrido cunha ruta en catamarán polo Canón do Sil. Os veciños da Montaña estiveron na produtora do Servizo de Audiovisuais da...
leer más
O Concello de Burela acolleu esta mañá a presentación da sétima edición do festival benéfico deportivo Alas de Vida, que se celebrará esta fin de semana co obxectivo de recadar fondos para a asociación Debra Pel de Mariposa. Presentaron esta nova edición o alcalde de Burela, Alfredo Llano, o presidente da asociación Fanto Fantini, Diego Campos, e o representante de Alas de Vida, Kiko Muñoz.
O sábado 24 de setembro realizarase un paseo solidario de 3 km con saída na Praza da Mariña ás 16:30h e unha festa infantil para os máis pequenos e pequenas. O domingo 25 de setembro a xornada comezará cunha andaina ás 9:30h que precederá ao trail de 14 km saíndo ás 10:30h, ambos da Praza da Mariña.
Tanto para o paseo, como para a andaina e o trail, é preciso inscribirse na web...
leer más
A Delegación de Medio Ambiente do Concello de Burela presenta a Semana Europea da Mobilidade no municipio, que se celebrará do 16 ao 22 de setembro con máis de 30 actividades e propostas para todos os públicos da man do tecido asociativo burelés.
O alcalde de Burela, Alfredo Llano, e a concelleira delegada de Medio Ambiente, Toñi Eijo, anunciaron esta programación sumándose por 15º ano consecutivo á principal campaña de sensibilización impulsada pola Comisión Europea nesta materia, coordinada a nivel nacional polos Ministerios para a Transición Ecolóxica e Reto Demográfico (MITECO) e de Transportes, Mobilidade e Axenda Urbana (MITMA). A iniciativa responde á promoción de cambios de comportamento na poboación en favor da mobilidade activa e outras alternativas de transporte limpas e sostibles.
Segundo afirmou a...
leer más
A emisora municipal Radio Foz emitirá un programa de reflexión sobre o cambio climático desde unha perspectiva local. Trátase dunha iniciativa na que participan máis de 300 radios municipais e comunitarias de todo o estado. Chámase Onda ODS e comezará cun espazo en directo desde o castelo de Santa Cruz, en Oleiros, este xoves 15 de 9 a 11 da mañá. Un dos participantes será o concelleiro de Relacións Institucionais, Comunicación e Axenda 2030 de Foz, Carlos García.
Os promotores desta iniciativa explican que “este tempo de radio, conducido por Susana Falcón, de Radiofusión, e Pablo García, de Radio A Estrada, abordará diversos aspectos vinculados aos obxectivos recollidos pola ONU na súa Axenda 2030. Realizarase desde o castelo de Santa Cruz, que alberga o Centro de Extensión Universitaria e Divulgación Ambiental de Galicia (CEIDA) , aínda...
leer más
Tras dous anos de parón o burgo de Trasbar, en Cervo, celebrará a tradicional Romaría da Santa Eufemia, unha cita coas súas festas patronais que inclúe un variado programa de actividades que se desenvolverán durante dous días: o venres 16, e o sábado 17 de setembro.
Dous días de festa
Os actos comezarán o venres día 16, día da patroa, ás 23.00 horas, con Conxuro Discomóvil como encargada da verbena.
O sábado 17, os actos comezarán ás 10.00 horas da mañácunha andaina ata a capela antiga de Santa Eufemia situada no mesmo burgo. A misa, será ás 13.00h, cantada polo coro de Cervo, a continuación procesión. A sesión vermú que virá de seguido correrá a cargo do humorista Oswaldo Digón e Conxuro Discomóvil. Xa pola noite, o grupo M-5 Galicia e Conxuro Discomóvil serán os encargados da verbena. Logo de rematar o baile, haberá caldo de...
O vindeiro 25 de setembro terá lugar a segunda edición do Orienta Ribadeo, unha actividade de aventura familiar e de balde. A inscrición estará aberta desde hoxe e ata o 21 deste mes.
Desde a OMIX explican que “chega a segunda edición do Orienta Ribadeo co obxectivo de por en valor o noso concello mediante unha actividade innovadora, segura, saudable, participativa e de carácter familiar. A empresa galega Territorio Comanche deseñou para o Concello esta actividade”.
Orienta Ribadeo terá lugar desde as 11.00 horas da mañá do domingo 25 de setembro. Os participantes deberán percorrer a pé unha distancia variable, intentando localizar unha serie de puntos de control ou balizas e superando diversas probas, tanto físicas como de coñecemento. O tempo máximo para realizar a proba é de dúas horas e media e os equipos...
leer más