Actividades

A praia dos Bloques e o Cargadoiro acollerán en maio as actividades do programa Corpo de muller. Trátase de talleres de reeducación postural ao aire libre. 

Desde a Concellaría de Igualdade e desde o CIM sinalan que “para pechar este semestre e despois da boa acollida destes talleres desde setembro ata abril, vanse impartir 8 horas de talleres de reeducación postural ao aire libre en maio”.

E subliñan que “o taller desenvolverase os luns e mércores desde as 18 ás 19 horas ao longo do mes de maio na praia dos Bloques e no Cargadoiro. Son un total de 10 horas as que conformarán esta oferta de taller de reeducación da columna. As interesadas deberán pagar a modo de matrícula 15 euros si se anotan os dous días da semana e 10 euros si só é un día á semana”. 

O prazo para facer efectiva a...

A deputada de Cultura, Deseño e Artesanía, Pilar García Porto, mantivo este martes un encontro cos alumnos de Secundaria e Bacharelato do IES Ánxel Fole, do Concello de Lugo, que participan dende hoxe e ata o 21 de abril na Semana Escolar con Maruja Mallo. Nesta programación de actividades que organiza o Goberno da Deputación participan 9.000 alumnos, de 44 centros de toda a provincia que coñecerán a vida e obra da pintora viveirense Maruja Mallo. Con esta iniciativa o Executivo Provincial súmase á homenaxe que a Real Academia Galega rendeu á artista Maruja Mallo con motivo do Día das Artes Galegas.

O primeiro día os alumnos fixeron unha pegada de carteis nos centros escolares. A continuación repartíronse os preto de 9.000 exemplares do libro que a Deputación pon a disposición do alumnado de ESO e bacharelato. Durante a semana lectiva...

A Concellería de Xuventude de Lourenzá organiza dous programas de actividades para esta vindeira Semana Santa. Vanse desenvolver concretamente os días 10, 11, 12 e 17 deste mes.

Unha das iniciativas está destinada a nenos e nenas de entre 2 e 12 anos e inclúe actividades como manualidades ou cociña. E a outra é un curso de cociña para rapaces de máis de 12 anos. Todos os interesados en participar poderán apuntarse na Biblioteca Municipal de Lourenzá ata o vindeiro venres día 7 de abril. 

O concelleiro de Xuventude, Francisco Dasilva, anima a todos os nenos, nenas e mozos do municipio a apuntarse e participar nestas iniciativas, que “sen dúbida serán un bo plan para estas vacacións de Semana Santa. Estas actividades enmárcanse dentro do amplo programa para a xuventude que desde esta concellería temos pensado por en...

Coma tódolos anos dende a Asociación Cultural O Pasatempo queren celebrar a chegada da primavera cunha xornada de actividades para pequenos e maiores, que terá lugar o vindeiro sábado, 1 de abril, en Mondoñedo.

Desde a organización sinalan que “a partir das 16:30 horas da tarde no Parque do Seminario de Mondoñedo inícianse as actividades para nenos e nenas de tódalas idades con diversos talleres de manualidades (en caso de choiva, serán na Casa da Cultura). Dende esa hora haberá tamén xogos tradicionais (chave, tiro da corda, ...) para todas as idades coa colaboración da Delegación de Deportes do Concello mindoniense. Finalmente arredor das 18:00 horas plantarase a árbore no propio parque, momento no que se entregarán os premios aos carteis gañadores. Todos os que o desexen, poderán recitar poemas dedicados á Árbore ou á Natureza durante a...