Eventos
San Ciprián celebrará a mediados deste mes de xullo as súas Festas na Honra da Virxe do Carme.
A cita, que foi presentada polas edís de Cultura, Servizos Sociais e Medio Ambiente, Dolores García Caramés, Pilar Armada e Mali Méndez, respectivamente, e por unha representación das asociacións A Anxuela, Mar de San Ciprián e Amigos da Maruxaina, que organizan as diferentes actividades, desenvolverase desde o xoves 14 de xullo ata o domingo 17 con múltiples citas gastronómicas e musicais.
Así o día 14, na Praza dos Campos, terá lugar unha Festa do Mexillón, a partir das 20:00 horas, na que se servirán racións deste molusco por parte da asociación Amigos da Maruxaina, que estará amenizada por gateiros e tamén por DJ Ovo.
O venres, 15, ás 14:00 horas, está prevista a sesión vermú a cargo da...
leer más
Viveiro celebra esta semana o XIII Mercado Renacentista, que comeza hoxe, 7 de xullo, e se estenderá ata o próximo domingo día 10.
“Recuperamos esta cita tras dous anos de parón pola pandemia, pero cunha ampla oferta de actividades para todas as idades e gustos”, explica a alcaldesa de Viveiro, María Loureiro, quen subliña que a cita renacentista “é unha referencia tanto para a nosa cidadanía como para posicionar a vila turisticamente”.
O evento central do programa será o tradicional desembarco de Carlos V, que se celebrará o venres 8 de xullo ás 20:00 na Praia de Covas. Esta cita supón un elemento diferenciador do Mercado Renacentista de Viveiro respecto doutras recreacións históricas.
Entre os elementos máis vistosos do desembarco inclúense os tradicionais cabaleiros de Viveiro, os...
leer más
A Deputada de Réxime Interior, Promoción do Territorio e Turismo, Pilar García Porto, presentou este mércores no Pazo de San Marcos a 22 edición do Mercado Medieval de Alfoz, que se celebra os días 15 e 16 de xullo coa colaboración da Deputación de Lugo. García Porto estivo acompañada durante o acto polo Alcalde, Jorge Val Díaz, e polo Concelleiro de Medio Ambiente e Medio Rural, Cándido PaleoRejes.
A Deputada enmarcou o apoio a esta cita coa historia na clara aposta da institución provincial polo turismo de experiencias e de proximidade. “Trátase dun modelo que pon en valor o noso patrimonio, como neste caso, que favorece o equilibrio territorial e que actúa como factor de desenvolvemento do rural. E para conseguir isto traballamos da man cos concellos da provincia, colaborando con diferentes accións e medidas para impulsar o noso...
leer más
A Área de Igualdade do Concello de Alfoz organiza un campamento nocturno os días 19, 20 e 21 de xullo para rapazas e rapaces nados entre 2004 e 2009. É de balde e os participantes, que poderán gozar de actividades como kaiaks, tiro con arco, multideporte, xogos nocturnos, "contos de medo" a redor da fogata, busca do tesouro, piscina e moito máis.
As prazas son limitadas e as inscrición poden facerse a partir do 4 de xullo na Casa do Concello ou na sede electrónica municipal.
Os interesados en obter máis información poden chamar ao teléfono 982.558.001 (extensión 2).
O Concello de Cervo comeza a desenvolver os seus programas de Noites Alternativas e Enredando no Verán con actividades durante os meses de xullo e agosto.
Nesta primeira semana de xullo haberá volei praia na praia do Trono, ás 20:00 horas, e o mércores 6, ás 12:30 horas, balonmán no polideportivo A Veiga. Os días 11, 12 e 13 haberá fútbol praia na praia do Torno, ás 20:00 horas, e o xoves 14 terá lugar unha ruta nocturna de sendeirismo, a partir das 20:00 horas. Ademais o luns 11, ás 12:00 horas, na Casa da Cultura, desenvolverase un obradoiro de maxia; e o mércores 13, a partir das 12:30 horas, terá lugar unha ruta en kaiak dende o porto de San Ciprián. Os días 18, 19, 20, 21 haberá fútbol 3x3 na Praza dos Campos, ás 20:00 horas; o luns 18, ás 12:30 horas, na praia do Torno, haberá surf; e o mércores 20, ás 12:30 horas, balonmán no...
leer más
A comisión de festas O Noso Foz renóvase e presenta a programación dos festexos do Carme.
A concelleira de Cultura, Inés López Couto, anuncia que “O Noso Foz renóvase. A comisión de festas de Foz estrea o verán coa incorporación de novos membros. Xente nova e ideas frescas para unha comisión que empeza este mes de xullo con forza coas Festas do Carme”.
Ángel Fernández Neira, que continúa presidindo a asociación encargada de elaborar as programacións de festexos en estreita colaboración coa Concellería de Cultura municipal, manifesta: “estamos moi contentos de contar con máis xente implicada para colaborar coas festas de Foz, nunha vila coma esta na que é moi importante a unión e que ten un verán moi potente en canto a festexos”. Entre as caras novas están Erea Ben e Fátima Novo, últimas incorporacións á comisión e...
leer más
Concello e Acisa ultiman algúns detalles do VII Ribadeo Indiano, que se celebrará do 8 ao 10 de xullo. A pregoeira desta edición, que está dedicada á muller, será a presidenta do Consello da Cultura Galega, Rosario Álvarez.
As antevésperas arrincan hoxe cun coloquio literario con Xesús Fraga na Casa do Viejo Pancho ás oito e media da tarde. E seguirán coas actuacións musicais de Jamila Purofilin mañá, sábado, no auditorio ás nove da tarde e o domingo no quiosco da música con Boroa tamén ás nove.
As vésperas do Ribadeo Indiano seguirán o luns, 4 de xullo, coa proxección no Teatro de Apuntamentos para un filme: A cicatriz branca, documentario sobre a película de Margarita Ledo Andión. O martes na rúa Rodríguez Murias terá lugar a inauguración da exposición fotográfica Mulleres galegas na emigración ás 20:30 horas...
leer más
O alcalde, Alfonso Villares, e a concelleira de Cultura, Dolores García Caramés, presentaron o programa no campo da festa, na compañía da Comisión, encabezada por Francisco Fernández e Isabel Guerreiro.
A cita festiva será o domingo, 3 de xullo. Ás 13:00 horas está prevista unha misa solemne seguida da Procesión. A continuación terá lugar a sesión vermú a cargo de Tania e o seu acordeón; que á noitiña, ás 21:00 horas, repetirá para amenizar o baile.
A asociación Camiñantes e Camiños, de Barreiros, organiza a Romaría de Santo Estevo do Ermo, que terá lugar este sábado, 2 de xullo.
O presidente do colectivo, José Manuel Gómez Puente, explica que “a Romaría de Santo Estevo do Ermo é unha tradición de moitos anos que os veciños e veciñas de Barreiros teñen moi presente e despois da pandemia, de dous anos sen haber festa, neste 2022 a Asociación Cultural de Sedeirismo de Barreiros xunto co equipo de fútbol Celta Barreiros e coa colaboración de Barreiros Mar e Monte organizamos e propoñemos un sábado cheo de actividades. Por exemplo, ás 10:00 da mañá imos facer unha ruta a pé dende a praza do Concello ata a Capela de Santo Estevo do Ermo. Aos participantes imos entregarlles gorras e pañoletas”.
Sobre o programa Gómez Puente conta que “haberá misa cantada polo...
leer más
A Delegación de Turismo do Concello de Burela presentou esta mañá a súa programación de visitas guiadas para o verán 2022, coa que se pretende dar a coñecer e poñer en valor os oficios tradicionais e artesanais ligados ao mar, o legado xeolóxico con fonda pegada na localidade e declarado de relevancia internacional, así como o patrimonio histórico-artístico, apostando por un turismo slow, sostible e de calidade.
No acto de presentación realizado no Barco Museo Reina del Carmen, estiveron presentes o concelleiro de Turismo, Ramiro Fernández, a concelleira de Medio Ambiente, Toñi Eijo, a edil do Mar, Carmela López, e o xerente de ABSA, Miguel Neira, acompañando a distintos guías que realizarán as visitas este verán desde as súas asociacións ou entidades, como Mª Jesús Alonso, guía, redeira e presidenta da Asociación de Redeiras Cabo Burela;...
leer más